الموضوع: المارد الكورى كان عايز يلبسنى

المشاركة الأصلية كتبت بواسطة medo007

انا معايا فيرنا ولو اني مبحبش حد يغلط في الفيرنا هههههههههههه
بس هقولك الصراحة , الواد بتاع الفيرنا ده كان عايز الحرق واللى انت عملته معاه ده الصح
لانه يستاهل وكان عايز يلبسك
فيه ناس مريضة لما تيجي تشد معاها وعارفه انك هتطلع منها بتحاول تعمل اي حاجة زي تزنق عليك او يحاول يلبسك فحاجة فدول بقى يستاهلوا اللى يجرالهم وبعدين بالنسبة للفيرنا والبي ام مفيش مقارنة يعني :) عشان تثبت لنفسك هي بتجري ماشاء الله بس برده مينفعش يتقارنوا ببعض

عندك حق بس عارف لما تتخض خضه تفقدك عقلك انا قسما بالله كنت هضربو يالنار

المشاركة الأصلية كتبت بواسطة mero100

تحياتي لكل الاعضاء و كامل احترامي لجميع الردود :-)

نصيحة يا جماعه لكل عضو معاه عربيه مهما كانت :
ياريت نتعامل مع عربياتنا علي انها وسيله مواصلات من نقطه الي نقطه ..... و نفتكر اننا دافعين فيها مبلغ من عرقنا وتعبنا ....و نفتكر ان فيه زوجة و ابن و بنت و اب و ام واخ و ناس كتييييييييييير بيحبونا مستنيينا .....صح ولا ايه؟

انا قبل ماجيب عربيتي اللانوس ...كانت معايا بيجو 305 كانت بتاعت والدي وكنت واخدها منه من وانا في الكليه ومش دافع فيها مليم طبعا....و فضلت معايا لغايه ماتجوزت وخلفت ....و طبعا عملت كذا حادثه بسبب الجري والشد و الأرف .....و ااتعرضت كذا مره للموت ....بمعني شفت الموت فعلا بعيني بس ربنا بينجي ..و طبعا العربيه اتبهدلت جامد وكنت واخدها منه بحاله الزيرو والله لدرجة اني بعتها وعدادها عامل 190000 كم بالظبط ومكانتش قالبه عداد والله .....طبعا لما اتقرصت ودفعت فلوس في اللانوس بقيت بحسس عليها .....لما بحب اجري بجري لما يكون االطريق فاضي ...صلاح سالم مثلا ....بجري لاني بحب احس بالسرعه و بحب افوق العربيه ......طولت عليكم .....
بس ياريت بجد كلنا نفتكر ان فيه ناس بتحبنا مستنيينا ....و نفتكر اننا ممكن نحرم غيرنا مثلا من حد محتاجله .....و نفتكر اننا تعبانين في الفلوس .....
تحياتي ليكم جميعا :-)
اخوكم / عمرو ابراهيم

ربنا يحفظنا و يحفظك يا رب

المشاركة الأصلية كتبت بواسطة syd

غلطان

انا لو شديت مع حد ولقيته اهبل فورا بهدي وبعمله علامة انه كفاءة وقطعني وبكبر دماغي

والله المستعان
،
،

ماهو المشكله انو مكنش اهبل ده خد غرزتين ميتخدوش غير بالهاند انا شايفو و كنت هصقفلو بس فجا لقيتو بيزنق و كان عايز يلبسنى

المشاركة الأصلية كتبت بواسطة shaddadfalcon1

بتفكرني بنييد فور سبيد المعلم ده كان عايز يعملك take out عشان مش قادر يغلبك

باظبط هو ده الكان بيعملو

المشاركة الأصلية كتبت بواسطة thediesel

انا باسوق عربية أحد الأصدقاء لانسر 2008 و باسوق عربيات كتيييير و أكيد باسوق حبيبتي اللادا وأحيانا باجري بسرعة فبعض الناس المريضة تحسبني باشد معاها و99٪ بأقوم مكبر دماغي منه وأعامله كإني بأقوله يالله يا شطووور اجري حبيب ماما ........ وحقيقي مستغرب منك بياناتك بتقول bmw 523i وبتشد مع الفيرنا يـــــاراجل حرام عليك مافيش حتى وجهة نظر للاثبات و لو وصلت ان في صاحب فيرنا مفكرها لمبورجيني سيبه يعيش الحلم يا عمنا على قد عقله الضلم وطلع كمان عيل مؤذي وكان هيلبسك في عربية عطلانه فاحمد ربنا على الي حصل ولو عاوز رأيي الشخصي حضرتك برغم كل ما صدر من صاحب العربية من أخطاء ولكن خطأك الوحيد الي أدى لضرر حقيقي .. الألفاظ البذيئه بتعدي مع القرف ... التغريز ونوايا تلبيسك في عربية ماخبطتش الحمد لله ومافيش حاجة تذكر بس هوه الي لبس في الرصيف وعربيته باظت ويجوز لا قدر الله يكون حصلله حاجة دي فيرنا أمان = صفر ... دا انا في اللادا باحس اني في أمان عن ما باسوق فيرنا بتاعت واحد من اقربائي حقيقي يعني ..... حقيقي انت محتاج عالأقل تقر بينك وبين نفسك انك غلطان وتأنب نفسك مرتين وثلاثة لإن كان ممكن الي عملته يكون ليه نتيجة ماترضاهاش أبدا لا ليك ولا لأي حد تاني والواضح ان حضرتك شخصية محترمة جدا بس اتسرعت شوية وأعتقد جل ما تستطيع عمله دالوقتي هوه اعادة حسابات لنفسك مش أكتر و ربنا معاك ومعانا فالطريق ويحمي الجميع من المتهورين

لا هو مش لبس انا لابستو و ده المزعلنى من نفسى بس ناس بيتقلوى انى مش غلطان
انا انبت نفسى بس هو الغلطان

هوا الحقيقة العيب مش عليك ولا عليه ...........................................سوري يعني

-------------------------------
لقد حصلت علي انذار مع وقف اسبوع لمخالفه القاعده 12 بخروجك عن ادب الحوار
يرجي مراجعه قوانين المنتدي

12.03م
6/12/2011

م.ع.12

المشاركة الأصلية كتبت بواسطة lad

و حضرتك اصلا بتشد معاه ليه يا جماعا العربية عشان نروح بيه شغلنا واكل عشنا و نقدى مصالحنا مش معموله للسباق ممكن حوار زى ده يبدأ بسيط و ينتهى بكارثه طبعا لما شتم والدتك حاجة غلط جدا بس انت اللى فتحت على نفسك فتوحه لما شدات معاه امشى بسرعتك و اللى يشد يشد مع نفسه و خليه يسابق الهوا

شكرا للنصيحه يا باشا

المشاركة الأصلية كتبت بواسطة dr.mostafa anwar

هوا الحقيقة العيب مش عليك ولا عليه ............................سوري يعني

و حضرتك مالك باهلى
انا متربى و مقر فوق انى غلطان يبقى انا متربى و عارف ياعنى ايه مساوليه
مش عجبك الموضوع متعلقش
لاكن ملكش دعوه باهلى بعد ازنك