الموضوع: ماذا تفعل لو كنت مكانه؟

هابيع هدومي لو تجيب فلوس :)
وكل ما أملك
وأقف جنب الراجل اللي وقف جنبي
والجوازة دي مش عاجباني الصراحة لنفس السبب اللي قالته علا
وانا متأكد إن الراجل الطيب صاحب المصنع ربنا هايعوضه خيراً كثيراً
ده قانون الحياة اللي ربنا وضعه
ولو مش في الدنيا أكيد هايكون في الآخرة

أنا عن نفسي .. أنا عارف إن القرار صعب بس هختار إني أبقى مع صاحب المصنع ..
لأن الراجلدة هو السبب بعد ربنا سبحانه و تعالى في أني أتقدم للجواز للبنت دي بالمرتب و المكافءات و المساعدات دة غير أنه وثق في زي ابنه بالضبط ..
يبقى أتركه في محنته دي و أمشي .. دي معلش تبقى اسمها ندالة و بعدين زي الناس ما بتقول الجواز قسمة و نصيب ..

المشاركة الأصلية كتبت بواسطة OlaOsman

رأيي هاقوله في نقط:

1- مش كل يوم الواحد بيقابل في حياته حد زي الراجل صاحب المصنع ده.

2- لو سافر مش مضمون اوي انه هاينجح في شغله ده أو انه هايقدر يتأقلم على الغربة و حوارات تانية كتير صعب ضمانها 100% بس هايكون خسر الراجل اللي وقف جنبه.

3- نوع الحما اللي مش بيقيم وزن للعلاقات الإنسانية أو رد الجميل لصاحب الجميل و كل همه انه بنته تتجوز بسرعة عشان الناس ما يقولوش ان بنت فلان جوازتها واقفة، النوع ده متهيألي لازم اللي هايتجوز بنته يفكر ألف مرة قبل ما يعمل كده. ممكن يطلع عينه بعد الجواز و الله أعلم بنته كمان تربت و نشأت على ايه.

4- المشكلة هي ان المفاضلة هنا بين راجل معرفته ما تتعوضش و صاحب جمايل مغرقة صاحب المشكلة و هو دلوقتي في أشد الحاجة ليه و بين فتاة واضح كده انها ما أبدتش رأيها أصلا في الموضوع أو انها أبدته و رأيها موافق رأي والدها.

طبعا رأيي واضح :)

انا فعلاً مع رأيك وخيراً ما قلتى 000 هذا الحما 00 لايستحق ان يقيم له وزناً ولا اى اهتمام ، اما صاحب المصنع فهو نوع نادر ، وبكل الصدق لاادرى ان كان هذا الرجل موجود بيننا فى مصر ام لا 000 فهذه النوعية قد انقرضت وتلاشت مثل الديناصورات
نوعية كلما جاد بها الزمان والايام 00 فأن كنت مكانة لا افرط فى هذا الرجل ، بلاضافة الى ان العمل خارج مصر الان محفوف بالمخاطر وعدم الاستقرار ، وغير مضمون نهائياً وفى لحظة تجد نفسك فى خبر كان بسبب عدم رضاء صاحب العمل عنك او ان شكلك مش عاجبة انهاردة
تمسك يا اخى العزيز بهذا الرجل وكن رجلاً كما كان رجلاً معك وابنتة افضل مليون مرة من حبيبة لا تراعى مشاعر من تحب ، وان شاء الله سوف يعوضك الله خيراً، وادعوا بأن يوفق الله صاحب المصنع الرجل النبيل الخير وان يعوضة خيراً فى مصيبتة
واتمنى من الجميع ان يدعوا له عن ظهر غيب 0000 بارك الله فيكم جميعاً

الموضوع مش محتاج تفكير ولا حيره

اولا شخصيه زي ده صعب الواحد يلاقيها في أي زمن.. علشان كده المفروض يتمسك بيها جدا

ثانيا لو البنت اللي بيحبها وهايتجوزها ماقدرتشي ده .... يبقى صعب قوي إنها تقدر أي حاجه بعد الجواز .. وخاصة لما يكون أهلها بيفكروا بالطريقه ديه

ومعليشي مواقف زي ده ... بتظهر معدن الإنسان من جواه .. صح وبوضح .

حأقف جنب الراجل العظيم ده مهما كانت النتائج
ولو خطيبتى عاوزانى حتقف جنبى مهما كانت النتائج برضه
لكن لو ماشيه على نهج أبوها فمتنفعش تكون مراتى