عاوز شقه في حدائق الاهرام من شخص مش من شركه
عرض للطباعة
عاوز شقه في حدائق الاهرام من شخص مش من شركه
ياريت يكون فى حد موثوق فية او حد من المنتدى اتعامل معاة بشكل مباشر ...
يوجد بدون تشطيب مساحة 136 م
فين و بكام وكل التفاصيل
عاوز مساحة قد ايه و متشطبة ولا لأ و هاتدفع كاش ولا قسط و عاوز تستلم امتىىىىى ؟؟
عاوز 160 متر نصف تشطيب لاني لما نزلت وسالت قالولي اني المساحه بيطلع منها 20 في المائه خدمات يعني 160 هاتبقي حوالي 130 الكلام دا صح ولا نصب
فعلا المنافع هناك بتوصل ل 25% كمان لو واحد باني قانوني او سايب مساحات كبيره حول العماره انما التجاري 5 و 6 شقق في الدور بياخدوا 20% تقريبا منافع اتباعت قدامي واحد 153 متر بالعداد وعلى شارع 20 متر ب 180 كاش يعني 1200 المتر تقريبا بالبوابه الثالثه
نصيحه لازم تنزل وتلف لان كل عماره وموقعها وسعرها يعني على شارع قد ايه وجهتها ايه اي بوابه !!!
طيب في شقة في البوابة التانية عمارة لسة جديدة طلع منها دور واحد بس
الشقة 150 م تقريبا ب 1350 قسط على سنتين و نص و 1250 كاش بس طبعا استلام كمان 6 شهور و الشقة هاتكون على المحارة و ممكن تتفق مع صاحب العمارة و تاخدها متشطبة و كله بتمنو طبعا
الريسبشن على الواجهة و الغرف جانبية و واجهة العمارة غربي و في كمان مساحة 135 م و متقسمة ريسبشن قطعتين و 3 غرف و اتنين حمام و مطبخ و الريسبشن و غرفتين على الشارع و غرفة واحدة على منور
اولا شكرا لكل الاخوه اللي شاركوني ثانيا انا اتفرجت في البوابه الاولي بس علي كذا موقع هانزل الاسبوع الجاي اشوف البوابه الثانيه والثالثه ربنا يسهل وهابقي معاكم بالجديد ان شاء الله
بعد اذن صاحب الموضوع
طب فى حاجة يا جماعة فى حدود 100 متر وتكون على واجهة ومكان كويس
في عندنا في العماره 100 متر على الواجه والحديقه يعني دور ارضي مرتفع ( اول يعني) بس مش هتصلح اكتر من عياده او مكتب لانها غرفتين وصاله بس المطبخ يعتبر اوفيس يعني ملوش تهويه وهوا صغير جدا
بص 100 متر على الواجه صعب بل مستحيل لان الواجه لازم تكون مساحه كبيره لانها اغلى
كان عندى شقه 102 متر 2 اوضه و رسبشن و مطبخ و حمام و فى عماره شيك جدا و كان فيها ميزه
انها كانت فى الدور التالت على اليمين و جنبها فيلا فكانت كل الشبابيك بتبص على جنينه الفيلا
و كان العامره قدمها منطقه خدمات و كانت فى ن بوابه 4
لو عايزها اشوفهالك والله لان الحجات دى بيتكون مميزه شويه
على فكره العماره ساكنه و فيها اسناسير
لو اوك اشوفهالك لانى والله مش عاف هى نظمها ايه
فيه 160 متر جمب المول البوابه الاوله شارع الثروه المعدنيه
ممكن اعرف تفاصيل عنها ومطلوب كام
لو سمحتوا في ناس قالتلي اتفرج في المريوطيه فيصل ( المريوطيه فيصل غير المريوطيه هرم اللي عند فندق سياج ولا هي هي مكانها فين بالظيط ومنطقه حلوه ولا لا)
ايه اللي جاب هضبه الهرم للمريوطيه ؟
دي منطقه هاديه وجديده والمريوطيه زحمه وقديمه مفيش وجه مقارنه طبعا وبعدين المريوطيه فيصل اسوا بكتير من المريوطيه هرم
[QUOTE=rompo10;3873986505]لو سمحتوا في ناس قالتلي اتفرج في المريوطيه فيصل ( المريوطيه فيصل غير المريوطيه هرم اللي عند فندق سياج ولا هي هي مكانها فين بالظيط ومنطقه حلوه ولا لا)[/QUOTE
حته زباله مع احترامى لكل الناس الفيها
نصيحه لاى احد سوف يشترى شقه فى اكتوبر من موضوع الكهرباء
تركيب العدادات متوقف فى الهضبه منذ اكثر من اربعه سنوات
اما الحديده والعداد راكبين فى الشقه او لاتضيع وقت ويقول لك الكهرباء سوف تركب بعد كام يوم او يجيب لك عداد انشائى وسوف تدخل فى مشاكل لاداعى لها.
