الكاوتش ممكن يبوظ من فرملة جامدة على سرعة؟

**رزق** · 06-12-2011 07:00 AM

أراء متناقضة على الآخر :)
و فعلا هي كانت مرة واحدة على 180->80 و كانت فرامل على الآخر والطريق متسفلت كويس
اللي مجنني الكوتشتين اللي قدام جبتهم من نفس الراجل في نفس الوقت من نفس النوع
مع ذلك اليمين هي اللي باظت الشمال زي الفل
وده مخليني أفكر زيادة إنه عيب صناعة
الراجل مش عايز ياخدها وبيقوللي دي فرامل
لما قلتله طب اشمعنا عجلة واحدة قال لي أصل و مش أصل التيل تلاقيه قفش في واحدة بس
طب هو معقول يعني واحدة تقفش جدا والتانية لأ أو مش قوي والعربية تكمل على قدام متخدش اتجهات؟!

**Ashraf_Ibrahim** · 06-12-2011 09:53 AM

مستحيل عجلة تدبدب وتبوظ من فرملة مفاجأة واحدة مهما كانت سرعتك يا صديقي !
رمز السرعة على الكاوتش عندك كام؟!

**moh19227** · 06-12-2011 05:05 PM

صعب من مره واحده يحصل الكلام ده الا لو حضرتك عديت علي طوبه في الطريق وانت بتفرمل

**رزق** · 06-12-2011 05:57 PM

المشاركة الأصلية كتبت بواسطة eng.geo

[color=blue][color=blue]
بس انا كنت ظابط رجلي عشان العربية ماتزحفش

للاسف وقت القدر يعمى البصر
أنا كنت عارف الكلام ده بس وقت الموضوع ده هرست الفرامل للارض

**Ayman-Ahmed** · 07-12-2011 09:05 AM

هو نفس الموضوع عندك حصلى بالنسبة للفرامل الشديدة على سرعة عالية بس انا مخدتش بالى سرعتى كانت كام ولو على اقل تقدير كانت فوق 130 وفرملت فرملة امان والتانية وبعدها كبست الفرامل ومش عارف ايه باللظبط اللى طلع دخان.التيل ولا الكاوتش لاننى لسة مبصتش على الكاوتش.ولكن اعتقد نوع الكاوتش وطبيعة الارض هى اللى هتحدد اسباب القبقبة فى الفردة وانصحك تروح اى فرع بريدجستون وتسالهم وتخليهم يبصولك بصة وانصحك بفرع الهرم او فرع عباس العقاد لثقتى فى الفنيين فى الفرعين ومديرى الفرعين.

**ATAHOON** · 07-12-2011 01:35 PM

حصلتلى مرة فى الكاوتش من فرملة واحدة وكان الكاوتش ميشلان حالتة جيدة جدا وبعد الفرملة ظهرت الدبدبة

**omaroof** · 09-12-2011 11:47 AM

كلام موش مظبوط ده لو كاوتش عجلة موش حايقبقب كدا
فية حاجه غلط الكاوتش بتاع العربيه بيبقى مصمم ومصنع عشان يستحمل السرعات العاليه اللى بتتسبب فى ارتفاع درجة حرارته وكمان الاحتكاكات القويه اللى بتسببها الفرامل المفاجئه ده غير ان اضعف نوع من الماركات الكويسه متوسط عمرة من 2 الى 3 سنوات