انا معجب جدا بالنيفا و فعلا باحس انها دبابة و مناسبة لحرب الشوارع مع التاكسيات و الميكروباصات .
رحت اسال فى معرض بيبعها على الزيرو فى اسكندرية ( موزع لشركة الامل ) البياع هناك قالى تكيفها تعبان جدا و نصحنى و قالى بلاش تشتريها
ياريت لو يكون فيه تقارير تقييم للعربية و مميزاتها و عيوبهاهل فعلا تكيفها تعبان ( مش بيسقع و صوته عالى)؟
لو هاسافر بيها من اسكندرية للقاهرة مممن تمشى على 120 مستريحة ؟
الباور بتاعها نظامه ايه ؟
التقييم العام للموديلات الجديدة المجمعة محليا ؟؟؟؟؟
حضرتك ممكن تتابع قسن 4*4
وهناك الاستاذ مينا هيرد عليك ويفيدك
بس الاول حدد انت محتاج عربيه عاليه وبس ؟
ولا محتاج عربيه 4*4؟
وهتستخدمها شغل ولا كعربيه عائليه ؟
الردود على الاسئله هتفرق فى الرد على حضرتك
اظن التيجو 1600 افضل منها في كل حاجه
وتحقق الغرض المطلوب
والدليل ان العربيه مبيعاتها زيرو
الفكرة ان السواقة فى مصر بقت بالدراع و سواقين الميكروباص بقوا طايحين فى الشوارع و شعارهم : الى خايف على عربيته يوسع
النيفا عربية مدرعة و سعرها رخيص و صاجها مصفح يعنى لو سواق تاكسى و لا ميكروباص كسر عليك و انتى راكبها يبقى ذنبه على جنبه و خصوصا ان النيفا عربية سعرها رخيص على الزيرو ( 65 الف ) و بالتالى الواحد هيبقى ماشى مش خايف عليها و فى نفس الوقت هيه عربية على الزيرو مش عتعطل و الواحد يشترى دماغه
انا من القرف الى بشوفو كل يوم فى السواقة بفكر ابيع عربيتى و اركب نيفا
65000اقتباس:
المشاركة الأصلية كتبت بواسطة tamerosman
مش مبلغ قليل تدفعه في عربيه قديمه جدا في التصميم من الثمانينيات
عربيه 2باب يعني معوقه خصوصا لو في اسره واولاد وكمان تكيفيها تعبان يعني مفيش شبابيك خلفيه اللي راكبين في الكنبه الخلفيه في الصيف ها يدعو لك
شنطتها صغيره
تشطيب داخلي منقرض من سنين
تصميم خارجي وهيكل قديم جدا جدا
شكلها يعني لا يساعد علي البهجه
النيفا تنفع لو عندك مشروع في الصحراء لاستخدامك الشخصي
او حد صاحب ورشه زي الحداد اللي جنبي
انا شايف ان حضرتك هاتدفع مبلغ مش ورق جرايد وعربيه زيرو وما تستفدش بامكانيات ونعومه في القياده
التيجو ممكن يركب لها دفيندر امامي وخلفي وعتب جانبي للحمايه
وفيها كل الامكانيات وسائل الرفاهيه في اي عربيه حديثه واكتركمان واوسع من النيفا بمراحا و4 باب
ومجرتين للتحميل علي السقف
الا اذا كنت بتفكر في موضوع الصيني وكل الكلام التعبان
يعني حضرتك محتاج تقارن بتائني
ياريت ياجماعة لو حد جرب العربية ال2011 فعلا وجرب التكييف والباور ومشي بيها يقولنا تجربتة عشان انا قدامي عربية كسر زيرو عاملة 5000 كيلو ولقطة عايز اشتريها
[frame="7 80"]ده عيب القسم ده كل اللى فيه ركيبه لادا 210 واخواتها
انما مش حتلاقى حد للاسف ليه في النيفا وده المشكله
انا كمان واقع فى الحيره ده مع العلم انى مش بيفرق معايا
مشكله شكل النيفا ابدا لانها محلوله ببساطه
لانها تعتبر من العربيات اللى لو حطيت فيها اى حاجه بيبان عليها يعنى جنط 18 على شويه كار كت فيبر عريض زى بتاع الرنجلر الجديده فوق الرفارف وعلى اربع كشافات شبوره فوق السقف
على استيكر رالى على جناب العربيه و فى الاخر شبكه اللومنيوم اماميه وخلفيه وعتب محترمين
ده من الخارج
ومن الداخل معلش ده حتكلفك حبه بس حتركبك طياره
شيل كراسيها وبيعهم او بدلهم بكراسي طياره سبور صدقنى انا كنت بدور على كراسي كهربا بس مستنى اروح بور سعيد اقلب رزقى هناك يمكن الاقى حاجه على اد ايدى
الحزام غيره بحزام رالى رياضى عريض.
