حد عنده فكرة مضبوطه عن الرسوم الجديدة علشان عندى الشهر الجاى تسجيل و تجديد لعربيتى اللانوس موديل 2002
عرض للطباعة
حد عنده فكرة مضبوطه عن الرسوم الجديدة علشان عندى الشهر الجاى تسجيل و تجديد لعربيتى اللانوس موديل 2002
175 جنية
MMamdouh
175ج دي بالمتغيرات الجديدة ولا بالوضع القديم
الوضع الجديد...القديم كان حاجة عبيطة مش فاكر كام
MMamdouh
الف شكر استاذ ممدوح
بس انا لسه مجدد 3 سينين يوم السبت كان التأمين 203 جم والضريبه 182.50 جم (على 3 سينين) و 30 جم ورق الفحص وكمان عملت العربيه لونين
أنا لسة مجدد ترخيص 3 سنوات وراجع حالاً من مرور شبرا
العربية لانوس 99 1500سي سي
دفعت في البوسطة ضرائب 168 جنية
وروحت المرور دفعت فرق زيادة طبقاً للأسعار الجديدة إلي إتطبقت من يوم الخميس إلي فات بس ولو كنت أعرف كنت رحت عشان ألحق أدفع قبل الزيادة ما تتطبق لكن يا خسارة الفلوس قدر الله وما شاء فعل
الفرق 150 جنية عن السنة الواحدة يعني 460 جنية بالدمغات والذي منه
تبقي الضريبة كلها 625 جنية
التأمين الأجباري 215 جنية
الطفاية جديدة لإنتهاء عمر القديمة الإفتراضي (10 سنوات) 121 جنية
وسمعت إن في قرار جديد بتقليل السنوات إلى 5 سنوات يعني تجيب واحدة جديدة كل خمسة مش 10 حتى لو أثبتله إنها شغالة مية المية (ولع في نفسك مثلاً وحاول توضحله إنها شغاله) مفيش فايدة برضه هتشتري جديد
الورق والدمغات 50 جنية
ده غير السرقات أقصد الإكراميات
أنا تعبت يا رب تموت إنتا وعيلتك كلها وكل إلي بيحبك ويساعدك وتخشوا جهنم الحمرا قادر يا كريم
يا رب يكون في عون الـ1600 سي سي
مش النوبيرا بردو رسوم تجديده زى الانوس ؟؟
مش ضريبه الانوس دى هى ضريبه العرببات من 1300 الى 1600 Cc ؟؟
يعنى بتشمل النوبيرا ولا النوبيرا ليها وضع مختلف ؟؟؟
هيا هيا مش هتفرق
انا دفعت ضريبه سنه 245 جنيه لسياره لانوس 2008 اول ترخيص لها
انا رحت اجدد لمدة سنة دفعت
175 رسم تنمية موارد دية الجديدة :dots:
75 رسم تامين اجبارى
والحمد للة المخالفات 5 جنية
60 جنية رفاهية لو عندك عربية تانية باسمك
20 جنية ملف
ياعنى ياجماعة كدة رسوم النوبيرا هتبقى كام فى السنة
سؤال هية الرخصة مكتوب فيها كام سىسى؟:dots:
اللانوس زى النوبيرا
MMamdouh
شكرا استاذ محمد ممدوح على المعلومة
بصو ياجماعة الصورة المرفقة دي فيها الضريبة الجديدة بالضبط علي حسب السعة اللترية لو فتحت معاكوا هاتلاقوها متاخدة من صفحة في الجرايد لو مفتحتش فتسهيلا علي الجميع انا كتبتها بإيدي بقي يارب تكون واضحة عموما الضريبة الجديدة هو الرقم اللي بين قوسين
الحصيلة الإضافية المتوقعة نتيجة زيادة
رسوم تنمية الموارد على تجديد رخص السيارات
فئة السيارة وفقاً لسعة المحرك القيمة الحالية للرسم" جنيه" (القيمة الجديدة "جنيه")
أقل من 1030 سي سي كانت 16 وبقت (116)
1030 - 1330 سي سي كانت 23 وبقت (143)
1330 - 1630 سي سي كانت 25 وبقت (175)
1630 - 2030 سي سي كانت 120 وبقت (1000 بحد أدنى 200)
أكثر من 2030 سي سي كانت 280 حتى 500 وبقت (2% بحد أدنى 1000)
انا دلوقت عاوز افهم ال 175 جنيه دول اللى بيقولوا عليهم رسم تنميه موارد دول فوق الضريبه بتاعت العربيه اللى كانت موجوده اصلا ولا هما دول الضريبه الجديده بتاعت السنه الواحد ؟؟
ومعلش هى اصلا الضريبه السنه الواحده كانت على الانوس او النوبيرا كام ؟؟
لأن الاستاذ shanodaa كاتب انه دفع 245 جنيه ضريبه لعربيته الانوس اول ترخيص لها ....
