هو ده قانوني ................ ؟؟؟؟؟

**أبو عبدالله** · 13-06-2007 01:08 AM

السلام عليكم ورحمة الله وبركاته

سؤالي بيراودني من زمان وبانسى أسأل عليه .... هولما تروح التوكيل وتعمل صيانتك ووبعدين يطلع فاتورتك تلاقي مكتوب فيها ....

مثلا : فلتر زيت .... بــــ كذا
زيت ............ بـــــ كذا

مصنعيه ............ بــــــ كذا

------------------------------
الاجمالي .......... كذا
الضريبه 10%

طيب انا عاوز أفهم وأسأل واريد أجابات جاده وليس ردود عشوائيه او تعليقات عاديه

الزيت ............. ماشي مش هسأل هو عليه ضريبه ليه ......... مش مشكله
طيب فلتر الزيت ده جاي من الخارج واكيد اكيد مدفوع عليه جمارك طيب ليه لما اشتريه أدفع ثمنه بالجمارك وعليه ضريبه ثانيه ده اول سؤال ؟؟؟؟

وثاني سؤال وده بقه اللي مش قادر أفهمه بصراحه هي المصنعيه يتاخد عليها ضريبه ليه مش فاهمها دي وانا متاكده ان السما لو انطبقت على الأرض برضه مش هفهمها برضه ؟

ياريت فعلا حد يسأل هي من الناحيه القانونيه ده ينفع لأنه مش منطقي بالمره

**Dr Ahmed** · 13-06-2007 02:19 AM

التفسير معروف ومفهوم وقالته كاو كاو الشرق نانسى عجرم....

"يبقى انت أكيد فى مصر"

**Abdallah** · 13-06-2007 03:17 AM

المشاركة الأصلية كتبت بواسطة Dr Ahmed

التفسير معروف ومفهوم وقالته كاو كاو الشرق نانسى عجرم....

"يبقى انت أكيد فى مصر"

ههههههههههههههههه حلوة يا دكتور والله
فعلا مفيش اى سبب يخليهم يحطوا ضرايب مبيعات على المصنعية.

**hazem_khidr** · 13-06-2007 03:24 AM

و لما بتروح تاكل في مطعم كويس و يضيف عليك الخدمه طب ليه؟؟؟؟؟ هو انا المفروض اني اقوم اطبخ الاكل بنفسي مثلا و لا تمن الاكل دا يخش كله لصاحب المكان و الناس اللي شغاله هما اللي بيقبضوا الخدمه يا اخي الكريم البلد كلها ماشيه كده ما تسالش و لو عرفت تاخد حقك اللي انت مقتنع بيه خده ما تسكتش عليه و انا حسال من الناحيه القانونيه علي الموضوع دا علشان انت لفت نظري فعلا ما احنا بنشتري الفلتر و الزيت من المحلات مش بنشوف الكلام دا ليه

**PAYOO** · 13-06-2007 06:20 AM

المشاركة الأصلية كتبت بواسطة hazem_khidr

و لما بتروح تاكل في مطعم كويس و يضيف عليك الخدمه طب ليه؟؟؟؟؟ هو انا المفروض اني اقوم اطبخ الاكل بنفسي مثلا

يخرب بيت إللي يزعلك يا حازم ... موتتني من الضحك يا راجل

على فكرة أحنا لو فضلنا على الحال ده ممكن يحصل لعقولنا حاجه

**hazem_khidr** · 13-06-2007 06:28 AM

يا بايو باشا لا بد من وقفه اصل الواحد لما يسيب حقه مره ممكن يسيبه التانيه والتالته و بعد كده يتنازل عنه ف فعلا اللي في ايده حاجه يعملها .انا لاحظت الموضوع دا حالا فعلا لما كنت في الامارات و باكل بره في اي مكان مكنش في حاجه اسمها خدمه ابدا لما الاخ ابو عبد الله فتح الموضوع بدات افتكر و افكر ازاي احنا سايبين حقنا حتي ولو حاجه قليله
و صباح الخير :mrgreen: