عايز دكتور علاج طبيعي معرفة

السلام عليكم ورحمه الله
من كام سنة يجي 7 سنين كان بيجلي تيبس في عضلات الضهر بسبب كتر الشغل عالكمبيوتر وقلة الرياضة
وكنت عملت علاج طبيعي في كذا مركز ابتداء من النزهة الدولي مرورا ب عبد العزيز علما وانتهاء بدكتور ابراهيم البنداري اللي في وش سينما روكسي
والمفروض دول من افضل مراكز العلاج الطبيعي في مصر
المشكلة كنت اعمل الجلسة واخرج اسوق ساعة ولا ساعة ونص ده اكبر غلط
عايز دكتور او اخصائي طب رياضي يعمل جلسات علاج طبيعي في البيت
لان في الشهور اللي فاتت افتريت على عضلات ضهري شويتين ووقفت الرياضة تماما
مابقتش انزل البسين نهائي ولا حتى لعبتي المفضلة كرة السرعة
حتى البحر الصيف ده مافتكرش اني نزلته غير مرة مع الاطفال
وكمان بقيت اقف ساعات كتير في الشارع غير القعدة على الكمبيوتر بالساعات
هل ممكن الاقي طلبي ده
عايز متخصص يعمل جلسات منزليه لانها بتضمن كمدات الشمع الساخن وطبعا انزل بعدها الشارع في السقعة دي يبقي ولا كاني عملت اي جلسات
وطبعا يا ريت مايكونش سفاح لاني بسمع ارقام خزعبلية تخليني اجي على نفسي واروح المركز خاصة انها بتكون متغطية ضمن التامين الطبي بتاعي
شكرا مقدما

بص يا باشا انا لما جالى رباط صليبى ربنا يعفينا كان فى دكتور شاب وكان بيجلى لحد البيت وبس المشكلة انى ساكن فى الهرم والدكتوركان جنبى اما انت فى جسر السويس فى صعب اووووى يجيلك ..... بس الى اعرفة لو عاوز مركز علاج طبيعى كويس د\ علاء المقدم ودة اشهر دكتور علاج طبيعى ودة فى الجيزه فى عمارة الى فيها البنك تحت الكوبرى وانت جاى من الهرم وانا هسأل الدكتور الى كان بيجلى البين لو يقدر يروووح ليك

شكلك كنت بتقرص على عضلات ضهرك يا استاذ كريم
جالك قبل كدة اصابة فى الضهر ؟
ربنا يشفيك يا رب

اقتباس:

---

المشاركة الأصلية كتبت بواسطة masterzmind

بص يا باشا انا لما جالى رباط صليبى ربنا يعفينا كان فى دكتور شاب وكان بيجلى لحد البيت وبس المشكلة انى ساكن فى الهرم والدكتوركان جنبى اما انت فى جسر السويس فى صعب اووووى يجيلك ..... بس الى اعرفة لو عاوز مركز علاج طبيعى كويس د\ علاء المقدم ودة اشهر دكتور علاج طبيعى ودة فى الجيزه فى عمارة الى فيها البنك تحت الكوبرى وانت جاى من الهرم وانا هسأل الدكتور الى كان بيجلى البين لو يقدر يروووح ليك

---

أنا أعرف دكتور فى الهرم عنده مركز اسمه مركز الجزيرة للعلاج الطبيعى .. هو ده اللى قصدك عليه؟

دكتور أحمد يحيى.

هرم ايه يا جماعة
انا كنت بروح روكسي وعباس العقاد بستبعدهم عشان بسوق ساعة وانا راجع لاخر جسر السويس
اروح الهررررررم
خللي ضهري تعبان احسن
لا يا ادهم ده شد عام وتيبس من قلة الرياضة

فيه دكتور هاكلمه واقولك

فى مركز علاج طبيعى فى النزهه الجدبده قريب منك واسعاره مش بطاله

وتروح بره ليه
عندنا هنا دكتور مصطفي سعداوي ودكتور محمد البربري
مصدفي سعداوي قابلته في مقابله الرجاب زمان
ومحمد البربري كان معانا في عيد ميلاد المنتدي في افريكانا
وعموما انا عندي لسه ازازه الزيت اياه يا كيمو لو محتاج مساعده سريعه
ههههههههههههههههههههههههه ههههههههههههههههههههههههه ههههههههه

شكرا جزيلا لمساعدتكم ودعواتكم
زشكر خاص لاحمد سعد
وامس بدات اول جلسات العلاج الطبيعي فعلا
وشنوري بقي
منك لله يا بعيد :-)

اقتباس:

---

المشاركة الأصلية كتبت بواسطة karim_monir

شكرا جزيلا لمساعدتكم ودعواتكم
زشكر خاص لاحمد سعد
وامس بدات اول جلسات العلاج الطبيعي فعلا
وشنوري بقي
منك لله يا بعيد :-)

---

وانا مالي ياعم
هو انا جيت جنبك ؟؟
علي فكره انا بطاريتي ضربت ومارشي باظ وتليفوني اتكسر وكمبيوتر البيت باظ كل ده في يومين
وانا غلبان ومتنيل وبتحسد
امال واحد مليونير زيك موقعه تمنه داخل في جوز ارانب يحصله ايه
قول الحمد لله يا عم بدل ما انت عمال تنغز فيا كده

