لايحب الله الجهر بالسوء من القول إلا من ظلم

السلام عليكم


فاكرين طبعا قصة الإنتقام من السيدة (ياسمين محمد عبدالمعطي)
إلي أخدت شكك , وقالتلي بما معناه "ملكش فلوس عندي" ولو هديهملك "هديهملك زكاة عن صحى بنتي

الليلة إنتقام من واحدة ست تانية
أخدت كريم لشركة أجنبية لتكبير أجزاء من الجسم
أخدت بــ 60 جنيه ... باعته لواحدة جارتها بــ 100 جنيه
الكلام ده كان من 3 سنين
وإطلقت
أكلم جوزها ع الفلوس .. يقولي ماليش دعوة
أكلم أبوها .. يقولي كلم جوزها
فطبعا
لجأت للوسيلة الجديدة .. أسلوب الفضيحة
كتبت إسمها على باب الصيدلية إنها واخدة شكك من زمان ومش عاوزة تدفع تمنه
(سعاد محمد عبدالمعطي)
ماجبتش نتيجة .. واضح إنهم جبلات
فلجأت لتصعيد أسلوب الضغط
إيه رأيكم



.....................................
الصورة من الكاميرا الامامية للموبايل
والخطوة الجاية (بالنسبة للأشكال دي) أول ماجمع مثلا 5 أسماء
أعمل بيهم قايمة ... وأطبعا وأخلي عيل صغير يوزعها ع الناس ف الشارع

----------------------
لقد حصلت علي تحذير مع وقف يوم لمخالفه القواعد

تم حذف الصورة لمخالفتها لقواعد واداب المنتدى
يرجي مراجعه قوانين المنتدي

2.39ص
5/12/2011

م.ع.12

مبلاش عشان محدش يعملك مشاكل يا ايو حميد ...

ههههههههههههههههههههههههه ههه

روق يا عم احمد و هدى اعصابك و كبر دماغك معلش

انت كده بتصعد المشكلة اكتر
ودى ست وانت فى بلد ارياف ...واكيد هيكون فى رد فعل

شيل اليافطة لان دى فيها اساءة ليك قبل ما يكون ليها

انا كتبت أسامي ناس قبل كده في ورقة ع الباب
ناس كتير منهم إتكسفت لما إتفضحوا .. وجابوا الفلوس
إلا الإتنين دول
إسمهم ع الصيدلية بقاله شهرين دلوقتي..وماعندهمش دم
يبقا لازم نطور خطة الهجوم
وأنا ماكتبتش حاجة غلط .. أو فبركة
وزي مانت قريت العنوان .. طالما إلي بعمله مش حرام .. يبقا محدش يغلطني فيه
حقي
غزالي الأيام دي ماقدرش أفضل عبيط وأهبل وأسيب فلوسي عند الناس كده
المخازن والشركات لها فلوس عاوزاها ... والشغل ميت
أعمل إيه؟

أنا شايف كده برضه ..
ويا بخت من بات مظلوم ، ولا بات ظــالم.

فعلا ممكن تعمل مشاكل كبيرة يا دوك . و لو قرية بقى هتلاقيهم متكاترين عليك و مغلطينك

بس اسلوب ذكى بجد :)))) احييك ;)

أهلا يادرش يابو 16 الف
هههههههههه

أبوليلى
أنا مفيش في إيدي حاجة أعملها غير كده
ومش هسيب جنيه لحد (وكإنه إداني على قفايا)
والوقت ده بالذات زي ماقلت...المخازن لها فلوس
والفلوس المركونة عند الناس دي بتخسر
أنا ليا ألوووووووف بره
والأيام دي الشغل وقع للربع.. يعني 75% من المبيعات رااااحت مافضلش غير 25% بس
يعني يدوبك دلوقتي الصيدلية ف الازمة دي .. يدوبك بتكفيني بنزين وسجاير
ولحد الازمة دي ماتعدي .. مش هينفع أصبر ع الناس أكتر من كده وخصوصا إنهم مش عندهم نية يجيبوها

اقتباس:

