السلام عليكم ورحمه الله وبركاته
طبعاا انا حبيت اكتب تجربتنا مع الجين تو 2008 خصوصاا بعد ماقريت الموضوع بتاع استاذ احمد صيام كان الله فى عونه انا عاوزة اقول حاجه مهمه العربيات دى كلها فعلا حظ احيانا بتكون عربيه سمعتها حلوة جداا وبتيجى مع واحد وتتطبش بغض النظر عن نوع العربيه والاكتر لما الواحد يكون واخد عين معتبره ربنا يكفينا شر العين يارب بس اللى انا متاكده منه ان الواحد صعب ياخد حقه هنا فى مصر
عموما ندخل فى موضوعناا..
اول يوم استلمنا فيه الجين تو كنا طبعاا منبهرين بيها مشاء الله عليها فعلا اسد ماليزى ربنايحرسهاا يارب مش قادره اقولكم كل الناس اللى رايحه وجايه منبهرين بالعربيه وسمعه الكلام اللى يقول ايه العربيه الجامده دى واللى يقول مشاء الله على العربيه دى بيت خايفه من عيون الناس وانا قاعده جواهاا انا بيتهيالى لو كنت راكبه بى ام مش هاتلفت نظر الناس كده المهم لما طلعنا بالعربيه تحس منتهى الامان وللعلم زوجى لسه متعلم سواقه يعنى دى اول عربيه لينا كنت خايفه فى الاول بس العربيه تحسسك فعلا بالامان مشاء الله كنت نفسى اجرب التكيف بس قالولى بعد 1000 كيلو الكاسيت مشاء الله صوته نقى وتحفه ولا الفرمل حكايه طبعا انا مش بفهم فى تقنيات العربيه اوى عشان كده مش عارفه اوصفلكم بالضبط .
الصاج منتهى المتانه فعلا قوى جدااا اللون الاسود فيها مميز عن باقى العربيات تحسه داكن جداا وفيه برونز خفيف ولكن مديله لمعه تحفه طبعاا هى بتاكل بنزين وده طبيعى لانها اوتوماتيك احنا لسه ماعملناش بيها الا 200 كيلو بس لان لسه مافيش لوح اتعلقت ولا رخصه كمان :dots:بس طبعاا اول يو استلمناها الباب اللى وره مش بيفتح اكرته باظت حمدت ربنا طبعاا انها جت على الاكره بالنسبه للى قريته
وقولنا هانعملها عند صيانه 1000 كيلو ويارب مايظهر فيها عيوب تانى لانى بحب العربيه دى جداااااا وبحترمهاكتيررررررر
ف يارب تكون على اد ثقتى بيهاا بس ليه سؤال مهم لما بنطلع بالعربيه بنلاقى مؤشر الحراره قرب التسعين فهل ده طبيعى ولا ايه ؟؟ ارجو الافاده
واستاذ توت عنخ امون انا قلبت الدنيا على شامبو رابيدو ولم اجده حتى سالت عليه فى رويال هاوس وده سوبر ماركت كبير زى كارفور بس مالقتش عندهم الا مانع الصدء ومزيل الصدء وجبتهم الاتنين قولت ممكن ينفعونا قداممم فممكن تفدنى لانى اضطريت اجيب فورميلا وكمان مش شامبو ده ملمع فقط بيستعمل بدون ماء بس تحفه جدااا لانه بيخلى العربيه تبرء من غير ميه هو عباره عن كريم بيتحط على فوطه ويتمسح بيه العربيه فياريت تفدنى ااسف لللاطاله