اة يا زمن بقى فيك علو العربية اوبشن

**Land_Cruiser** · 06-12-2011 02:00 PM

بينا و بينك الظروف هى اللى خلت العربيات العاليه بقت حتى أساسيه و مش اوبشن و لو عايز اسباب خد عندك بقى الطرق المكسره و المطبات العشوائيه و غطيان البلاعات النص مفتوحه فى نص الشارع و مياه المطر و لا المجارى اللى بتكون عامله بركه اللى ممكن تدخلك العربيه لو العربيه مش عاليه و طبعا اى حد يستخدم العربيه استخدام يومى فى المشاوير العاديه و العربيه محمله يعنى مثلا معاه اسرته او اصحابه اكيد هيحتاج العربيه تكون عاليه علشان ما تحكش فى المطبات و تتبهدل منه و يضطر يطلع المطب على عشر مرات او ينزل الناس لحد ما يعدى و لا يبحث عن طريق بديل ما فيهوش مطبات. يعنى تقدر تقول انها ضروره مش اوبشن اما العربيات المنخفضه ده مش عيب و لا حاجه و ثابته وزى الفل بس المشكله تلاقيلها طريق تمشى بيها عليه يكون فاضى و متسفلت كويس علشان تعرف تجرى براحتك من غير ما تقلق و ده ربنا يسهل بقه بعد 200 300 سنه ربنا يدينا و يديلك طوله العمر.

**Survival** · 06-12-2011 03:59 PM

طيب مهو فى حل للموضوع ده
فى افلام السباقات بشوف عربيات ارتفاعها عن الارض بيتغير و بكده تدخل جوه البلد ترفع العربية و لما تطلع على الطريق السريع توطى العربية. و ربنا يسترها علينا
بالنسبة للمطبات اللى على كبارى الاوتوستراد وانت رايح حلوان اخر مرة كانوا 8 مطبات و 4 حفر تقريبا و الكلام ده كان من شهرين يعنى ممكن دلوقتى تلاقيهم تكاثروا

**moh19227** · 06-12-2011 04:50 PM

ياباشا ارتفاع العربيه مبقاش اوبشن دا بقي اساسي
كام مره سمعت النترا لا دي واطيه :)

**Ashraf_Ashraf** · 06-12-2011 05:29 PM

المشاركة الأصلية كتبت بواسطة hugan

الطرق في مصر غير اي بلد في العالم ولا حتي دول افريقيا
في مصر احنا محتاجين عربيه بمواصفات مخصوصه
وبعدين ايه حكايه الجري كله عايز يجري ويقفل امبير
مفيش طريق في مصر ينفع للكلام ده
انا لما باكون ماشي علي الدائري والاقي شخص عمال يقلب نور وياخد غرز وماشي اقل واجب 160او 170
بامانه ينزل من نظري في كلمه تانيه لكن عيب اني اقولها
قمه الاستهتار بارواح الناس
لما تكون ماشي في امان الله وفجاءه يطلع واحد عامل زي عفريت العلبه ويسبب حاله من الارتباك واللخبطه خصوصا لو شخص لسه جديد في العربيات
ايه الفايده
العربيات مصنوعه علشان تساعد الناس علي قضاء مصالحها مش علشان الجري واخد الغرز وفي الاخر يلبس في عمود ولا نقل تقيل
ويقعد يعيط جنب العربيه

وانا معاك فى كل كلمه طول النهار نسمع عن ناس ماشيه 190 200 واللى يقولك العداد لف مرتين عشان السرعه ومش عارف الكلام ده بيبقى فين فى مصر لدرجه انى احيانا بحس انى سايق حنطور مش عربيه والله
الواحد بيمشى 120 وبييتشاهد لحد حمار يطلع فجاه من الجنب يقلبك ولا يلبسك فى عربيه تانيه

**mrghost** · 06-12-2011 06:59 PM

ده انا مش عاوز اغير الشاهين مخصوص علشان شوارع مصر والله وبخاف اركب الماروتى لالبس فى بلاعه ولا مطب يجيبها نصين

**horas3000** · 06-12-2011 07:25 PM

يا زعيم الثبات اي نعم مرتبط بارتفاع العربيه لكن دلوقتي في انظمه الكترونيه بتعوض الكلام ده
يعني الجولف بتاعت صاحبك ده لو فيها abs و ebd و esp مكانش حصلها اللي بتقول عليه ده
و عندك عربيتي مثلا عاليه و تندرج تحت ال suv لكن بسم الله ما شاء الله ثباتها اعلي من عربيات سيدان كتير و ده كله بسبب التكنولوجيا اللي فيها
فمينفعش تعمم و خلاص
و زي ما قالوا الزملاء بلدنا ليها ظروف هي اللي مخليا علو العربيه ميزه

**matmm** · 06-12-2011 10:01 PM

المشاركة الأصلية كتبت بواسطة minicooper20

و حضرتك بقا بتجرى طول الوقت و فى كل الطرق
هو فين الجرى يا باشا
و بعدين فى عربيات كتير جدااااااااااا عاليه و ثابته
اما بالنسبه للعفشه الكونى المحدش يسمع عنها و لا مركبها غير حضرتك فا يسيدى منكم نستفيد
اما عليه شكمان و لا روح بنى ادم فا روح ال بنى ادم دى ملها علاقه بعلو العربيه قد معلقتو بطريقه السواقه
يلا نوطى كل العربيات و نلبس كل البلعات و المطبات الى فى مصر
اما بالنسبه لقمه النشفان الفى العفشه بيتاعتك هو انا راكب العربيه علشان استمتع و لا علشان اكسر دهرى!!!!!!!!

يا فندم حضرتك مالك داخل فيا شمااال كدة لية عموماا انا مش هخش معاااك فى مناقشة عشااان حضرتك شكلك بتاااخد كل حاجة على اعصاابك

**yoko** · 06-12-2011 10:14 PM

المشاركة الأصلية كتبت بواسطة matmm

يا فندم حضرتك مالك داخل فيا شمااال كدة لية عموماا انا مش هخش معاااك فى مناقشة عشااان حضرتك شكلك بتاااخد كل حاجة على اعصاابك

الراجل مش قصده بس كتابتك عفشه كوني ومتعرفش الناس تعرفها ولا لأ
وإنت في منتدى عربيات وكتير من الناس الي فيه يا معدل يا متربن ممكن تستفز ناس كتير مش هو بس (وأنا من الناس الي دايقتني الجمله دي على فكرة)

**yoko** · 06-12-2011 10:15 PM

أه حاجة كمان انا ناوي على توطيه عربيتي 3سم بسوست eibach بس ده عشان متوسط مشاويري 140كم في اليوم ومعظمهم دائري وأتوستراد وصلاح سالم

-

الموضوع: اة يا زمن بقى فيك علو العربية اوبشن

LinkBack

أدوات الموضوع

عرض

-

-

-

-

-

المواضيع المتشابهه

خطوات وكيفيه تحويل الفيرنا الهاف اوبشن الى الفول اوبشن خطوه بخطوه....

هو في اوبشن في العربية كاميرا بتصور الطريق ...!!!

ما الفرق فى التيدا 2009 بين الفول اوبشن و الهاف اوبشن

ممكن نعرف الفرق بين اللوجان فول اوبشن والهاف اوبشن ايه بالضبط

كيا سيراتو مانيوال فول اوبشن ولااا هيونداى اكسنت اوتوماتيك فول اوبشن

الكلمات الدلالية لهذا الموضوع

المفضلات

المفضلات

ضوابط المشاركة