التابلوه جلده بنفس لون العربيه بخامه تكون محترمه وعلى زوقك ومتسترخص فيها عشان التابلوه هو اللى فى وشك يا نجم وفيه ناس بتغيره لاكن انا شايفها تكلفه اوفر اوى وممكن التجليد يديك شكل نظيف جدا ومحترم
شوف بقى اخر نصيحه
انا عارف ان ده كلها تكلفه لكن صدقنى مش كبيره وانت عشان تمسك العصايه من النص وتبقى عملت كل ده من غير ما تحس انك دفعت حاجه .. اشترى عربيه كسر زيرو حتلاقى نفسك موفر فوق العشرالاف جنيه وبيهم بقى عيش حياتك يا صحبى وادخل على جوجل واكتب نيفا حتلاقى جالك صور لما تقول يا بس لعربيات نيفا متروشه صح وانت خد من كل بستان زهره
متقوليش بقى محدش مش حتتلوح رقبته انه يشوفها
اه حاجه بقى بعد اخر حاجه
اللى حتدفعه فى العربيه ده كله حيرجعلك تانى فى حاله انك بعتها ولا حاجه
لان فعلا اللى انا عارفه كويس ان كتير جدا نفسهم فى النيفا لقوتها ورخص سعرها بس بيخافو من شكلها
انت بالوضع ده حتلاقى الف من يشترى
وتحياتى يا غالى
[/frame]
Towmas القسم فيه شباب كتير ركبوا نيفا ومازالوا بيركبوا نيفا قلب المواضيع شوية لورا هتلاقي كل الي محتاج تعرفه عن النيفا و باين ان حضرتك جديد فالمنتدى أهلا وسهلا بحضرتك :)
بالنسبة لأسئلة الأستاذ صاحب الموضوع ..
ارجع ورا فالمواضيع هتلاقي كلام كتير عن النيفا او اعمل بحث فالقسم هتلاقي
بالنسبة للتكييف في مشكلة عامة فاللادا هيه مش معزولة حراريا كويس فالتكييف طبيعي مش بيعمل بكفائة كاملة ومايستاهلش الفلوس الي هتدفعها في تركيبة لانه بحوالي 3000 جنيه
بالنسبة للمشي على 120 عادي خالص مافيهاش مشاكل هتلاقي نفسك على RPM 3200 تقريبا والصوت معقول و الثبات كويس
بالنسبة للباور ده مشكلة أخرى فاللادا .... الباور الي بيركب عليها مابيفصلش على السرعات العالية ... يعني تلاقي نفسك ماشي على 90 والدريكسيون لسه واخد دفع الباور و قلق قوي بس لو انت مش هتسافر و مش بتاع سرعة (وده مش وضح حضرتك) هيريحك خــــالص بس للأسف ده عيبه وخطير جدا
بالنسبة للتقييم في 3 فالمنتدى اشتروها زيرو اعرفهم وبيشكروا فيها ماصادفهمش مشاكل على حد علمي لحد دالوقتي
والتجميع المحلي طبيعي أقل جودة شوية من التقفيل الروسي والمصري بس هيه المتوفرة زيرو في مصر
لو في استفسارات اخرى احنا فالخدمة :)
بس عموما خليك واخد بالك انك هتدفع 65+ ألف يعني المفروض تكون متأكد ان العربية مناسبة لاحتياجاتك من العربية لان في الرينج ده خياراتك كتييير والله الموفق
هيا مع ابن عمى مهندس شغال فى شركة السكر والشركه جيبهاله زيرو
عريبه فاشله بكل المعايير
تقفل زباله كلبسات وحاجات بابنه فى التقفيل عينى عينك
توكيل اى كلام
عفشه مقرفه وبتخبط فى المطبات
صوت موتور جرار على السرعات المتوسطه وعزل صفر
بتسخن جامد فى الصيف
التكيف على كلامه شغال يعنى اداءه متوسط
اسعار قطع غيار غاليه بعكس اللادا
تحياتى