لا عشان هو اللي طلع غشيم ومعرفش يلم عربيتة ويستاهل اللي جرالة لانة كان ممكن يأزيك و يأزي غيرك
عرض للطباعة
لا عشان هو اللي طلع غشيم ومعرفش يلم عربيتة ويستاهل اللي جرالة لانة كان ممكن يأزيك و يأزي غيرك
ابعد عن حيحا :d
نفس النظام ابعد عن الفيرنا
المثل بيقلك ابعد عن الشر وغنيله
والفيرنا هي الشر اللي على الطريق
بص هو طبعا غلطان
الشد هو سواقة ولكنه سواقة رياضية
واي سواقة يعني نزاهة وأخلاق
ومن النزاهة والاخلاق اني حتى لو بشد معاك اني احافظ على حياتك وافتحلك الطريق لو قدامك شيء ممكن يضرك
هو معملش كدة
وانت كان المفروض تعمل كدة حتى لو عاوز تردهاله مكونتش تطلعه على الرصيف لأن وارد جدا انه كان يطير من فوق الكوبري
الفيرنا اه جراية وموتورها كافر اساسا بس خفيفة جدا وثباتها في موقف زي اللي انت بتحكيه دا صفر
سيبك من الخساير اللي في العربية بس المضووع كان ممكن يكون اكبر من كدة بكتير
احمد ربنا وحاول تتمالك أعصابك ولو هتجري تحافظ على حياة اللي بتجري معاه عشان اكيد ربنا هيردهالك
عامل تعمل يا ميني كوبر
خلي النصيحة دي في ودنك على طول
وربنا يكفينا شر الطريق يا رب
انا باقول لك انه شخص حقير ولا خلاف في ده :)
و صدقني اللي انا باقوله لك مش تبكيت مثلا ولا اي حاجة شبه كده
بس تخيل نفسك واحد شتمك (و حقك تتنرفز طبيعي ) رحت قاتله !
هاتبقى راضي عن نفسك ؟
انت راجل طيب و محترم و اكيد اجابتك لأ :)
اذن فالرد على قدر الفعل , و صدقني هي صحيفته ملأها بما شأ ( و ده قول عن احد الصالحين )
تعرف ؟
كتير اوي يكسر عليا حد و اجري وراه و بعدين لما اجيبه ابقى مش عارف هاعمل معاه ايه :)
لو شتمته فانا لما باشتم حد مش باحس اني انتصرت مثلا , و لما اتشتم باتضايق , فالشتيمة مش ملعبي
هاكسر عليه ؟ مش مبدأي اني اسبب اذى لحد :s
اقصى حاجة عملتها في واحد مرة اني جيت قدامه و قفلت عليه و فضلت اهدي اهدي لحد ما خليته ماشي على 30 ورايا و مش عارف يطلع مني
يستاهل وحمدلله علي سلامتك وده جزاءه من عند ربنا فالدنيا لأنو كان هيموتك ويدمر عربيتك وان كنت تسامحه افضل ... بس ازاي طلعته فوق الرصيف؟
حضرتك اللي غلطان من الاول انك تبقي راكب بي ام و 523 كمان و 2009 كمان وتشد مع فيرنا فيرنا يارااااااااجل دا انت فرده كاوتش عربيتك من غير الجنط برقبه الفيرنا وقول الحمد الله انها عدت علي خير
معلش بس مع احترامى للفيرنا ام جنوط بس انت لو جبت اى حد حتى لو مالوش فى العربيات و سالته مين الاجمد هيقولك - يعنى انت مش محتاج تثبت اى حاجه لان النتيجه معروفه مقدما . ثانيا لو كان لا قدر الله حصل حاجه فى عربيتك شوف كنت هاتصلحها بكام وليه اصلا؟ النوع ده من البشر حله الوحيد تقوم جى جنبه و رافع الازاز قافله و تسيبه مع نفسه يشوفله حد على قده يبقى يشد معاه بجنوطه دى ومافيش داعى للاحتكاك مع النوعيه المؤذيه دى من البشر :00020140:
انا باسوق عربية أحد الأصدقاء لانسر 2008 و باسوق عربيات كتيييير و أكيد باسوق حبيبتي اللادا وأحيانا باجري بسرعة فبعض الناس المريضة تحسبني باشد معاها و99٪ بأقوم مكبر دماغي منه وأعامله كإني بأقوله يالله يا شطووور اجري حبيب ماما ........ وحقيقي مستغرب منك بياناتك بتقول BMW 523i وبتشد مع الفيرنا يـــــاراجل حرام عليك مافيش حتى وجهة نظر للاثبات و لو وصلت ان في صاحب فيرنا مفكرها لمبورجيني سيبه يعيش الحلم يا عمنا على قد عقله الضلم وطلع كمان عيل مؤذي وكان هيلبسك في عربية عطلانه فاحمد ربنا على الي حصل ولو عاوز رأيي الشخصي حضرتك برغم كل ما صدر من صاحب العربية من أخطاء ولكن خطأك الوحيد الي أدى لضرر حقيقي .. الألفاظ البذيئه بتعدي مع القرف ... التغريز ونوايا تلبيسك في عربية ماخبطتش الحمد لله ومافيش حاجة تذكر بس هوه الي لبس في الرصيف وعربيته باظت ويجوز لا قدر الله يكون حصلله حاجة دي فيرنا أمان = صفر ... دا انا في اللادا باحس اني في أمان عن ما باسوق فيرنا بتاعت واحد من اقربائي حقيقي يعني ..... حقيقي انت محتاج عالأقل تقر بينك وبين نفسك انك غلطان وتأنب نفسك مرتين وثلاثة لإن كان ممكن الي عملته يكون ليه نتيجة ماترضاهاش أبدا لا ليك ولا لأي حد تاني والواضح ان حضرتك شخصية محترمة جدا بس اتسرعت شوية وأعتقد جل ما تستطيع عمله دالوقتي هوه اعادة حسابات لنفسك مش أكتر و ربنا معاك ومعانا فالطريق ويحمي الجميع من المتهورين