تجربتى مع الجين تو

**tutankhamoun** · 23-05-2008 07:36 PM

المشاركة الأصلية كتبت بواسطة FERFESH

علي فكرة انا مش مصدق كلام الاستاذ احمد صيام ده داير يشنع علي العربية في كل حتة ولما قلتله حت صور التقشير الي في الصاج اتهرب وقال ان مش عاخد ردك في الاعتبار

أستاذ فرفش .........
أستاذ أحمد صيام ليس له أي مصلحة في أنه يشنع على العربية أو يسوء سمعتها
و لكن حظه السئ أوقعه في سيارة معيبة و دي بتحصل في كل الماركات حتى البي إم دبليو الألماني
و كل ماركات الدنيا بتطلع حاجات معيبة و هو بس بيحاول يقول المشكلة بتاعته علشان يوعي الناس و طبعا علشان مشكلته كبيرة فرد فعله كبير و ده شئ طبيعي و لا نستطيع أن نلومه فهو دفع مبلغ كبير مش صغير علشان يشتريها فلازم رده فعله تكون مهولة على اد الحدث و المشكلة و له كل العذر

الأخت ميرامار
ألف مبروك السيارة و ربنا يبارك فيها
بالنسبة لشامبو رابيدو فهو موجود في كارفور داندي مول و كارفور المعادي
و أنا رأيت عرض عندهم و هو جركن ماء أخضر من نفس الشركة المنتجة و عليه علبة شامبو هدية

ربنا يباركلكم في العربية و يقيكم شر العين

**محمد قاسم** · 23-05-2008 09:36 PM

1000 1000 مبروك

**fahd_628** · 23-05-2008 10:46 PM

الف الف مبرووووووووووووك و جربى فعلا اللوك بتاع الأطفال دة ممكن يكون هوة دة السبب حتلاقية اول ما تفتحى الباب فى الحتة الى فى الصورة دية يعنى فى نفس المنطقة كدة

**ahmedsiyam** · 23-05-2008 11:14 PM

الف مبروك و ان شاء الله هاتعجبكم كتير و درجه الحراره طبيعيه و ان شاء الله هاتبقى احلى بعد صيانه ال1000

**Powert** · 24-05-2008 12:03 AM

الف مبروك العربية وربنا يكفيكي شرها ويديكي خرها

**tutankhamoun** · 24-05-2008 07:23 AM

المشاركة الأصلية كتبت بواسطة meramor81

مشكورين جميعا بس استاذ توت حضرتك ماردتتش عليه او ماخدش بالك من سؤالى ياريت تفدنى فى موضوع الحراره بتاعت العربيه طبعا استاذ مينو افدنى بس عاوزة راى حضرتك واشكرك يا استاذ فهد بس ماعرفتش اوصل للزرار اللى انت جايبه فى الصوره
انهردا حصل حاجه غيبه جوزى جاى يطلع بالعربيه المفتاح علق والسنتر لوك مش راضى يفتح العربيه ولما جينا ندورهاا عملت صوت فضيحه وقعدت تصوت
فهل كده المفتاح باظ علما بانه بينور احمر عادى وطبعاا احنا كان معانا نسخه تانيه ففتحنا ودورنا العربيه بيهاا

السؤال التانى هى الدفعه الاخيره دى فعلا تختلف عن اللى قبلها

يا جماعة أنا عايز الناس تقرأ الكتالوج

بالنسبة للسنتر
فيه زرار بجانب أزرار التحكم في أضواء الشبورة
هو ده اللي بيعمل RESET للإنذار
و دي صورته

و حضرتك ممكن تجيبي معلومات أكثر من الكتالوج عن طريقة اعادة وضع اعدادت الإنذار

بالنسبة للسخونة

المؤشر بيكون قبل 90 بحاجة بسيطة و لا يزيد عن ذلك أبدا
فإذا كان المؤشر يظهر عند التسعين أو أقل فلا تقلقي
أما لو زاد عن ذلك .......... فلازم تأخدي العرببية و تروحي التوكيل ممكن يكون عندك الترموستات بتاع الحرارة بايظ و عايز يتغير أو حاجة ,..... و بالمرة يكشفوا على دورة التبريد لو فيه مشكلة

بس خدي بالك
لو تسعين و أقل ......... مفيش مشكلة
المشكلة لو بتعلى عن 90

بالنسبة للباب اللي علق
الباب ممكن يكون لا علق و لا حاجة
هو بس قفل الأطفال تلاقيه شغال علشان كدا الباب مش عايز يفتح من جواه
بس قوليلي ........... هو بيفتح من بره ؟؟؟

**mazagnge** · 24-05-2008 09:57 AM

مبروك ميرامار علي العربية و ربنا يهديهالك و يعطيكي بنزينها و خيرها

عم فرفش .... بمنتتهي البساطـة ادخل علي مشاركات الاخ ابوصيام قبل شرائة العربية و ها تعرف و جهه نظرة كويس ... وعلي فكرة ماهو من كلامة و كلام الغير انت بتستفيد و تأخـد بالك من الحاجات دي و انت بتشتري و كمان بتستلم .... و أخيرا ً مفيش حد يروح يشتري عربية عشان يعرف يشنع عليها .... ارجوا انك ما تزعلش مننا بس دة حق ابو صيام في غيبتة ... زي ما هو حقك في غيبتك

عم فهـــد باشـــا .... 100 100 الصورة دى ، افكار يا ولدي .... ليك مستقبل مع وكالة ناسا .

