الامبير مبيرفعش خالص - سؤال الى اهل الخبرة
عرض للطباعة
الامبير مبيرفعش خالص - سؤال الى اهل الخبرة
السبب ان العوامه فاصله و دى مشكله بسيطه متروحش لاى حد لازم كهربائى متخصص فى الفولكس لان العوامه متسبته فى طرنبه البنزين المشكله مش كبيره العمليه كلها ان فيه سلكين طالعين من العوامه الى فيشه الطرمبه و كده العوامه مش واصلها كهربا لو انت عندك اى خبره و عندك صبر و كام حته عده ممكن تعملها بنفسك و منصحكش لكن لو عاوز تجرب ممكن بس بمنتهى الحدر الطرمبه مكنها تحت الكنبه الخلفيه من ناحيه اليمين لازم تحرك الكنبه و تحتها حتلاقى دايره فى الموكيت قطرها تقريبا 17 سم ارفعها بالراحه حتلاقى الطرنبه مربوطه بصاموله بلاستيك قطرها تقريبا 17 سم حاول تفكها بالراحه لحد ما تطلع معاك و بعدين حتلاقى الفيشه شيلها من الكليبسات بتاعتها برضه بالراحه كده حتلاقى الطرمبه بقت سايبه ارفعها بالراحه لانك لما تخرجها حتلاقى تقريبا فيها نص لتر بنزين و لما ترفعها حتلاقى العوامه عامله زى عوامه السيفون اللى فى الحمام بص عليها حتلاقى سلكين طالعين على فيشه الطركبه و احد منهم حتلاقيه فاصل حاول توصله فى مكانه بحدر و رجع الطرمبه مكانها تانى كل دا لازم يتم و العربيه مبطله و المفتاح بره الكونتاكت و بالتوفيق