الموضوع: المارد الكورى كان عايز يلبسنى

المشاركة الأصلية كتبت بواسطة taiwo

ياأحمد باشا في واحد بيدخل الغرزة وهوه متأكد 100% إنها مقفولة .... ومعتمد علي أن هو اللي قلبه ميت هيرمي عليك وأنت هتفرمل وتفتحهاله عشان أنت بقي الشاب اللي قلبه ورق وهو بطل راليات .......
زي اللي أنت وصفته بالظبط ف الجملة اللي بالأزرق يعني أنت لو مفرملتش هتلبس ...
يبقي نقفلها من بدري ويقف علي دماغه بقي .... ... خد بالك من كلمة بدري دي يعني مش بعد مايكون علي بعد 4 متر نقفلهالو وإلا كده يبقي بنتغابي ...

أنما لو الغرزة أصلا مفتوحه أكيد محدش هيقفلهالو يعني أحنا مش بنرخم ولا حاجة والله لكن ميجبرنيش أني أخاف وأوسعله عشان هي مش عافيه ... لو هو شايفها عافية يبقي يخلي العافيه تعديه بقي ....

وده اللي كان بيقوله فورميلاتور أن اللي بيعدي لازم ماحدش يحس بيه زي الهوا ....

نورتنى يا كبير

المشاركة الأصلية كتبت بواسطة حماده المصري

بصراحه انتوا الاتنين غلطانين من الالف للياء

ولو في دوله في قانون قوي شويه كنتوا بقيت حياتكوا قضيتوها مواصلات وتكاسي

على العموم انسى

ولما تجري اعرف انك لا تلبس حد ولا تخلي حد يلبسك

انا بجري كتير جدا وبيبقى القدامي عارف انه بيلبسني

ب انا مش تعبان في دماغي عشان اجري بتهور واغامر والاقي نفسي لابس

انا بجري وبعرف اشوف ايه اللي قدام اللي قدامي وعمري ما لبست زي كده

وبرضو مع كل ده انت متضمنش ثانيه من عمرك او عمر حد تاني

عندك حق ربنا يسلمها

المشاركة الأصلية كتبت بواسطة hossam_zaky

أسمحولي اقول رأي متواضع
في ظل ظروف البلد الحالية انت مش عارف اللي بيشد معاك ده وراه أيه يعني ممكن يكون شاب سيس زي ما بيقولو أو يكون سارق العربية ( وما أكثر حاليا ) و اللي سارق العربية مش حيفرق معاه انه يخبط العربية أو حتي يفرمها و علي الجانب الأخر أنت باقي علي عربيتك

و ده تأكدت منه قبل الثورة مع عربية قفلت عليا بغباوة و كان حيلبسني و الدم غلي كالمعتاد و شديت وراه و فجأة عربية بوليس بتجري تعديني و تحاول توقفه رحت مهدي السرعة تماما وسبتهم يعيشو مع بعض

بعد الثورة كان فيه وسيلة مشهورة لسرقة العربيات واحد ييجي يحك عربيتك او يخبطها بسيط تقوم تجري توقفه و تعرض عربيتك ادامه و تنزله تتفاجئ ( وده حصل امام صديقي ) بعربية تانية فيها 4 أفراد او أكتر بتقف جنبك و تتثبت بالأسلحة و يكتبوك مبايعة بعربيتك كمان

نهايته لو بتاع الفيرنا كان أبن 000 خلينا أحنا ولاد ناس و بغض النظر عن موديل أو أمكانية أو سعر العربية سيبه يغور و أن كنت شخصيا مبسوط انك لبسته لأنه يستاهل بس الموضوع كان ممكن يكون نهايته مختلفة و ناس مالهاش زنب في العربيات اللي حواليكم تتأذي

و في الأخر بما ان حضرتك راكب بي أم دبليو معتقدتش أنك مستني عربية محدودة الأمكانيات تقارن أمكانيات عربيتك بيها حتي لو صاحبها غشيم و عاوز الناس كلها تعرف أن الفيرنا أحسن من البي أم دبليو !!!!

لما حضرتك تحب تجري و لك مزاج أختار الأول الطريق و بعدين أبعد عن الغشيم في سواقته و شد مع اللي يحترم الطريق

الكلام ده مع أحترامي للفيرنا كسيارة في حدود الأمكانيات اللي مطلوبة منها ( عائلية و ليست للسباق )

شكرا يا فندم

المشاركة الأصلية كتبت بواسطة amrico

الحمد لله ان حضرتك موجود في الدنيا وبتكتب الموضوع ده
ربنا يسترها معانا جميعا
وحمد الله على سلامتك

الله يسلمك يا باشا

المشاركة الأصلية كتبت بواسطة egyptiandiver

الهيونداي ده واحد حاقد و عاوز يفك عقدو عشان يثبت لنفس إنو أحسن من إلي راكب عربية غالباً عمرو ما هيركبهة .... و عشان كدة إنت كنت أحسن تسيبو يهوهو و خلص عشان النتيجة محسومة لصالحك, و كل الناس عرفة كدة. إيه هي فايدة إن واحد يسبق التاني؟ هو نظام عقد ذي ما قلت لحضرتك يا ريت تاني مرة متستجبش لأمثال متخلف حاقد ذي ده. عشان مفيش فيدا من ورى كل إلي حصل ده و أي واحد عاقل لو أرى الكلام ده هيقول إيه الهبل ده؟ أسف بس كلامي ده من حرصي على حضرتك - أخوك أحمد سامي

على راسسى ياكبير