استفسار من الي عنده فلتر تانك للمياه

**amr_khalefa** · 04-12-2011 12:39 PM

السلام عليكم ورحمة الله وبركاته

سؤال اللي عنده فلتر تانك ابو تلات مراحل احسن انا حاسس اني اتخميت في الفلتر ده وخدمة العملاء بتاعتهم مش عارفين يفيدوني بحاجة

دلوقتي بالنسبة للشمعة بتاعة المرحلة التانية الي هي في النص، طريقة التركيب الصحيحة بتاعتها ازاي؟ يعني الشمعة دي فيها كاوتش كدة لونه ابيض، المفروض اتجاه الكاوتش ده يكون فوق ولا تحت؟

وثانيا، في شكوى ان كتير طعم المية الي نازلة من حنفية الفلتر بتبقى متغيرة عاملة زي المية البايتة الي بقالها اسبوع في ازازة محطوطة في الشمس، مع ان مية الحنفية العادية اصلا ملهاش طعم، ده غير عملت اختبار اني جبت قطن وغطيت حنفية الفلتر بيها وشغلته وبعد استخدام يوم تقريبا لقيت ان القطنة فيها زي تراب اسود حاجة زي برادة الحديد كدة، اكتشفت بعد الفحص ان ده الكربتون الي بيتسرب من الشمعة التانية، نزلت غيرت الشمعة التانية وجبت واحدة جديدة وبرضه نفس المشكلة

ياريت حد يفيدني لو حد بيعاني من المشكلتين دول، اولا عاوز اعرف الاتجاه الصحيح لتركيب الشمعة التانية في الفلتر واذا كان في عنده تسريب الكربون ده عن طريق يحط قطنة على حنفية الفتر ويشغله خمس دقايق كدة يشوف النتيجة دي

وشكرا جزيلا لكم

**أحمد كمال** · 04-12-2011 12:51 PM

شمعة الكربون اما تتغير المفروض تدلق مش اقل من 10 لتر مية عشان تمشي فتافيت الكربون

**mohamed_selim** · 04-12-2011 01:11 PM

بص انا كان عندى الباناسونيك المرحله الواحده و كان زى الفل مفيش ريحه ولا لون فى الميه ... باظ بسبب غلطه منى فجبت التانك و مكملش اسبوع و رميته ... ريحه و طعم غريب فى الميه ... الاول شكيت فى التركيب و ظبطه و اشتغل كويس ساعتين و بعدين كل سنه و انت طيب الميه طعمها و ريحتها زى الحنفيه مفيش اى فرق للفلتر ... لما رميته جبت الباناسونيك تانى و كله تمام ....

**blazer** · 04-12-2011 06:20 PM

انا عندى فلتر water world 6 stage بعد توصيه كمال بيك :)
الفلتر معايا من سنه بالتمام
الفلتر ممتاز بس لازم تغسل الفلتر والعلبه بتاعته كل 6 اسابيع بالميه وتركبه تانى " نضافه " وتغير الفلاتر فى مواعيدها
فلتر تانك انا معجبنيش خالص الصراحه بس اكيد هيبقى انضف من الحنفيه

**M_Marwan** · 04-12-2011 07:48 PM

المشاركة الأصلية كتبت بواسطة blazer

انا عندى فلتر water world 6 stage بعد توصيه كمال بيك :)
الفلتر معايا من سنه بالتمام
الفلتر ممتاز بس لازم تغسل الفلتر والعلبه بتاعته كل 6 اسابيع بالميه وتركبه تانى " نضافه " وتغير الفلاتر فى مواعيدها
فلتر تانك انا معجبنيش خالص الصراحه بس اكيد هيبقى انضف من الحنفيه

يا ريت الله يكرمك تقولى شويه معلومات عن الفلتر ده (صناعته-سعره-مستوى خدمه العملاء)

عاوز اجيب حاجه زيه كده ولو فى احسن يبقى تمام

**amr_khalefa** · 04-12-2011 09:58 PM

شكرا لكم على الافادة يعني على كلامكم كدة ان فلاتر تانك اي كلام وواخدة سمعة على الفاضي؟ بس الشمعة الاولى عندي بعد فترة بلاقي لونها بيتغير كتير وده دليل ان الفلتر فعلا شغال وبينقي المية ده غير ان ساعات المية من الحنفية العادية بتنزل لونها ابيض من كمية الكلور الي فيها لكن لما بشغل الفلتر في التوقيت ده بينزل مية صافية جدا دليل تاني انه فعلا بينقي المية زي ماهو المفروض

بس المشكلة الي عندي ان ساعات طعم المية بيتغير ده غير موضوع تسرب الكربون من الشمعة التانية دي الي مش لاقيلها اي حل

علشان كدة ياريت حد يكون عنده الفلتر ده التلات مراحل ويفيدني شمعة الكربون بتاعة المرحلة التانية اتجاه تركيبها الصحيح ازاي

**blazer** · 05-12-2011 12:08 AM

دا تقرير عملته لما اشتريت الفلتر
ارجو انه يساعدكم
www.nilemotors.net/Nile/169546-6.html

**maka** · 05-12-2011 12:20 AM

بص هو فى كتالوج الباناسونيك كاتبين عند تغيير الشمعة يرجى فتح المياه بدون استخدام لمدة 10 ثوانى , لكن مش عارف النظام فيه فى تانك

**M_Marwan** · 05-12-2011 11:46 AM

المشاركة الأصلية كتبت بواسطة blazer

دا تقرير عملته لما اشتريت الفلتر
ارجو انه يساعدكم
www.nilemotors.net/nile/169546-6.html

الف شكر يا باشا واخباره ايه معاك ؟ هل طعم الميه متغير ؟

وهل العرض بتاع الخصم ده لو من طرفك لسه موجود ؟؟

الموضوع: استفسار من الي عنده فلتر تانك للمياه

LinkBack

أدوات الموضوع

عرض

-

-

-

-

-

-

-

المواضيع المتشابهه

محتار بين فلتر مياه تانك وفلتر مياه باناسونك

استفسار عن تانك البايك

استفسار عن تانك البنزين

اشترى اى فلتر مياة تانك ولا اكوا تك ولا جنرال وكام شمعه

مساعده فى شراء فلتر للمياه

الكلمات الدلالية لهذا الموضوع

المفضلات

المفضلات

ضوابط المشاركة