السلام عليكم أنا طالب مساعدتكم العاجلة فى سمكرى شاطر و فاهم فى الهرم علشان يبص معايا على عربية ناحية كايرو مول
عرض للطباعة
السلام عليكم أنا طالب مساعدتكم العاجلة فى سمكرى شاطر و فاهم فى الهرم علشان يبص معايا على عربية ناحية كايرو مول
عربية جوليت ؟ فرانى
لأ ......يا ريت اللى يعرف حد يقول يا جماعة
أنصح حضرتك بلاش سمكري
حضرتك تتفرج علي العربيه بالنهار و إذا عجبت حضرتك من حيث المبدأ صالون و دهان خارجي و خلافه
يبقي تسأل صاحبها علي اللي في العربيه من مشاكل و مصاريف و لو وافقت علي الحاله الموصوفه منه يبقي تتفق علي سعر مشروط بالرفع
و الإتفاق يكون علي كلامه هو يعني هو قال فبريكه دواخل تبقي فابريكه دواخل ... هو قال مش محتاجه مسمار يبقي هي مش محتاجه مسمار
و تطلع علي بنزينة شل اللي عند الخزان و ترفع العربيه ... إذا تطابقت نتيجة الرفع مع الحالة المذكوره منه يبقي توكل علي الله
لو التقرير طلع حاجه في الأساسيات صاحب العربيه ما قالش عليها يبقي هو يشيل ثمن الرفع
و بالتوفيق
نصيحه
فكك من كشف البزينه
فلوس فى الارض
روح بالعربيه فى مركز فااهم وبشتغل صيانه وهو يجلبك قرار العربيه
وعدى على سمكرى مع ان العربيه النظيفه بتتعرف