---

المشاركة الأصلية كتبت بواسطة abouleila

شيل اليافطة لان دى فيها اساءة ليك قبل ما يكون ليها [/size]

---

+1

على الاقل شيل------------ دي لأنها فعلا بتسيء لك انت اكتر ما بتسيء للمذكورين

اخد الحق حرفه يا احمد

ولو عاوز تشرد فى طرق تانية ...لو كل ست دخلت اشترت من عندك حاجه
وحكيت ليها الموقف بس ....كده انت عملت دعاية انتخابية

الورقة الى أنت كاتبها تعتبر عيبة على فكرة و مش صح
نصبت عليك سيحلها فى الفلوس زى ما أنت عايز بس تكتب حاجة زى كدة على الورقة و الناس تقراها دى عيبة على فكرة
معلش كلامى دبش بس مش حا اقول غير الحق
و معنى الورقة كدة اى حد بيشترى حاجة خاصة شوية من الصيدلية عندك حا يقول أنك بتسيح و تقول بيشترو أية من عندك انت فاهم قصدى طبعا
ما يصحش كتابة ورقة زى كدة و الافضل تشيلها طبعا بدل ما يحصلك مشكلة و ممكن تعملك محضر تشهير و يتقال انك لا تراعى خصوصية المهنة

محدش هيدخل عندك تاني :)

بلاش يا احمد موضوع الورق دة
انت تصورهم وتحط صورهم زى الانتخابات على باب الصيدلية هههههههههههه
يا بوحميد .. لازم تمنع الشكك بأي شكل
مفيش ف القاهرة اي حاجة شكك اياَ كان شكلها او نوعها
حاول تعمل كدة امنع الشكك وريح دماغك
قرشك ف جيبك احسن ما تدور علية .. ولا اية ؟

طيب أجيب فلوسي إزااااااااااااااااااااااا ااااي؟

تسييح .. وسيحت لما لساني ورم
وحطيت لهم ورق فيه أساميهم .. من غير ماحدد هما خدوا إيه
وماجبش نتيجة
أعمل إيه؟

وموضوع إنها تعمل محضر .. وخصوصية المهنة
ده مش عندنا
والي أنا عملته ده .. مفيش قانون بيمنعه
يعني مفيش قانون بيمنع إنك تقول (بطريقة شفوية أو كتابية) إن فلان أخد منك كذا
وأنا محروق دمي
محروق دمي أوي
المخازن والشركات كل شوية تتصل عاوزه فلوس
مفيش فلوس علشان مفيش شغل
أستلف فلوس علشان أسدد المخازن .. وأنا ليا ألووووووف عند ناس قذرة وحرامية؟؟؟

بص مش حا اقولك تاخد فلوسك أزاى بس تاخدها باى شكل من الاشكال بس تكتب ورقة مكتوب فيها كدة عيب مش صح ابسط ما فيها أى حد حا يقلق منك بعد كدة و خصوصا لو الشيىء الى بيشترى فية خصوصية حا يتقال انك بتسيح فى كل حاجة
انا عندى أمسك جوز الست دى و أضربة علقة افضل من كتابة ورقة كدة مش حا اسيح ابدا أبدا ابدا لواحدة ست حتى لو هية بنت ستين فى سبعين
اقول عليها حرامية ماشى اقول نصابة ماشى بس معلش فية حاجات ما ينفعش اسيح لها فيها
دى وجهت نظرى الشخصية و طبعا الامر دة بتاعك

أنا أسف للإدارة
ماتتخيلوش وضعي إيه دلوقتي
تخيلوا إني بقيت بقفل التليفون علشان الشركات والمخازن لما يتصلوا .. مش لاقي ليهم حجة
ولو قلتلهم تعالوا خدوا بضاعة من الصيدلية بفلوسكم؟؟ أنا ممكن أموت فيها وساعتها هكون مش محل ثقة عندهم ومش هيعاملوني تاني
ياجماعة الأزمة مأثرة عليا جامد

زمان كنت بقدر أستحمل الناس
لكن دلوقتي مش هقدر .. وخصوصا إنهم مش ناويين يجيبوا الفلوس

