سوستة الشكمان بتهيس وصوت العربيه عالي
السلام عليكم
الأسبوع اللي فات روحت عند اهلي ومشت في طريق عالي من النص بسبب الشتا بس كان طين مش حجر ناشف يعني بس برده بيحك
المهم العربيه كان صوتها اساسا اعلي من العادي بس دلوقتي لقيت صوتها عالي قوي وصوت الهواء باين جدا من عند الفرده الشمال كاني مش مركب الفلتر وسايب الهمه مفتوحه
نزلت تحت العربيه لقيت السوسته بدات تتهاوي ووالنزبلك اللي فيها بدا يبان يعني الطبقه اللي زي السلك اللي فوق دي بدات تتشال وصوت العربيه عالي قوي
المشكله اني في القاهره دلقوتي ومش مروح قبل 3 اسابيع فهل ينفع امشي بيها ال 3 اسابيع ولا الشهر ده ولما اروح بقي اصلحها ؟
انا خايف اروح لحد هنا يعورني في الفلوس وانا اصلا معرفش حد هنا خالص
حاجه تانيه انا لاحظت ان استهلاك البنزين ذاد حبتين حلويين بعد الموضوع ده - فهل ده السبب برده؟