روحت السوق النهارده انا وصاحبى كان بينيع الفيليشيا بتاعته سيبته ورحت ادور على e36 المهم قابلتنى اول عربية 520 موديل 90 دخلت على الشاب وكان ظريف ماكنش تاجر والعربية سليمة بص كداب الى يبص على العربية كده بس المهم دخلت عليه طالب كام قالى55000 وعلى استعداد تام انه يروح التوكيل المهم اخره 52000 العربية لونها اخضر عامله 104000 كم كملت جولتى لقيت 525 موديل 89 كام 60000 ونزل لحد 55000 بس ماعجبتنيش المهم فضلت ماشى يانهار ابيض مش لاقى e36 لقيت M40 فورة حكايه مفيهاش غلطة ايه الجمال ده كام 47500 اخره 45000 مع راجل كبير عربية حكاية ولقيت مره واحده e36 جريت عليها على طول وكانت الفاجعة compact يادى النيلة ولقيته تاجر كام 68000 قلتله ربنا معاك زكملت لقيت واحده تانية e36 نبيتى مو 91 1600 كام 65000 ومع تاجر قولته والله ماخده بستين كمان قالى ليه يابه قولته الموتور القديم و91 وطالب 65000 قالى ده انضف موتور فى الدبانه عرفت انه بطيخة وكملت وكانت المفاجاة e36 مو 97 325 اوريجنال بس ملقيتش صاحبها بس هو ده كل المحترم الى يتشاف قولت ياد دور على تاجر يكون معاه بى ام وقوله يشوفاك واحده وادياه حسنته وخلاص المهم قعدت ابص للقيت e39 حسيت انه تاجر دخلت عليه ايه الكلام قولته حسيت انه بيشتغلنى نفضت وروحت على صاحبى لقيته باع العربية بس حنزل ان شاء الله يوم الجمعة واوافيكم بالجديد