هو الكريم دة مش ب 60 جنية فقط
يعنى مش قصة عوضك على الله كانك اتعشيت بيهم و السلام و مش ال 60 جنية الى حا يحلو الازمة و أمنع الشكك نهائيا

مش حجم المبلغ هو المهم ياهشام
المبدأ
وإحساس إني باخد على قفايا ده .. وحش

يا عم هزقهم بالفلوس و السلام و ما تتعاملش نهائيا معاهم
بس ما تعالجش الخطا بخطا اكبر و افدح
و الله لو مسكت جوزها ضربتة ما حا اقولك حاجة بس موضوع الورقة دى يعنى مش تمام
عارف لو كتبت الورقة بالمبلغ و اسمها حا أقولك ماشى بس تكتب الورقة كدة لآ
و بجد انا مش عارف جوزها دة اية تلاجة و لا أية بالظبط
ما يدفع الفلوس حا يبقى نصاب و السلام بس لو شاف الورقة اعتقد الطبيعى يجيبلك الاجزخانة دى عاليها واطيها دة اقل واجب يعملة معاك بصراحة هههههههههههههههههههه

مخدتش بالك إنت ياهشام
هي إتطلقت
كلمت جوزها .. قالي طلقتها مليش دعوة
البنات كلموها .. قالت عندكوا طليقي وأبويا أنا مليش دعوة
كلمت أبوها .. قالي هي خدتهم وهي كانت على زمت جوزها .. يبقى هو إلي يدفعهم


والفكرة مش المادة في الأساس (مع إني مزنوق)
الموضوع داخل معايا في عند
ومش هسيبهم حتى لو المبلغ جنيه

سيب الورقة محطوطة شوية وإللى زعلان من الورقة يدفع هو الفلوس نيابة عنها بلا فلسفة وقلبة دماغ .
وعلى رأى المثل إللى يعرف بيت أبويا يقول له

الصورة الادارة حذفتها وبلاش حد يكتب اللى فيها علشان هيتوقف زى احمد
كفاية انك تكتب ورقة ان عليها ديون قديمة من تاريخ ............
وغير كدة هيا ست
ولو طلعت عليك اشاعات مش هتخلص فى بلدكم

موضوع الشركات
لو بضاعة كتير يبقى رجع جزء منها يا احمد
مدام البيع هادى
او نزلها لصيدليات تانية
وبلاش سجائر

ما ضاع حق وراءه مطالب

بس متضيعش حقك بالطريقه دى افضل وراهم بلالحاح والزن لحد ما تقرفهم روح بيتهم كل شويه وخبط وما تملش لحد ما تاخد فلوسك جزء جزء

ونصيحه ابعد عن الشكك مهما كان صغير كله بيجمع ويعمل مبلغ محترم الحكمة بتقول السلف تلف والرد خساره


ولا انت الشغل عندك ما بيمشيش من غير شكك؟؟؟


وبأمانه عايز تخسر زبون شككله ومش حتشوف وشه تانى الا اذا كان بيخاف ربنا ودول بقو نادرين جداااااا

اللي يبيع شكك يستحمل ياباشا
امنع الشكك
انا في الأرياف برده وعمره ماشفت حد بيبيع شكك الا يعني لو واحد ثقه قوي قوي ونسي الفلوس وبدل مايروح يجيبهم فالراجل بيقوله ابقي ابعتهم مثلا

لكن شكك في صيديله ازاي - دي صيديله مش محل بقاله والناس ممكن تتهاوي في اي حاجه لكن عند العلاج وبتقول ستوب

نظام الشكك ده فاااااااااااااااااشل ربنا يكون في عونك والله
بس يا جماعه المشكله في الارياف ناس كتير بتشتغل شكك يعني لو الصديليت اللي جمبك شغاله شكك للاسف بتكون مضطر للحوار ده بس لازم يكون في حد طبعا

اان مشوفت الصوره صراحه فيها ايه بس باين كده في بلوه سوده :)))

مايمكن الكريم ماجبش نتيجة كويسة عشان كدة اتطلقت ودة اللي مخليها معاندة معاك مش عايزة تدفع.ههههههههههههه

