السلام عليكم ورحمة الله وبركاته
معروض عليا اوبترا 2009 مانيوال دواخل ومعظم الخوارج فابريكة عاملة 75 الف كيلو فهل هي كويسة كنوع عربية يعنى ثبات وسحب وقلة مشاكل لانى مش ناوى ابيع وتعمل كام
شكرا مقدما
عرض للطباعة
السلام عليكم ورحمة الله وبركاته
معروض عليا اوبترا 2009 مانيوال دواخل ومعظم الخوارج فابريكة عاملة 75 الف كيلو فهل هي كويسة كنوع عربية يعنى ثبات وسحب وقلة مشاكل لانى مش ناوى ابيع وتعمل كام
شكرا مقدما
فيه مواضع مثبته موجوده هنا في القسم
وتقارير كتير عاملها ملاك السياره عنها
ياريت تتصفحه لانها تفيدك جدا
وحتساعدك في اتخاذ القرار
واحنا تحت امرك في اي استفسار زياده
وشكرا
انا تقريبا قريت كل المواضيع عنها بس فيه تناقض شوية فكنت عايز اعرف من كل مالك وجهة نظره ف موضوع الثبات بالزات يعنى ثابتة لغاية كام وهل فيه مشاكل وجهتك
وبالنسبة للسعر فتعمل كام
الاوبترا بشكل عام لمدة 3 سنين كانت كويسه جدا معايا وثباتها كويس ومحصليش مشاكل الحمد لله هى الصيانه الدوريه فقط
بس انا رأيى تشوف واحده اوتوماتيك احسن بلاش مانيوال , وبرضه تشوف حاجه ماتكونش ماشيه كتير عشان 75 كم فى سنتين كتير من وجهة نظرى
هيا العربية اخر 2008 يعنى بالضبط بقالها 3 سنين يعنى متوسط 22 الف ف السنة فهل ده كتير
بس هي كانت مع حد ثقة وحالتها ممتازة وبالنسبة للاوتوماتيك ظروفى حاليا متسمحش انى اقدر اجيب حاجة موديل عالى وحالة كويسة بس محدش كلمنى ع السعر :)
ومتشكر جدا لرد حضرتك واستاذ ابو يحيى وفعلا المنتدى هنا مليان اعضاء محترمين
ياباشا انا معايا اوبترا 2009 مانيوال اشتريتها من اكتر من سنة والحمد لله لغاية دلوقت ماقبلتنيش مشاكل فيها وبالنسبة للسحب والاتزان لغاية 160 كويسة جدا اعلي من كده بتحس ان العربية خفيفة شوية موضوع السعر انا اشتريتها من سنة كانت عاملة 40 الف كيلو بوية شركة بالكامل بره وجوه عملت 74 الف العربية الي حضرتك بتقول عليها لو كويسة مع العداد الكبير وان فيها اجزاء راشة بره ممكن تعمل حدود ال 68 الف بس ماتزيدش عن كده ممكن تحاول تنزل من المبلغ ده
انا برده عايز اغير وبفكر في الأوبترا او الألنترا الشكل اللي فات وابن عمي قالي ان حماه معاه اوبترا 2010 وعايز يجيب النترا الجديده ويبقولي ممكن تخلص علي 75 ولسه بحالتها بس انا مشفتهاش فهل لو طلعت فعلا لقطه اخدها؟
مشكلتها لو طلعت حلوه هي لونها لانها سماوي وانا مشفتش سماوي خالص في الأوبترا وبيحب الأسود والفضي فيها فهل السماوي بيبقي حلو فيها؟
انا الحمدلله خلصت العربية على 70 وبالمناسبة نسيت اقول هيا مفهاش خدش برة وفيها فرش جلد شيك اوى ورخصة سنة وكام شهر وعليها تأمين الف سنة كاملة ومعمولها صيانة ال75 الف فقلت كل ده يرفع السعر شوية ايه راىء حضرتك حلو كده ولا غالية وبالمناسبة كنت عايز اغير الكاسيت بواحد تاتش كامل زى اللى بينزل ف الكيا يكون دي فى دي وبلوتوث واركب كاميرا ورة عليه ومش محتاج جي بى اس معا شاشتين ورة يعمل كام كل ده وهل لو حبيت اخلى الازاز فامية فهل فى طريقة ف المرور عشان اخليها قانونى وشكرا