اذا عجبتك شقه اطلع بص على جانب الباب هل توجد الحديده ام لا اذا لم تجدها اترك الشقه ولاتضيع وقت حتى لو نزل لك عشرون الف جنيها فى سعر الشقه اتركها وامشى
عادي بيركبوا عداد بيسموه تجاري
بيدفع فاتوره ثابته 300 جنيه في الشتاء
و توصل 600 (حسب تقدير ادارة الكهربا) في الصيف عشان التكييفات
والناس عايشة ومقضينها مخالفات و استهبال
بس ده مش صح فين حقك انتا عارف انك نقل عداد الكهرباء باسمك اقوي لملكيه الشقه من العقد الابتدائي لانه ممكن يكون بايع لمليون واحد دي حاجه
الحاجه التانيه ليه تتحمل 300 او 600 جنيه علشان تعيش في موال انتا في غنا عنه
امشي صح يحتار عدوك فيك واللي يبيشتري شقه بيدفع فيها دم قلبه
نصيحه لو هتشتري في الهضبه اوعى تشتري من غير عداد وشكرا
السلام عليكم و رحمه الله و بركاته
بالنسبه لموضوع العدادات و من واقع تجربتى لاننا عندنا شقتين فى جدائق الاهرام و الاتنين مفيهمش عدادات , الموضوع ده شائع جدا جدا هناك و المساله كلها مساله و قت , و موضوع العداد الانشائي ده رسمى و مفيهوش اى مشكله و بتقدم عليه و ييجى حد يعمل مقايسه و يحددلك المبلغ اللى حتدفعه , و ده على ما اظن بيتراوح بين 450 الى 600 جنيه كل 3 شهور مش كل شهر , و بتستمر كده لغايه ما يدخل العداد , معظم العمارات بترفع قضايا روتينيه علشان موضوع انها تدخل العداد و بتبقى مساله وقت فى القضاء لغايه ما يتم الحكم فى القضيه , هذا و الله اعلم
انا اعرف ناس صار لهم اربعه سنوات ولم تحل مشكله العدادات حتى الان
وفيه ناس اخرى لديهم مبانى تحت الانشاء وويوجد لديهم مقايسات كهرباء سليمه والحديده راكبه بجوار كل شقه.
يعنى ادفع تعب العمر كله واجرى بعد ذلك وراء مشكله عداد الكهرباء
المفروض صاحب العماره يسلمنى الشقه بدون ايه تعقيدات
باشا انتا تقصد الحديده دى الى هى الوحه المعدنيه
انا مش بقول ان ده صح
ده الاستهبال اللى حاصل
اللى بيشترى مش بيضيع حقه بس
لا كمان بيضيع حقى انا وغيرى
انا اشتريت فى المنطقة قبل ما يبقى فى مخالفات و كان ممكن اشترى ارخص فى فيصل
دلوقت المنطقة بتتحول ل شكل غير اللى انا اخترته من 9 سنين خالص
ادوار مخالفه ومحلات وتكتك و مفيش جراجات
من الاخر بقت منطقة تانية غير اللى انا اشتريت شقتى فيها