توت توت توت .... يا أخي كلامك حكم بس سؤال لية الواحد مننا ما عندوش زرار RESET عشان لما يحب يبتدي من الاول تاني يضغط علية .

**meramor81** · 24-05-2008 11:24 AM

مشكور كتير استاذ توت للافاده جعلها الله فى ميزان حساناتك فعلا الباب بيفتح من بره ومفيش مشكله والحمد لله وانا هنزل اشوف الزارار اللى مقفول ده فعلا اكيد زى ماحضرتك بتقول ده حمايه للاطفال ولكن هلى زرار resetهايخلى المفتاح يرجع يدور العربيه من غير صوت انذار وبعدين انا بشوف عربيات تانيه بمجرد اللمس بتعمل انذار فظيع بس عربيتنا لو لمستها او شلت الغطا من عليها مش بتتدى انذار لكن لو حطيت المفتاح غلط ده الانذاربتاعها هل ده طبيعى ولا الانذار حتاج ضبط او اشترى انذار جديد ااسف لاطاله وعارفه انى تقلت عليك باسألتى

**tutankhamoun** · 24-05-2008 04:27 PM

المشاركة الأصلية كتبت بواسطة meramor81

مشكور كتير استاذ توت للافاده جعلها الله فى ميزان حساناتك فعلا الباب بيفتح من بره ومفيش مشكله والحمد لله وانا هنزل اشوف الزارار اللى مقفول ده فعلا اكيد زى ماحضرتك بتقول ده حمايه للاطفال ولكن هلى زرار resetهايخلى المفتاح يرجع يدور العربيه من غير صوت انذار وبعدين انا بشوف عربيات تانيه بمجرد اللمس بتعمل انذار فظيع بس عربيتنا لو لمستها او شلت الغطا من عليها مش بتتدى انذار لكن لو حطيت المفتاح غلط ده الانذاربتاعها هل ده طبيعى ولا الانذار حتاج ضبط او اشترى انذار جديد ااسف لاطاله وعارفه انى تقلت عليك باسألتى

أولا العفو يا أختاه
أدام الباب بيفتح من برة يبقى 100 % زرار حماية الأطفال شغال و علشان كدا العربية مش بتفتح من الداخل
بالنسبة لحساسية الإنذار
الإنذار الحساس زيادة عن اللزوم ........... ملوش لازمة و بيضايق و مش هو ده اللي بييجي استاندرد في العربيات
اللي حساس قوي ده اللي بتركب خارج التوكيل و بيكون مش أساسيات العربية
و لكن الحساسية دي ليها ظبط
و لكن كل السيارات اللي أنا ركبتها في حياتي و كان الإنذار راكب في العربية من مصنعها الأصلي
ما بيشتغلشي غير لما حد يفتح العربية فعلا و هي مقفولة أو يحاول يسرق حاجة من تحت الكبوت و لو العربية أتفتحت أصلا بالمفتاح من غير ما يتم تنشيط زر غلق الإنذار بتكون فضيحة
و ده شئ طبيعي في عربيتك و أي عربية الإنذار راكب فيها أصلي

و على فكرة عربيتك الجين 2 اللي فيها مش انذار بس و لكن كمان مينفعش تشتغل من غير المفتاح الأصلي اللي متبرمج على كمبيوتر السيارة

لا تقلقي ,,,,,,,,,,,,, ألف مبروك و ربنا يبارك فيها إن شاء الله
في رعاية الله و آمنه

توت توت توت .... يا أخي كلامك حكم بس سؤال لية الواحد مننا ما عندوش زرار RESET عشان لما يحب يبتدي من الاول تاني يضغط علية

مزجنجي باشا ....... واحشني و الله
أنا لو عندي حل أو زرار يخليك تفصل عن الدنيا
مكنتش كرهت العيشة في مصر و كان زماني بدوس عليه كل 5 دقائق
إلى اللقاء يا صديقي

الموضوع: تجربتى مع الجين تو

LinkBack

أدوات الموضوع

عرض

-

-

-

-

-

-

المواضيع المتشابهه

تجربتى مع كيا سول

تجربتى مع الـ gps

تجربتى

سؤال لاصحاب الجين 2 انا بس عايز اعرف الجين 2 عربية مكلفة ولا معقولة

يا احلى اعضاء الجين 2 انا عايز محتار مبين الجين ونيواكسنت 1600

الكلمات الدلالية لهذا الموضوع

المفضلات

المفضلات

ضوابط المشاركة