يعني تطلق وتدفع فلوس كمـــــــــــــــــــان اما غريبة ياشيخ. فين المشاركة الوجدانية بين الانسان واخيه الانسان يافارما؟؟؟؟؟؟ فين المروءة؟؟؟؟ فين الانسانية ؟؟؟؟؟؟ فين بيتها ونروح نشردها في شارعها هههههههههههههههههههههه ( ندااااااااااااااااء الي السيدة / ياسمين .......... ) شردة رسمي كنت تكتب المنتج اللي اشترته عشان تبقي عملت الواجب وييجو يتحايلو تتجوزها مش بس تاخد فلوسك. الحمد لله ماسمعتش كلام اللي كان بيقولي ادخل علمي علوم وادخل صيدلة ( مكنتش هستحمل الاصناف ده من البشر بصراحة ).

عفوا يا دكتور
بس انت متعرفش ظروف الناس ايه
عموما كان ممكن توقف البيع الشكك
ودايما التجارة فيها مكسب وخسارة
احتسب الفلوس دي عند ربنا احسن من اللي حضرتك عملته دا لانه لن يجدي نفعا الا ان تكون كما تدين تدان والدين لا ينسى والديان لا يموت

الفلوس جاتلي النهااااااااااااااااااردة ياردااااااااااااالة
ف 48 ساعة الفلوس جت علشان كلمة التكبير دي
أي خدعة

أنا فضلت كاتب إسمها ع الصيدلية ..لمدة 6 شهور
وماجبتش نتيجة
كلمة إتكتبت .. جوزها بقا مسخرة الناس ف الموقف
(إكتشفت إنها مش مطلقة.. وجوزها بيقول كده علشان مايدفعش)

على البركه صندوقين ساقع هنا يبني على حساب الدكتور احمد...طارت الفلووووووس تاني هههههههههههه
ربنا معاك

فين الصوره؟

ربنا ستر ان الموضوع عدى من غير دم يا بوحميد

انا مش موافق خالص على ذكر نوع العلاج اللى أخدته لأنه إفشاء سر مريض وبعتبره خيانة للأمانة ملهاش أى علاقة برد فعل ضد عدم دفع الفلوس

يعنى لو واحدة عملت عملية حساسة عند دكتور نسا ومدفعتش يبقى يحط إسمها ونوع العملية على باب العيادة؟
طب الناس مش هتخاف تشترى منك بعد ده؟ متقوليش مش هيخاف الا اللى مش هيدفع لإن المريض العادى كده عرف انك فى ظروف معينة ميعرفهاش كلها هتفشى سره فثقته فيك اهتزت وخسارتك فى الموضوع ده أكتر من مكسبك بكتير

اقتباس:

---

المشاركة الأصلية كتبت بواسطة dr ahmed

ربنا ستر ان الموضوع عدى من غير دم يا بوحميد

انا مش موافق خالص على ذكر نوع العلاج اللى أخدته لأنه إفشاء سر مريض وبعتبره خيانة للأمانة ملهاش أى علاقة برد فعل ضد عدم دفع الفلوس

يعنى لو واحدة عملت عملية حساسة عند دكتور نسا ومدفعتش يبقى يحط إسمها ونوع العملية على باب العيادة؟
طب الناس مش هتخاف تشترى منك بعد ده؟ متقوليش مش هيخاف الا اللى مش هيدفع لإن المريض العادى كده عرف انك فى ظروف معينة ميعرفهاش كلها هتفشى سره فثقته فيك اهتزت وخسارتك فى الموضوع ده أكتر من مكسبك بكتير

---

++++++++1111111111111
فعلا أوجزت و قلت الى عايز أقولة بالظبط

دكتور أحمد
إنا لما بدأت أطالب الناس دي بالفلوس
ناس كتير قالتلي إن الناس دي ... أسوأ خلق الله..
يعني معروفين بسوء الخق وسوء التعامل
ف الوقت إلي أنا معروف فيه وسط الناس بحسن الخلق وخدمات بدون مقابل

