الحل في الكلاب

**SYD** · 05-12-2011 04:36 PM

اولا السلام عليكم ورحمة الله وبركاته
ثانيا طبعا انا بعتذر عن اسم االموضوع بتاعي بس مش لاقي لفظ تاني اطلقه علي الكائنات الي باربع رجول وبوز طويل شوية ومناخير مسودة ومن الفصيلة الكلبية غير اسم كلاب او كما يقال بوبي

هدخل في الموضوع بدون مقدمات طويلة

فوجئت من كام يوم (تحديدا في اجازة العيد ويليها اجازة مولد النبي) وانا سهران وقلما لما بسهر ان في كمية من الكلاب (7 تحديدا) متجمعين تحت بيتي ويتجولوا شوية ويرجعوا تاني وليل نهار ملازمين الشارع بتاعي الي ساكن فيه (عشان محدش يقول شارع الحكومة) وعاملين عربيتي سكن ليهم (محل السكن) وعربيتي فيها انذار وكل شوية الاقي الأنذار يشتغل ابص من الشباك (والجو برد) الاقيه كلب ولا يسوي وشوية ويرجع تاني والأنذار يشتغل

وبصراحة انا قرفت منهم جدا جدا جدا
لأنهم كتير ولما بيجروا ورا بعض بيبقي المنظر مرعب كأنهم قطيع ولما ينادوا علي بعض ولما واحد فيهم الساعة 3 الفجر يقعد يعوي (ودة الي خلاني اخد بالي لما كنت سهران)

ياريت يا جماعة حد يقولي الحل
انا اعرف ان في عربية بينزل منها راجل ومعاه بندقيه وبيضربهم بالنار وبعد كدة بياخد الجثث معاه في عربيته
لو حد يعرف رقم التليفون الي بتصل بيه بتاع العربية ياريت يفيدني
وهل الموضوع متعلق بالمحافظة (انا ساكن في الهرم)

والله المستعان
،
،

**Amr Axel** · 05-12-2011 06:37 PM

ههههههههههه انا بقي مربي الكلاب اللي في الشارع من صغرهم عشان يقعدوا في الباركينج و حوالين العماير و الناس لما فهمت بقوا بيلعبوا معاهم او يسيبوهم عادي من غير ما يكلموهم لحد ما اصغر واحد فيهم عنده حوالي 8 شهور دلوقتي
و كلهم بقوا حوالين العماير الا واحد اللي رشق في الباركينج و عند العربية و بيقرفني لما انزل هههههههههه ناقص يقولي مش هسيبك تمشي لازم تقعد معايا
سبحان الله اي شخص شكله غريب او مش مظبوط و هو ماشي من الناس اللي تشوفهم تقول وراه مصيبة الاقي الكلب وقف في وسط الباركينج و في اتجاه الشخص و يقعد يهوهو و يزوم عليه

و ساعات بيكون عندنا تعالب بليل يا سواد ليله التعلب اللي يقرب بيتعمل عليه كماشة هههههههههه

لو قرفان برده منهم و مش عايزهم
ممكن تجيب حاجة زي النشادر او الفلفل الاسود و ترشهم حوالي العربية لأن الريحة ديه بتخليهم ينفروا من المكان عشان كده بنستخدم الفلفل الاسود في تدريب الكلاب
او ترش جنبهم مية وهم واقفين كام مرة هيطفشوا و يعرفوا ان كل ما يجوا هنا يترش عليهم مية لأن الكلاب بتخاف من المية اوي هههههههه

**mustafavet** · 05-12-2011 06:46 PM

قطع لحم مفروم وتخلط بيهم سم الاستريكنين وتعمل ما يشبة الكور وتحطهم تحت العربية
هيسببلهم تشنج في عضلات الجهاز التنفسي وهيموتوا جميعا

او تتوجة لاقرب مديرية الطب البيطري وتقدم شكوي فبينزلوا بحملة ويقضولك عليهم

**cameeron** · 05-12-2011 11:30 PM

المشاركة الأصلية كتبت بواسطة yascro

سيبهم اليومين دول عاملين حس ف الشارع ومحدش هيقدر يدخل يسرق حاجه

**moh19227** · 06-12-2011 12:24 AM

قطع لحم مفروم وتخلط بيهم سم الاستريكنين وتعمل ما يشبة الكور وتحطهم تحت العربية
هيسببلهم تشنج في عضلات الجهاز التنفسي وهيموتوا جميعا

حرااااااااااااااااااااااا م

**Dr_Mido** · 06-12-2011 12:43 AM

عندنا قطيع مكون من 10 كلاب لبط بصراحه مبيخلوش اى بنى اد مش فى المنطقه يقرب ناحيه اى شارع من من اللى حوالينا من غير ميفضحوة فضيحه سودا او ياكلوة لو اصر انه يدخل سيبهم احسن