حد هنا معاه الموبايل دة بفكر اجيبه ان شاء الله ياريت مميزاته وعيوبه وان شاء الله لو هجيبه هجيبه من بره
عرض للطباعة
حد هنا معاه الموبايل دة بفكر اجيبه ان شاء الله ياريت مميزاته وعيوبه وان شاء الله لو هجيبه هجيبه من بره
محدش معاه الموبايل دة ولا ايه
مش منتشر اوى فى مصر ... بس انا جرتبه كذا مره مع واحد زميلى ... كفائه الصراحه ... وسريع جدا
أنا معايا الموبايل
الحقيقة هو مفيهوش غير عيوب بسيطة:
1- البطارية ضعيفة حبتين.
2- الميموري الداخلية صغيرة ودي مشكلة حيث ان الأندرويد في برامج كتيرة بتنزل على الميموري الداخلية.
3-شاشته لو كانت أكبر كان هيبقى أحسن .
غير كدة هو تمام وسريع واستجابة اللمس سريعة جدا وظريف وعملي .
بس أنا أنصحك تزود شوية وتجيب Galaxy S1 أو S2
وأي استفسار أنا في الخدمة
يعنى الاس 1 او ال2 احسن منه مشكور جدا
الموبايل معايا وعجبني جدا ماشاء الله وفيه كل حاجة واستخدام الاندرويد جميل مقارنة بالسمبيان اللى كنت زهقت منه
هوا العيب القاتل اللى فيه ان البروسيسور arm 11 يعنى معظم البرامج التقيله ذى الفلاش بلاير مش هيشتغل و الالعاب hd انساها ده غير انو مالوش دعم ولا رومات مطبوخه
ياريت شرح للموضوح دة المطبوخة دى وايه كسر سرعة
اه هو زي الفل معايا وبرده لما شفته عجبني عشان حجمه اصغر من جلاكسي اس
تقريبا اسمه في السعودية baby galaxy
بالنسبة لحوار الرومات ده كانك بتنزل سوفت وير جديد خالص وفيه رومات كتيرة ليه
سيبك من الحوار ده دلوقتي لما تجيبه ان شاء الله هتلاقي رومات وكل حاجة
لما تجيب الموبايل هيكون نسخة اندرويد 2.2 froyo
ابقى نزله روم 2.3 هيفرق معاك في استهلاك البطارية بشكل ملحوظ
لان نسخة 2.2 كانت بتستهلك البطارية ودلوقتي بعد مانزلت النسخة الجديدة فرق في الاستهلاك
والف مبروك مقدما
بس انا لسه عايز اعرف ايه كسر السرعة ده
طب ممكن لينك للرومات بتاعته و انا اعربها لحضرتك ؟
اما بالنسبه للبروسيسور انا مش قصدى السرعه انا قصدى نوع البروسيسور حضرتك تقدر تخش مثلا على موقع ادوب فلاش و شوف متطلبات التشغيل هتلاقى ان اقل حاجه ARM V7 و الجلاكسى ARM V6
Adobe Flash Player 11 | Tech specs
شكرا يا رجالة يعنى انا عايز القول الفاصل
دة ايه دة انا مش فاهم حاجة دة انا حاسس انى ميح فى الموبايلات على كدة بقى طب الأس 1 ايه نظامه
الاس 1 كويس اوى بس شوف كده الاس 2 لو سعرهم قريب
هو بص ال1ب1300 وال2 1900 ومش انا اللى هجيبه انا هطلبه من واحد قريبى فمش عايز اكلفه برضو
خلاص يبقا خليك فى الاس 1 حلو اوى و شوف بردو HTC Desire S الرام بتعتو اعلى
لا انا خلاص قولتله على الأس2 ايه رأى حضرتك فيه
اتفضل دا منتدي فيه كل الرومات
Galaxy Ace S5830 Android Development - xda-developers
دا شرح ان [Adobe Flash Player شغال علي الايس بس مش جربته
Adobe Flash Player For Galaxy Ace S5830 Working: Adobe Flash Player For Galaxy Ace On Any ROM 2.3.3 or 2.3.4 Working Tested By Me (:
دا لينك ل over clocking للايس
[KERNEL] Samsung Galaxy Ace GT-S5830 kernel patch - xda-developers
شكرا يا رجالة والله يبارك فيك يا عمر
انا معايا الموبايل وهو رائع بالنسبة لسعره (1800 جنيه)
عيوبه الذاكرة الداخلية وتصوير الفيديو
مزاياه سريع وشاشته وحجمه مناسب جدا وطبعا الاندرويد الرهيب
ال اس 1 افضل طبعا لكن اغلى وحجمه اكبر (2200 جنيه)
ال اس 2 الرهيب اغلى واغلى وحجمه اكبر واكبر (3500 جنيه)
الاسعار طبعا قابله للتغيير لكن ده آخر معلومات عندى
طبعا افضل موقع للموبايلات لازم تكون عارفه عشان المعلومات والمقارنات اللى فيه وهو
GSMArena.com - GSM phone reviews, news, opinions, votes, manuals and more...
وبالتوفيق ان شاء الله