أنا كنت جايب واحده من كارفور (Printer - Scanner - Copier) ب 300 جنيه بس !!!
نوعها Canon Pixma MP 250
حلوه أوى والوانها نقيه جدا واحسن من hp
عرض للطباعة
أنا كنت جايب واحده من كارفور (Printer - Scanner - Copier) ب 300 جنيه بس !!!
نوعها Canon Pixma MP 250
حلوه أوى والوانها نقيه جدا واحسن من hp
طيب سعر الحبر بتاعها بكام وهل هيا الوان ولا اسود بس
بصى حضرتك أنا هاحاول تلخيص الموضوع
قدامك اختيارين : مالتى فانكشن ( برنتر و سكانر و كوبير). او. برنتر فقط
و كمان نوعين: ليزر. او انكجيت
1- البرينتر فقط و انكجيت
- ارخص الانواع كسعر للطابعه و بالنسبه للحبر زى الانكجيت المالتى فانكشين و هو مكلف ( لكن فى تقليد له الالوان و الاسود بيكونوا بحوالى 135 و بيعملوا حوالى 120 ورقه طباعه ممتازه) و عدد ورق اكتر لو الطباعه اقل جوده
- فى إمكانيه طباعه ألوان و صور فوتوغرافيا
- مشكلته البطئ فى الطباعه و انه مكلف و محتاج يستخدم على الاقل مره او مرتين و الا الحبر بينشف فيه و بيبوظ
2- مالتى فانكشن انكجيت
نفس البرنتر انكجيت بس بيبقى معاه سكانر و كوبير و سعره أغلى شويه طبعا من البرنتر ( ابتداء من 350 جنيه تقريبا و الحبر هو هو و برضه فى منه اسود و ألوان)
3- برنتر ليزر
اغلى من البرنتر الانكجيت
اسرع فى الطباعه
اقتصادى فى تكلفه التشغيل و مشاكله قليله
طباعه اسود فقط
مش محتاج استخدام دورى
اسعاره المتوسطه حوالى 650 جنيه
4- مالتى فانكشن ليزر
بيكون معاه سكانر و كوبير بالاضافه للبرنتر
نفس مميزات الليزر و برضه لا يوجد به الالوان ( اللى فيه ألوان بيحتاج تصريح من الأمن)
و متوسط اسعاره حوالى 1100 جنيه بس طبعا بيختلف حسب ألماركه و السرعه
ده ملخص سريع و الأسعار اللى أنا حاططها دى تقريبيه يعنى علشان بس اوضح الفروق فى السعر و حضرتك شوفى احتياجاتك ايه و بناء عليه اختارى و على فكره أنا قاصد ما احطش ماركات و لا اسعار علشان أنا عايز اوضح الفروق بس علشان اسهل عليكى الاختيار و بالتوفيق
سعره اعتقد بيبدا من 650
من خلال دعبستى لقيت اللينك دة للبرينتر
كانون PIXMA MP250
أتصدمت لما لقيت أن سعر الحبر أغلى من سعرها نفسه ههههههههههههههههههههههههه هههههههههههه
سعر البرينتر 38 $
سعر الحبر 40 $
و دى مواصفاتها طابعة Canon PIXMA MP250 (3 in 1)
الكلام دة صح ولا أيـــــــــة ؟
لسة جايب HP officejet 4500 طابعة واسكانر وكوبير وفاكس وبالالوان. في حدود 650.
وعلي فكرة فعلا هتلاقي سعر الحبر غالي لانه هو المستهلك وبيخلص بسرعة فعشان كدة ممكن تلاقي تمن البرنتر قليل بس هيعوضوه في سعر الحبر. زي قطع غيار العربيات كدة.