مش عارف ليه حاسس ان فيه اختلاف فى الارقام بين الاعضاء اللى شاركوا فى الموضوع ؟؟
وكمان لأن الستاذ Metbahdel كاتب انه دفع 168 جنيه ضريبه 3 سنين ( يعنى السنه هتقف ب 56 جنيه ) فى البوسطه وبعدين رجع دفع 150 جنيه عن السنه الواحده فى المرور ؟؟
يعنى كده السنه الواحده هتقف ب 206 جنيه .....
يا ترى فين الصح ؟؟؟
فيه حاجة الناس مش واخدة بالها منها و هى:
مبلغ الـ 175ج ده رسم التنمية الجديد و رسم التنمية القديم كان 25ج , يبقى الفرق 150ج و ده ببساطة هو الزيادة الجديدة و ده بخلاف الضريبة و باقي المصاريف ,
بمعنى آخر لو كنت بتدفع قبل كده عن السنة الواحدة ما يلي:
28ج نماذج و دمغات + 60ج ضريبة + 70ج تأمين إجباري = 158ج
في الجديد 158ج + 150ج = 308ج تقريباً
بس بالنسبة للنماذج و الدمغات بتبقى 28ج عن السنة الواحدة و 35ج عن السنتين و 42ج عن الثلاث سنوات.
انا رايح اليومين دول اجدد رخصة الانوس و عايز اعرف بيدفع كام عن السنه الواحدة كتجديد و تامين و كل الكلام الحمصي دة
و كمان استفسار عن نيابه مرور مدينه نصر شغالة و لا بينا علي الدراسة ؟
كفايه كدة مطولش عليكم علشان الحر
السنة اللى فاتت انا جددت الرخصة بحوالى 450 جنية تقريبا و الحمد الله مفيش مخالفات , دة شامل كل حاجة حتى الشاى بالياسمين
جايلي مخالفات كتيرة و عايز اعرف التظلمات علي المخالفات فين؟
لازم اروح مرور الدراسه ولا ممكن المرور اللي العربيه تبعه اللي هو مرور مدينه نصر ؟
و في ورق معين اجيبة معايا ؟ولا الرخصة بتاعة العربيه بس ؟
و المواعيد من كام لكام
ضروري يا جماعه انا عايز اروح النهاردة ان شاء الله
450 جنية لمدة سنة واحدة فقط , حضرتك مش هتاخد معاك أى ورق معاك الرخصة و البطاقة و بس و كل الورق من هناك و بالنسبة للتظلمات على ما أذكر بتكون فى الدراسة
يعني اروح الدراسه الاول اعمل شهاده مخالفات و تظلم من المبلغ
و مش محتاج ارور مرور مدينه نصر اجيب بيان بالمخالفات ولا اي حاجه ؟
٤٥٠ في السنه من غير الطفايه ؟
تزيد 150 ج مرة واحدة ليه افترا؟؟
وكنت عيزة اسأل انتو دوا ووصولات لأن السنة اللى فاتت قالوا لى مفيش وصل وحسيت انهم بيستهبلوا دفعونى كتير جدا
يعني مرتبات ............ :049:زادت ولسة الشاي بالياسمين شغال:ma(30):
مبيعملولهاش مظاهرات واعتصامات ليه دى كمان ولا الحاجات د ى بتعدى عادى؟؟؟