اولا السلام عليكم ورحمة الله وبركاته

دي اول مشاركة ليا هنا في قسم الورشة بمشكلة عويصة في عربيتي الأبيزا 99

بداية المشكلة
اني لقيت العربية وبدون اي مقدمات متلتة

ولما روحت للميكانيكي اول حاجة فكر فيها هي تغيير البوجيهات
انا كان معايا بوجيهات فولكس اورجينال من التوكيل بس مقاس 16 و3 شمعة

ركبها وجرب بردو متلتة

غير سلك البوجيهات
مازالت متلتة

قفل علي كدة وقالي تعالالي تاني يوم

لما روحتله تاني يوم
جابلي رشاش من عنده لأنه كان شاكك ليكون الرشاش قاطع

بعد التجربة
مازالت متلتة

في النهاية قالي دة صباب مش شغال ودة مخلي السلندر شغال ضعيف

بعد تجربتي
عايز اراءكم

هل الكلام دة سليم ؟؟؟؟

طب لو هغير
1- أجيب صبابات جديدة واروح لخراط واشتري جوان وش سلندر
2- اجيب نص موتور (وش سلندر بالصبابات ووش التاكيهات)
3- اجيب شورت بلوك


والله المستعان
،
،