الموضوع: دعوة للتجمع امام جهاز حماية المستهلك وابوالفتوح بسبب السيارة التيجوا

المشاركة الأصلية كتبت بواسطة khaled_saga

يا جماعة اللى بيقول بنجيب العيب على الراجل صاحب الموضوع وان المستهالك بيشترى ويشوف العيوب ويسكت.. فانا ليا اكتر من تعليق:

اولا هو فعلا له حق بس انا شايف ان السبب مش مستاهل كل الهجوم ده
ثانيا كل العربيات فيها عيوب ياترى بقى كل اصحابها هيروحوا يتجمهروا ادام حماية المستهلك
ثالثا كل واحد فينا قبل ما يشترى عربيته بيسأل على عيوبها ومميزاتها وتوكيلها يعنى المفترض ان توكيل ابو الفتوح مش جديد على ملاك اسبرنزا وقبل ما انت شارى لازم تكون عارف انك هتلاقى تقصير منه
رابعا لو كل واحد فينا بقى حسبها بالشكل ده يبقى محدش فينا يركب اقل من بى ام على افتراض ان هى كمان مفيهاش عيوب

مهو دة اللي مضيعنا ومخلي كل وكيل في اي مجال يعمل اللي هو عايزة, السلبية دي لازم تتغير , والله لو عيب في قطعة اكسسوار , لازم تطالب بية, انت دافع فلوس تقرب من 100000 جنية علشان تاخد حقك, لان الوكيل عمرة ما حيفوت ليك جنية واحد, يبقي لازم تبقي ايجابي وتطالب بحقك, المسالة مش مسالة عيب صغير او كبير , المسالة مسالة ان كل واحد لازم يعرف انه يخاف ويفكر الف مرة قبل ما بفكر انة يستطلطخ المصريين, لازم نتغير , وانشاء الله حنتغير

المشاركة الأصلية كتبت بواسطة eng f3lix

والله انا بشفق على الناس اللي بتقول على السبب تافه انه يعمل شكوى
احنا كشعب مصري خلاص اتعودنا على السلبية ومدام المشكلة مش مؤثرة يبقى خلاص
انت دافع فلوس علشان تركب عربية كويسة مفيهاش عيوب
والراجل اشترى عربية دافع فيها دم قلبو ولقى فيها حاجة مش عجباه ومش مريحااه
راح مركز صيانة ومعرفوش يصلحو المشكلة
المفروض يعني الراجل يستسلم وييأس للمشكلة ولا يحاول يعالجها؟
وهيا دي طريقة العلاج انه يخلي التوكيل غصب عنه يحل المشكلة ولو معرفش يبقى يبدل العربية بعربية تانية تكون سليمة
ربنا يوفقكو بجد وان شاء الله توصلو لحل كويس والمشكلة تتحل لكل الناس
احنا في بروتون عملنا كدة وكنا بنشتكي من اسعار قطع الغيار وسوء الخدمة
دلوقتي الاسعار قلت تقريبا للنص بس مستوى الخدمة لسة زفت
لا يضيع حق وراه مطلب
ومتخليش حد يكسر مأديفك الموضوع مش صعب ابدا

كلام سليم