جلبة مارش ب 40 جنيه بتركيبها
وتليفون 1100 كان نفسي اغيرهولك من زمان وبطارية انتهي عمرها الافتراضي من 10 سنين
وكمبيوتر البيت البنتيم تو اللي بيعتل عارف ده ابو منفلة
يعني بتمن جلسة واحدة علاج طبيعي
شنوري
انصرف بدل ماجيلك اسكندرية اغزك :-)

اقتباس:

---

المشاركة الأصلية كتبت بواسطة karim_monir

جلبة مارش ب 40 جنيه بتركيبها
وتليفون 1100 كان نفسي اغيرهولك من زمان وبطارية انتهي عمرها الافتراضي من 10 سنين
وكمبيوتر البيت البنتيم تو اللي بيعتل عارف ده ابو منفلة
يعني بتمن جلسة واحدة علاج طبيعي
شنوري
انصرف بدل ماجيلك اسكندرية اغزك :-)

---

طيب هات تمن الجلسه وانا حاجي اعملهالك
ومتقلقش ايدي حنينه
ههههههههههههههههههههه
يا غني جلسه العلاج معديه الباكوين
يا غني
يا غني
يا غنييييييييي

اقتباس:

---

المشاركة الأصلية كتبت بواسطة Karim_Monir

شكرا جزيلا لمساعدتكم ودعواتكم
زشكر خاص لاحمد سعد
وامس بدات اول جلسات العلاج الطبيعي فعلا
وشنوري بقي
منك لله يا بعيد :-)

---

شكر خاص لاحمد سعد
كلمتين كدة على الماشى وخلاص :T_thum1[1]:
انا قلت هادخل الاقى ريع تمن المنتدى اللى شنورى عمال يبيع فيه مفروش بقى بتاعى
الله يمسيكى بالخير يا بسكوتة

:44:
شنورى
بستك عليه
مش هاحوشك

استاذ masterzmind انا كنت عايز عنوان العياده بالتفصيل الخاصه بالدكتور علاء مقدم او رقم التليفون عشان عايز اعمل علاج طبيعي وانا من ميدنه نصر وجزاك الله كل خير

اقتباس:

---

المشاركة الأصلية كتبت بواسطة masterzmind

بص يا باشا انا لما جالى رباط صليبى ربنا يعفينا كان فى دكتور شاب وكان بيجلى لحد البيت وبس المشكلة انى ساكن فى الهرم والدكتوركان جنبى اما انت فى جسر السويس فى صعب اووووى يجيلك ..... بس الى اعرفة لو عاوز مركز علاج طبيعى كويس د\ علاء المقدم ودة اشهر دكتور علاج طبيعى ودة فى الجيزه فى عمارة الى فيها البنك تحت الكوبرى وانت جاى من الهرم وانا هسأل الدكتور الى كان بيجلى البين لو يقدر يروووح ليك

---

استاذ masterzmind انا كنت عايز عنوان العياده بالتفصيل الخاصه بالدكتور علاء مقدم او رقم التليفون عشان عايز اعمل علاج طبيعي وانا من ميدنه نصر وجزاك الله كل خير

اقتباس:

---

المشاركة الأصلية كتبت بواسطة Karim_Monir

السلام عليكم ورحمه الله
من كام سنة يجي 7 سنين كان بيجلي تيبس في عضلات الضهر بسبب كتر الشغل عالكمبيوتر وقلة الرياضة
وكنت عملت علاج طبيعي في كذا مركز ابتداء من النزهة الدولي مرورا ب عبد العزيز علما وانتهاء بدكتور ابراهيم البنداري اللي في وش سينما روكسي
والمفروض دول من افضل مراكز العلاج الطبيعي في مصر
المشكلة كنت اعمل الجلسة واخرج اسوق ساعة ولا ساعة ونص ده اكبر غلط
عايز دكتور او اخصائي طب رياضي يعمل جلسات علاج طبيعي في البيت
لان في الشهور اللي فاتت افتريت على عضلات ضهري شويتين ووقفت الرياضة تماما
مابقتش انزل البسين نهائي ولا حتى لعبتي المفضلة كرة السرعة
حتى البحر الصيف ده مافتكرش اني نزلته غير مرة مع الاطفال
وكمان بقيت اقف ساعات كتير في الشارع غير القعدة على الكمبيوتر بالساعات
هل ممكن الاقي طلبي ده
عايز متخصص يعمل جلسات منزليه لانها بتضمن كمدات الشمع الساخن وطبعا انزل بعدها الشارع في السقعة دي يبقي ولا كاني عملت اي جلسات
وطبعا يا ريت مايكونش سفاح لاني بسمع ارقام خزعبلية تخليني اجي على نفسي واروح المركز خاصة انها بتكون متغطية ضمن التامين الطبي بتاعي
شكرا مقدما

---

السلام عليكم أستاذ كريم الف سلامه عليك
انا أخصائي علاج طبيعي رقم حضرتك علشان اتواصل معاك