السلام عليكم اخوااانى...انا بستفسر على سعر اوبل استرا هاتشباك ايزى ترونيك اول فئة تقريبا ماشية 70الف كم فابريقة ماعدا اكصدامين وباب بس الحالة العامة فابريقة تعمل فى حدود كااام وياريت رايكم بصفة عامة فالعربية دى ؟
عرض للطباعة
السلام عليكم اخوااانى...انا بستفسر على سعر اوبل استرا هاتشباك ايزى ترونيك اول فئة تقريبا ماشية 70الف كم فابريقة ماعدا اكصدامين وباب بس الحالة العامة فابريقة تعمل فى حدود كااام وياريت رايكم بصفة عامة فالعربية دى ؟
عربية حلوه قوى
اعتقد انها فى رنج 80-90
بص يا عادل , ال 2008 اللى هيا فئة الأنجوى اللى هيا أعلى فئة فى الأسترا ( سمارت كى - فتح و قفل المرايات الكهرباء - مالتى فانكشن - 4 اير باج - abs - ايزى ترونيك ) كل حاجة انا كنت جايبها فابريقة بره و جوه كانت ب 84 ألف و كانت عاملة 80000 ألف كيلو , بس نصيحة منى لو الأسترا ديه عجباك جيب موديل 2007 و متغلتطش غلتطتى و تجيب موديل 2008 و هما الاتنين تقريبا نفس السعر , بس معلش اتقل و دور شوية على 2007 و خدها منى نصيحة , 2008 أفقر من 2007 فى شوية حاجات . بس انا بصراحة معرفش اول فئة فى 2008 ممكن يكون تمنها كام بس أكيد أقل من 85 ألف
الف شكر ياباشا على النصيحة واييه رايك فى العربية بصفة عامة؟
واللهى يا عادل انا بحبها قوى بقالها معايا 6 شهور تقريبا و مشتكتش منها فى حاجة غير انى كان عندى مشكلة بسيطة فى كهربة العربية و اتحلت لوحدها , واللهى ساعات بحس ان العربية ديه بتعالج نفسها بنفسها , بس العربية ديه انا عجبانى جدا و بحبها قوى و فيها حاجة حلوة جدا فيها كمبيوتر أعطال فلو اى حاجة حصلت فى العربية هتلاقى ظهرلك رسالة بالمشكلة أو تلاقى علامة حتى لو حاجة بسيطة يعنى مثلا لو ماية المساحات فضية حتلاقيها متلاعالك رسالة بتقولك كده لو عندك نور اتحرق هتقولك , حاجات كده طبعا العربية جراية و طبعا زرار ال sport ملوش حل لو عزت تحرق و تاخد غرز بجد قليل الأدب و العربية ديه ليها ستايل سواقه غير اى عربية تانية خالص , هوه بصراحة عشان مكونش بضحك عليك العربية ديها فيها مشكلتين من وجهة نظرى أول حاجة الفتيس الأيزى ترونيك هوه جامد جدا لو الطرق مش زحمه او لو الطريق عادى بس فى الزحمه مش بحسوا ظريف خالص عشان بتبدأ تحس فعلا انك سايق عربية مانيوال بس انا اتعودت عليه و بردوا عاجبنى و تانى حاجة بحس الدريكسيون الباور بتاعه عالى فا على السرعات العالية مش بحسوا بالتقل اللى المفروض يكون عليه ...... بس فى الأخر انا مبسوط جدا بالعربية ديه و أحسن اختيار
بس قبل ما تقرر تجبها جرب سوقها و شوف ايه نظام سواقت الفتيس بتعها معاك عشان ممكن ميعجبكش اما على حكاية الباور فا انت لوحدك هتظبت سوقتك عليها و بجد شوف لو عوزت تجرب تسوق عربيتى فى يوم كلمنى نتقابل و اهلا بيك مع الأوبلاوية
ربنا يخليك ياباشا بجد فدتنى اوووووووووووى بالمعلومات دى وانا يشرفنى جدااا جدااا اكون اوبلاوى انا حاليا معايا جين 2 اتوماتيك وهى جميلة ومريحانى بس نفسى حتى من قبلها فالاوبل استرا بعشقها ..طيب واييه رايك فى الثبات ...استهلاك البنزين فى الصفيحة....حاجتها وقطع غيارها بصفة عامة....تكييفها فى عز الحر عامل ازاى..؟ معلش ياجامد حتقل عليك بس انت عارف يعنى اييه واحد بيجيب عربية :)
أكيد مش محتاج أكلمك على ثبات الأوبل , اما بالنسبة للبنزين فا انا شايف انه كويس انا تقريبا اللتر بيعمل معايا جوه البلد من 11 ل 12 كم اما على طرق السفر فكان اللتر تقريبا بيعمل معايا فوق ال 15 كم , اما التكيف فمعروف ان تكيف الأوروبى مش قوى لو هتقارنه بالكورى و اليابانى بس بصراحه انا التكيف شايفه كويس يعنى فى الصيف و الصبح و انا لوحدى فى العربية كنت بعمل التكيف على 1 و لوحد معايا كنت بعملوا على اتنين و بيكون كويس جدا و بليل فى الصيف كنت بعملوا على 1 حتى لو العربية مليانه كان بيكون كويس جدا
طيب قطع غيارها ياباشا اييه اخبار توافرها واسعارها ؟
قطع غيارها أرخص الألمانى , اه فيه حاجات فيها غالية و فيه حاجات رخيصة او عادية بنفس تمن الكورى و اليابانى و موجودة بره التوكيل و جوه و استيراد
بره مثلا تيل فرامل 200 - فلتر هواه 70 - العربية ديه مفيهاش فلتر بنزين - سير كاتينه 320 - بلية الكاتينة 300 الثابتة و المتحركة 400 - سير دينامو - البوجيهات 160 - فلتر الزيت 20 - القانوس اللى ورا 180- فيه طنابير من 450 ل 900 هوه ده بس اللى اعرفه عن قطع غيرها عشان دولت بس اللى غيرتهم فيها من ساعة ما جبتها أو سألت عليهم و هما دولت الحاجات بتاعت الصيانة الدورية بتعتها و ياريت معرفش اى حاجة تانية
الله ينور عليك