طرقة عزل و تثبيت السماعات الخلفية للتغلب على مشكلة الزن بأقل التكلفة ( مرفق صور )
كان عندي مشكلة و هي ان السماعات بتزن مع البيز بعد فترة من التركيب ( على رف الفبريكة مش رف خشبيي )
شيكت عليها لقيتها تقريباً مفكوكة ربطها و بعد فترة حصل نفس المشكلة
قعدت أبحث و ادور و لقيت الحل
هو عزل و إعادة تثبيت
نزلت عند واحد بيبيع سفنج و فوم عازل و اشتريت نص متر فوم عازل بـ 11 جنيه زي الصورة
http://www.nileup.com//uploads/image...805fbf8a0b.jpg
http://www.nileup.com//uploads/image...8ee78eb5f7.jpg
و أشتريت عدد 10 مسمار 4 مم بصامولة و عدد 10 ورد كله بـ 2 جنيه
http://www.nileup.com//uploads/image...db8d277ff7.jpg
فكيت الرف الخلفي و نظفته
http://www.nileup.com//uploads/image...a0c26208b2.jpg
عندي حزام الأمان بتاع الكنبة داخل في الرف فأضطريت اقص حتة في الرف علشان اخرج الحزام
http://www.nileup.com//uploads/image...420c05c82f.jpg
نحط الفوم تحت الرف و نعلم مكان السماعات و نقص بواصطة مقص او قطر بس يستحسن مقص
http://www.nileup.com//uploads/image...8f58ecb033.jpg
ناخد بالنا من فتحات التهوية بتاعة مزيل الضباب ممكن نقص قبلها علشان ما نسدهاش
http://www.nileup.com//uploads/image...d0edf7e961.jpg
للأسف ما صورتش الباقي
1 - هتبدي تركب السماعات في الرف عن طريق المسمار و الصامولة و الورد ( 4 مسمامير بصواملهم و وراديهم لكل سمعاعة و تقرط عليها جامدة عن طريق ان تمسك الصامولة بزرادية و تربط المسمار بمفك ( طبعاً الوردة بتتحط قبل الصامولة ) :majd(4):
و بعد كدة تسيل اللية كلها و تنزل العربية
تفرش العازل ( بدون تثبيه بالمسامير او الرف ) و تحاول تخليه تحت المسامير علاشن مايزنش في الصاج
ركب الرف و أسمع الصوت
أحسن من الرف الخشب بكتييييييييييير
بيز مكتوم
سماعات مش بتتهز
فايدة الفوم ايه بقى
لما أنا ثبتت السماعات كويس كنت خايف من الرف كله يقعد يتهز مع البيز و يزن في صاج العربية
علشان كدة أستعملت الفوم علشان اعزل الرف نفسه عن الصاج
التكلفة الكلية 13 جنيه بس
نصيحة لو حد هيكب سماعات ياريت تطلب من المحل يثبتهالك كدة بمسامير حتى ابقى أشتريهم انت و اديهمله يركبهمولك
انا عملت كدة بنفسي علشان كنت حاسس ان مافيش محل هيعرف يعملها زي ما انا عايز
و بكدة يبقى أنتهى الموضوع