ياباشا الف الف مبروك ربنا يديلك خيرها ويكفيك شرها والسعر ده كويس بالمواصفات الي حضرتك ذكرتها موضوع تغيير الكاسيت فيه ناس هنا ركبت كاسيت بايونير دابل 6050 بس من فترة تقريبا فيه موديلات جديدة نزلت منه كان تمنه ساعتها 1150 جنية اما عن موضوع الفامية فانصيحة بلاش منه لأن مافيش حاجة في المرور بتسمح بكده غير لو نازل في مواصفات العربية زي الكيا والحاجات دي لو حضرتك عاوز يبقي ركب ستاير كبس افضل والف مبروك مرة تانية
ده نورك يا باشا :)
الله يبارك فيك يا باشا وان شاء الله ابقى اركب ستاير بس بعد لما اركب الكاميرا عشان مش بشوف حاجة من الستارة اللى ورا:33:
هاهاهاهاهاها والله يا استاذ حسام انا باخد كلامك ثقة وبحب اقرأ كل مواضيعك لانها فعلا بتبقى مميزة
الله يبارك فيك :)
ميدو باشا اخبارك ايه يامعلم انا فعلا قعدت فتره طويله مابدخلش من اول السنه تقريبا لحد رمضان كدا بس بقالى 3 - 4 شهور رجعت ادخل تانى الحمد لله بس القسم عندنا والمنتدى بشكل عام نايم شويه مش زى زمان
انت اللى فين ياباشا دانا كل فين وفين اما باشوفلك مشاركه , ان شاء الله تكون بخير وتبقى متواجد على طول
بلنسبه للثبات
العربيه وزنها علي الارض بلمقارنه بعربيات تانيه كتير اعلي
العربيه عاليه برضه عن الارض
العربيه تمتاز بتعليق متعدد الوصلات خلفي غير متوفر في سيارت احدث
العربيه تمتاز فعلا ان الركاب لا يستطيعون تقدير السرعه التي تسير بيها العربيه بسهوله (ذي ما الاعلان كان بيقول ) هه هه
يعيبها الفرامل ضعيفه لاكن ممكن تلافي هذا العيب تماما بها عن طريق حاجتين :
اولا - تغيير الكاوتش بنوع محترم ويفضل يكون ياباني او التراكشن بتاعه aa
ثانيا - الجنوط الرياضيه بتعمل تهويه افضل للطنابير وكمان حسنت كتير ثبات العربيه
الاوبترا عربيه تستحق الاقتناء
وشكرا
مبروك العربيه
رزقك الله خيرها وابعد عنكك شرها
متابع
الف مبروك وربنا يديك خيرها ويكفيك شرها وهى زى عربيتى 2009 برده وبلنسبه للكاسيت انا عملتله تعديل وركبت كاسيت بايونير كله تاتش وكاميرا خلفيه وعملت موضوع عنه هو الكاسيت التاتش غير شكل الطابلوه خالص وبعدين فيه اسطوانات وفلاشه وكارت ممورى وبتركبله كاميرا خلفيه ونوع ممتاز وكان سعره 2500 تقريبا مش عارف دلوقتى بكام ونوعه بايونير av4250 واى استفسار تحت امرك
كويسة و عملية
متشكر يا جماعة وربنا يبارك فيكو يارب
بس كان ليا كام استفسار كان الكاسيت الاصلى بتاعاها بيهنج لما احط اى شريط يجى يشتغل كويس يقعد شوية وبعدين يقعد يقلب لوحدو كزا مرة مش مرة وحدة ويفضل كده
وكنت عايز اجيب شبكة امامية وعلامة شيفروليه اللى ورا وعايز اغير لمبات الاشارة اللى ف الفوانيس بلمبات اللى بتعمل النور الابيض زى الزينون كده فكل ده يعمل كام وشكرا