دكتور أنا طالبت الفلوس
مفيش إستجابة
بعت ليهم ناس
مفيش إستجابة
كتبت اسمهم ع الصيدلية انهم عليهم فلوس لمدة 6 شهور .. مفيش فايدة
أول ماكتبت الي أخدته
الفلوس جاتلي خلال 48 ساعة
وزي عنوان اااااااااااااموضوع "" لايحب الله الجهر بالسوء من القول إلا من ظلم""
وف الأخر أنا مظلمتش حد
ولو ع الناس
الناس صدقني لها إلي قدامها
إلي هييجي يصرف دوا بفلوسه .. هييجي
والي هييجي يستهبل وياخد دوا ومش ناوي يجيب تمنه .. هيخاف ييجي

أنا عارف طبيعة أهل البلد دي كويس
معندهمش حاجة إسمها إحساس أو دم
لهم مصلحتهم بس
لهم مصلحة ييجوا الصيدلية علشان ياخدوا دوا .. هييجوا
مالهمش مصلحة .. مش هييجوا


دكتور
أنا عاملت الناس هنا بما يرضي الله كتير
وأكتر
أنا خدمتهم خدمات كلفتني فلوس.. بدون مقابل
ف المقابل أخدت منهم إهانة .. وقلة أدب .. وسمعة .. وكلام ف حقي .. وسرقة ونصب

وصدقني
الموضوع مش هيأثر
طيب تخيل
الورقة إتعلقت من يومين
والله العظيم اليومين دول تحديدا شغل الصيدلية كان أحسن من الايام الي قبله كتير


=====
وهقول لحضرتك حاجة

الناس هنا بتجيلي الصيدلية تاخد otc علشان توفر كشف الدكتور
هما محتاجين ليا يادكتور أحمد

بغض النظر عن رأينا فى الطريقه دي لكن النظام ده كان ممكن تعمله لو كانت الحاله ماشيه أو ملكش منافسين فى البلد
اتوقع وممكن اقولك انى متأكد ان الصيدليات التانيه اول ما هيعرفو بالموضوع ده هيستخدموه اسوء استخدام ضدك

نصيحة حاول دلوقتي انك تكسب زباين بأى طريقه
على سبيل المثال :
1- التخفيضات : يعنى مثلا واحد اشتري ادويا وبعد ما تجمعله قوله الاجمالى 47 جنيه لكن هات 44 بس " مع ابتسامه بسيطه "
2- الدعايه : زي النتايج الورق الصغيره وممكن تطبع شنط بلاستيك محترمه وكبيره شويه اعتقد مش هتزيد عن 1 جنيه وتعطيها هديه لاى حد مشترياته تزيد عن 25 جنيه مثلا
3- الهدايا : زي الريفو واللونا وطبعا كل ما يشترى أكتر ياخد هديه أكبر شويه

صدقنى الحاجات الهايفه دي بتفرق جدا مع الفلاحين لان الفلاح بيحسبها بالسحتوت ومش بعيد يكون الصيدليات التانيه بتستخدم اسلوب او اتنين

واعرف ديما لو الحاله ريحت معاك فده أكيد لسبب ياتقصير منك ياشطاره من منافسيك او الاتنين مع بعض

مممممممممممممم عندك حق جدا يادكتور احمد فعلا الناس فى البلد دى مش عايزين الا كدة.....او بعض منهم يعنى بما انى واحدة منهم فا مش هاجمع هههههههه......عموما الف مبروك دة حقك ورجعلك

يا دكتور انا اساسا من صعيد مصر الجوانى
واقسملك انك لو كتبت اسم واحدة كدة على باب الصيدلية لازم لازم يبقى فيها دم بالمعنى الحرفى ---ايوة
يا دكتور يا تاجر يا شاطر لازم تعرف ان اى مشروع تجارى فية نسبة فاقد غير محسوب لازم تحط دة فى بالك
حتى فى البنوك لازم فى نسبة ديون معدومة
وانا كشخص من الصعيد مهما كنت اتعلمت ولا سافرت يمين وشمال لو حد حط اسم المدام كدة مش هيكفينى رقبتة
be wise