صديقى ونصب بتوع الكاوتش

**aymansaad** · 05-12-2011 07:31 PM

صاحبى وزميلى فى العمل كان فى القاهرة يوم الجمعة وعند الحسين فى بنزينة قبل المطلع بتاع المشيخة وواحد قاله يا استاذ الكاوتش عايز يتزود
فقام ودخل بنزينة مصر وهناك راح بتاع لكاوتش قاله يا حاج انت مشيت على زجاج ولازم تصلح الفردة عشان السفر وهوب 7 خوابير وعايز 70 جنيه مع الواجب
وصاحبى مكنش معاه الا 8جنيه وقاله خدهم وطبعا قاله لا واخد رقم العربية ورقم تليفون صاحبى
النهاردة اخدته الى بتاع الكاوتش صاحبى وزميلى فقال له ان الماء والصابون عندما يرش على الفردة فان الفردة تشرب الماء ويخرج فقعات
فيعتقد الزبون ان هناك خرم ولازم يتصلح بخبور طبعا بتاع الكاوتش قال لصاحبى خد كارت خوابير واديه لبتاع البنزينة وقله حسبنا الله ونعم الوكيل انك بوظت فردة ب350 جنيه
فهذا تحذير للاخوة

**mr_sameh** · 05-12-2011 07:59 PM

حسبي الله ونعم الوكيل في كل غشاش

**Land_Cruiser** · 05-12-2011 08:19 PM

منه لله عديم الضمير ده

**mohammedabdallh** · 05-12-2011 08:25 PM

اكتر الناس الى فى البنزينه كدا

**moh19227** · 06-12-2011 12:13 AM

تقريبا هوا بيزود الفرده علي اد متستحمل 40 او 45 لحد مالمسام بتاعت الكاوتش تفتح وينزل عليها المايه بالصابون وتلاقي 15 مكان بيبقلل ويقولكك حسابهم 150 جنيه والنصب ده كل واحد يخلي باله ويقف علي دماغ العامل

**mesaharaty** · 06-12-2011 03:24 PM

ألم يؤثر فيهم قول المصطفى صلى الله عليه وسلم :
من غش أمتى فليس منى

ولا الناس دى مافيش حاجة بتأثر فيها أبدا
أعوذ بالله

**amz2011** · 06-12-2011 06:19 PM

منهم لله بتوع الكاوتش اللى معندهمش ضمير
و علشان كده تلاقى كل واحد من دول غضب ربنا على وشه و داايما تلاقى كل واحد فيهم عند حد فى عيلته فى مرض زى السرطان او اى مرض اخر مستعصى
للاسف مصر بقيت بلد البلطجية و الحرامية اللى زى دول ياخسرتك يامصر
تلاتين سنه فساد و سرقة و نهب لما انا ورميت من اللى بيحصلها
تلاقى الناس المحترمة واقفه فى التحرير و بتوع التكاتيك يسعوا فى الارض فساد من نشل و سرقة
و مضايقة الاخرين و الانانية المتناهية . هو داه شكل مصر و حال مصر
الصين اللى احنا بنقرف من منتجاتها احسن منننا ميت مره الشارع منتشر فيه عربيات الدورية و الكاميرات . البلد مش هينصلح حالها ابدا و على الاقل الا بعد 10 سنين تانى