وش سلندر

**AhMeD MeTwAlY** · 05-12-2011 08:22 PM

العربيه جابت وش سلندر بتطرد المايه من القربه
هل الوش كده فيه حاجه؟
وش السلندر سعره كام وطقم الشمبر؟؟
وبالمره اركب اسطوانه عشان العربيه تتظبط ولي ضعف السحب ده من الماتور؟؟
برجاء الرد في اقرب وقت

**المنسي** · 06-12-2011 09:57 AM

المشاركة الأصلية كتبت بواسطة xmanx51

العربيه جابت وش سلندر بتطرد المايه من القربه
هل الوش كده فيه حاجه؟
-الوش مش هيبان الا لما يتفك ويتشاف هل منقر بس ولا منقر وقفع لان فى الحالتين الموضوع مختلف لو منقر بس بتملى التنقير ويتركب على كده اما لو مقفع يعني السطح بتاعه مش مستو لازم يروح يتقشط ويتعمل جوان دوبل يعوض الفرق
وش السلندر سعره كام وطقم الشمبر؟؟
- وش السلندر جديد سعره من حوالى شهرين كان 1100 جنيه يزيد او يقل دلوقتى الله اعلم طقم الشمبر مش عارف سعره بس كان فيه زميل فى المنتدى كاتب اسعار حاجات الفليشيا
وبالمره اركب اسطوانه عشان العربيه تتظبط ولي ضعف السحب ده من الماتور؟؟
- الاول خلص وش السلندر ومتنساش تنظف دورة التزييت ودورة التبريد وبعد ما تمشي بالعربية شوية ارجع للميكانيكي يشد على وش السلندر تانى وجرب وشوف السحب هيبقى اخباره ايه واكيد هيبان اذا كان مجموعة الجر عندك تعبانة عايزة تتغير ولا مش محتاجة ومفيش حاجة اسمها اركب اسطوانة المفروض تجيب الطقم كامل ( اسطوانة وديسك وبلية)
برجاء الرد في اقرب وقت

لما تعمل الحاجات دى ان شاء الله رد علينا وقلنا كلفتك كام وايه اللى اتعمل بالظبط وربنا يوفقك

**AhMeD MeTwAlY** · 06-12-2011 06:43 PM

هههه الماتور اتكسر الميكانيكي الله يسمحه كسره وهو بيفك مسمار وقالي نروح نلحم الفرغه وانا مش مقتنع بحوار الحمها هروح اجيب فارغه من المنصوره كلمت الراجل الي بتعامل معاه قالي 300 جنيه وكنت عايز اسأل علي الماتور 1600 بدون فتيس حد يعرف سعره كام؟؟

**المنسي** · 06-12-2011 11:15 PM

المشاركة الأصلية كتبت بواسطة xmanx51

هههه الماتور اتكسر الميكانيكي الله يسمحه كسره وهو بيفك مسمار وقالي نروح نلحم الفرغه وانا مش مقتنع بحوار الحمها هروح اجيب فارغه من المنصوره كلمت الراجل الي بتعامل معاه قالي 300 جنيه وكنت عايز اسأل علي الماتور 1600 بدون فتيس حد يعرف سعره كام؟؟

على فكرة موضوع فك المسامير بيبقى عايز واحدة واحدة مش عافية لان المسامير دى بيبقى من ساعة العربية ماتعملت اكيد فاهمنى فبتبقي محتاجة معاملة خاصة فى الفك على العموم انا معرفش موضوع لحام الفرغة ده بصراحة اسال كذا حد وشوف وربنا يقدم لك اللى فيه الخير نفس مشكلتك دى حصلت مع زميلنا فى المنتدى الاستاذ ايهاب هو اكيد هيفيدك اكتر انا حصلت معايا بس الحمد لله المسمار لما اتقطم كان ليه سن فالميكانيكي جاب باقى المسمار بالبنسة واحدة واحدة لحد ماطلع معاه وانا روحى كانت بتتطلع معاه الله يكون فى عونك

**AhMeD MeTwAlY** · 07-12-2011 05:36 PM

انتظروفنا في التفاصيل بليل

**AhMeD MeTwAlY** · 07-12-2011 10:13 PM

اشتريت فارغه بعمود الكرنك موديل تقريبا 97 او 2000 بـ450 جنيه (الفارغه فاضيه بـ300 جنيه) عمود الكرنك لواحده بيتباع بـ 300 جنيه حسب كلام الراجل وهو عامل معايا واجب فيهم وجبت طلبات العمره بـ 450 جنيه وترمبة بنزين كهربه 150 جنيه يباني
بس الفرق بين الفرغه القديمه والجديده ان القديمه كانت المايه بتوصل ليها من تحت وبتخلي المسامير تملح والجديده مقفوله من تحت
عمود الكرنك بسم الله ما شاء الله زيرو والفارغه نضيفه جدا جدا

**dado_256** · 08-12-2011 05:30 AM

مستنى باقى الحكايه ويارب يقويك عليها

**AhMeD MeTwAlY** · 08-12-2011 02:16 PM

الحكايه هببت علي الاخر الوش من فوق وديته المخرطه اتظبط لانه كان فيه نقر كتير وغويطه ومسكت الميكانيكي اديته كلمتين وباذن الله حسابه 150 جنيه وهشيله الفرغه لان هو مش بيفهم عارف ان الوش بايظ يقولي الوش بايظ وهات ماتور كامل وريح الدنيا انما هو عمل عليه حافله علي اساس انه هيكون ليه النصيب الاكبر في الاخر بس وربنا ما هزود عن 150 جنيه بدخانه