طلعت الشكوي بسبب قاعدة الموتور مش شكمان
لما كنت باشتكي من الصوت االلي في العربية في طلعتها و عملت موضوع رحت لبتاع الشكمانات قاللي اه الشكمان فيه فقعه بس مبيعملش حاجه مش بتأثر علي حاجه ولما ساق العربية قالي العيب ده بسب قاعدة موتور
فا رحت لميكانيكي اوبل أ / مجدي الشيخ قاللي عليه - هو بيفهم كويس وبيعرف ازاي يفك و يركب كويس جداا
المهم غيرت القاعدة بتاعت الفتيس العريضة دي طبعا ملقتش الاصلي فا جبت نوع اسمه مايلي الماني ( زي ماهو مكتوب)
غيرت القاعدة الصوت راح
بس في حاجه ظهرت جديدة وانا علي سرعة 60 كم و الار بي ام علي 1.5 بحس بزنه جامده جداااااا في الدركيوس وكل العربية ( مع ملحوظة ان العربية كانت اصلا فيها سنه رعشه بسيطة باحس بيها في الدركسيون وهي واقفه وعال n و بتزيد لما اجيب الفتيس عال d او ال r وحتي لما غيرت القاعدة فيها نفس الرعشه لسه)
المهم تاني يوم رجعتله قاللي كده الاصح اني اغير طقم القواعد كله بقي اللي هما باقي القاعديتين اسمهم الكوبايات - رحت اشتريتهم بردو مايلي دي ( الطقم كده كله عمل 750 جنيه)
وركبتهم العربية بقت فل اووووي ومفيش رعشه وهي واقفه خالص بس نفس الزنة ظهرت تاني عال 60
وبعدها بيومين بدات تظهر الرعشه تاني بس اقل من الاول وعلي حسب يعني ساعات تيجي و ساعات لا بس الزنه اللي عند ال 60 مازالت موجودة
انا بجد مخنوق اوي - بجد العربية كانت ماشاء الله معايا فاحتها شغل كل يوم و بقفل كل شهر 2000 كم ده غير السفر ومبتقلش لا مش عارف مالها كده ومش عارف اعمل ايه و الميكانيكي يقولي الزنة دي من الشكمان و بتاع الشكمان يقولي شكمانك سليم و لو فيه حاجه هاتظهر علي اي سرعو مش ال60 و بس
