-
أفيدوني في سعر نوبيرا
بسم الله الرحمن الرحيم
طبعا انا اول مره ادخل القسم المحترم ده و ان شاء الله مش هتكون اخر مره
انا طالب مساعدتكم و خبرتكم في تقدير ثمن عربيه نوبيرا مواصفاتها كالاتي :
العربيه نوبيرا 2 موديل 99
كانت معوقين و فكت حظر خلاص
العربيه مواصفات خليجي
تكييف تاتش و كاسيت تاتش و خشب ابانوس ع التابلوه
فابريكه دواخل و راشه بره
مكنه 1600 - اللي مكتوب عالعلبه بتاعتها Daewoo 16v
فتيس مانوال
جنوط سبور الاوريجنال بتاعتها
كاوتش سرعات
العربيه ماشيه 250000 كيلو
ارجو مساعدتكم و تقدير تمنها وتوضيح الفرق بين المواصفات العاديه و الاوروبيه او الخليجيه يعني
-
الكيلو متر بتاعها عالي شوية والسعر في حدود 44000 جنيه
-
من 40 ل 45 بس لو نويت اكشف على العربية كويس
-
العربية دى نضيفة لو حالتها كويسة ومش متبهدلة لا تقل عن 46-47 الف لان انا عارف العربية دى ولا تقارن بالنوبيرا المصرى
-
الفرق؟
اولا التقفيل مختلف
ثانيا التكيف التاتش دة فى الاوربى اساسا واحيانا الخليجى وطبعا الشكل من جوة احسن بكتير من التكيف البكر
ثالثا الكاست الكبير مش الصغير زى اللى فى المصرى
رابعا لون التابلوة بيج وليس اسود زى المصرى {الاسود كئيب}
خامسا المكنة
1- الموبينة 3طرف المصرى 4طرف {ماتفرقش}
2-تقفيل الاوربى انضف ومابيحصلش المشاكل اللى فى ماكينة المصرى
3- كمبيوتر السيارة فى الكبوت بجانب البطارية -المصرى بداخل الصالون و انا شايف دة عيب بس انا غسلت ماكينة العربية 7000000مرة وعمرة ماحصلة حاجة
4- الاوربى مروح ردياتير واحدة -المصرى 2 {ولا ليها اى لازمة والعربية عمرها ماسخنت}
5-معدل استهلاك الوقود كويس
6- طرمبة البنزين الاوربى مختلفة عن المصرى ماتورالطرمبة الاوربى امريكانى والمصرى صينى واحيانا كورى ان وجد بس لاسف لو باظ مش هتلاقية وهاتغير الطرمبة كلها زى المصرى علشان لما تبوظ تغير ماتور الطرمبة بس وغالبا صاحب العربية عامل كدة
7-طبعا هناك اختلاف فى شكل الفوانيس الامامية اللى هيا العدسات
سادسا - اكشف على العربية كويس ولو زى ماقلتلك مش متبهدلة العربية دى 100/100
Content Relevant URLs by
vBSEO 3.6.0 PL2