العربية متبرجلة ومش مظبوطة
السلام عليكم
من حوالى 4 ايام جيت ادور العربية لقيت البطارية نايمة تماما ومؤشر الحرارة مرتفع الى حد ما رغم انى كنت راكنها قبلها بيوم وهى زى الف والبطارية جديدة وما عمرهاش عملت حاجة مش مظبوطة
المهم عملت وصلة للعربية لأنها اتوماتيك ودورتها بعد ما دارت بقى ظهرت مشكلة وهى ان العربية مش مظبوطة خالص يعنى بتكون عايزة تبطل على السلانسيه وسحبها ضعيف جدا ولما تنقل تحس ان العربية بتبطئ جامد
الغريب فى الموضوع انى لما بديها كيك داون بتجرى بغباء اكتر بكتير من الاول غير ان سحب البنزين معدوم تماما يعنى المؤشر نزل شرطة واحدة مع 90 ميل ودا مش الطبيعى بتاعها لأنها اصلا غول بنزين
والعربية لما بتسخن جامد يعنى بعد مثلا نص ساعة مشى بتظبط شوية لوكنها بتكون مخنوقة برضه
وديتها لكهربائى قالى مافيهاش حاجه سيبها يومين وهى تظبط تانى لوحدها وان دا بسبب فصل الكابل عن البطارية
وانا مش مقتنع بالكلام دا لأن عدى 3 ايام ومفيش جديد
العربية ميتسوبيشى ميراج (زى اللانسر الكريستالة) انجيكشن
