عملات قديمه تسعيروبيع -صورهم الحقيقه ( ياريت تسعير من الناس اللى بتفهم فيها )
السلام عليكم
قبل كل شئ ( ملاحظه للتجار او الفضولوين ) عشان ميحصلش اى نوع من النقاش البايخ .. ياريت لو حد داخل الموضوع بنيه انه يبوظه او يعلق تعليق ملوش لزمه ياريت يخلى التعليق لنفسه .. وطبعا الكلام ده أكيد مش موجه لاعضاء نايل موتورز ( الاعضاء الفعالين او المهتمين بالموقع ) بوجه العموم ولكنه 100% موجه للتجار اللى داخله تدور او تدى سعر فى الارض عشان تاخدها تبيع بسعر أعلى ( حتى لو كانت العملات اللى هعرضها سعرها رخيص أصلا مش مشكله بالنسبالى .. المهم حد يتمنها صح ) وطبعا مش كل التجار وحشين والعمليه بيع وشراء لكن انا بتكلم على الفئه الجشعه منهم .. اللى عاوز ياخد الحاجه ب جنيه ويبعها ب 100جنيه !
انا اسف جدا انى كتبت مقدمه طويله بس انا عضو قديم ف المنتدى هنا والمواضيع اللى بيحصل مشاكل فيها بتبقى كتير جدا عشان كده بحاول ميحصلش خلاف ..
انا كان عندى شويه عملات قديمه عاوز اعرف تمنها كام تقريبا عشان ان شاء الله لو فى نصيب هبيعها لو لقيت سعر حلو لانى بقلب ف النت لقيت أسعار غريبه للحاجات دى فقلت اسأل اخواتى ف NileMotors لانى بثق جدا فى الاعضاء هنا ف الموقع
اسف جدا كمان على الصور لان كارت الميمورى بتاع الكاميرا باظ وهبقى أجيب واحد تانى ان شاء الله عشان أحط صور أوضح والصور دى صورتها بموبايلى
اول مجموعه بالترتيب فى الصوره :
5 مليم سنه 1938 - الملك فاروق الأول
5 مليم سنه 1941 - الملك فاروق الأول
5 مليم سنه 1957 - جمهورية مصر
1 مليم سنه 1960 - الجمهورية العربية المتحدة
الصوره :
http://www14.0zz0.com/2011/12/06/03/501141326.jpg
من الخلف :
http://www14.0zz0.com/2011/12/06/03/924323606.jpg
تانى مجموعه بالترتيب فى الصوره :
10 مليم سنه 1973 - جمهورية مصر العربية ( عدد 4 قطع )
5 مليم سنه 1973 - جمهورية مصر العربية ( عدد 2 قطع )
2 مليم سنه 1980 - جمهورية مصر العربية
الصوره من الامام :
http://www7.0zz0.com/2011/12/06/03/538003807.jpg
الصوره من الخلف :
http://www11.0zz0.com/2011/12/06/03/202962965.jpg
تالت عمله :
5 جنيه مصريه 1956 ( لقيت الناس بتبيعها فى النت وكاتبين 1898 وهيه مكتوب عليها اصدر مش عارف ايه فى 1898 ) ف انا مفهمش في الكلام ده بس ياريت اللى بيسعر يوضحلنا
الصوره من الامام :
http://www5.0zz0.com/2011/12/06/03/906148347.jpg
الصوره من الخلف :
http://www4.0zz0.com/2011/12/06/03/935245182.jpg
رابع عمله :
5 دينار ليبيه ( جايبها معايه من ليبيا والله من حوالى 9 سنين اما كنت هناك من واحد صاحبى ليبيى وهوه قالى دى عمله اثريه عندهم لانها الاصدار الأول لل 5 دينار الليبيه وكان مدينى 2 منهم وانا عارض واحده بس للبيع او للتسعير هشوف هبيعها ولا لا )
الصوره من الامام :
http://www12.0zz0.com/2011/12/06/03/555394562.jpg
الصوره من الخلف :
http://www7.0zz0.com/2011/12/06/03/246717021.jpg
واسف جدا للاطاله وارجوا تقبل اعتذارى عن جوده الصور لانها المفروض تكون احسن من كده بكتير بس زى ما وضحت كارت الميمورى بتاع الكاميرا باظ وانا مصورهم بال ايفون
شكرا للاهتمام
