الموضوع: محتااااارة جدا ومش عارفة انا عايزة ايه بالظبط .. ساعدوني الله يخليكم

المشاركة الأصلية كتبت بواسطة Dr_Smart

عرض الجيتا ده تحفه .... بس اللي فمته من الاعلان انها مستعمله بس 2012 ( كسر زيرو ) مش كده ولا ايه ؟؟؟

شريف باشا horas3000 عندك فكره عن سعر السوزوكي كيزاشي في الكويت ؟؟؟

ليا رجاء من حضرتك وانت بتعمل جولتك يوم السبت تعدي على مصطفى كرم وكيل سوزوكي وتبص على الكيزاشي والsx4 الهاتشباك وتعملنا تقرير حلو عنهم من تقاريرك الممتازه ويا سلام بقى لو فيه تيست درايف يبقى تمام اوي

دي طلعت مستعمله فعلا
مخدتش بالي خالص
مش عارف بقي هينفع مع صاحبه الموضوع و لا لا

الكيزاشي يا زعيم لو فاكر صح بتلعب في اخر ال 6 و الفل كانت ب 7 و
هي كشكل هايله وكونها 4wd اوبشن هايل و الانتريور و التقفيل بتاعها كويسين جدا
بس سعرها كده غاااااالي جدا و الناس هتفضل الكامري و الاكورد او حتي الالتيما عليها طبعا
ال SX4 مش فاكر اني شفتها اصلا
عموما هبقي احاول اعدي بس الفكره انه بعيد عن باقي التوكيلات
ده غير ان الموظفين فيه بيتمتعوا بكم رخامه غير طبيعي
هو اصلا توكيل عجيب و اسعاره اعجب و لولا العقود اللي مع البترول كان زمانه قفل من زمان

المشاركة الأصلية كتبت بواسطة Miss_Pharma

ايه الاخبار يا ترى ؟
و السيتي جت ولا لسه ماجاتش ؟
انا بصراحة مش عايزة مستعمل خاااالص .. نفسي اركب عربية جديدة ..
منتظرة رأي حضرتك بعد اللفة ..

اسف جدا علي التاخير بس النهارده كان يوم حافل عندي
شوفي يا طويله العمر

الجوله ابتدت بتوكيل كيا لاني كنت عايز اعمل تست دريف للسبورتاج و هبقي اعمل موضوع منفصل بالجوله و ابقي شرفيني فيه لو عايزه تعرفي النتيجه

و هناك بقي شفت الريو الجديده الهاتش و الصالون
و بصراحه انبهرت
العربيه حجمها كويس جدا
و الصالون منها عجبتني اكتر من الهاتش خصوصا من الخلف بالفوانيس المقتبسه من الاودي
و طبلوها شيك جدا جدا جدا و بتاع السيراتو جنبه فقير خصوصا باللونين اللي فيه
و كله كوووووم و زراير التكيف كووووم تاني اول مره اشوف حاجه كده في الكاتيجوري دي
بيتر شرايدر عامل شغل هااااايل بصراحه
و مش عايز اقولك الانريور بتاعها انظف من الاكسبلولر ام 15 الف دينار
بل للاسف المعرض فيه تجديدات و الناس كانت لايصه و زحححححمه و معرفتش اسال علي سعرها و لا السبورتاج
و بصراحه لو ربنا اراد و جبتيها هتبقي خيار هاااايل
و انا متوقعلها لو اتسعرت كويس في مصر هتنتشر اكتر من السيراتو







بعدها بقي طلعت علي الهوندا
و من الاخر مفيش سيتي و هتيجي علي شهر 3 و عليكي خير

بعد كده طلعنا علي فولكس
و عرفنا بقي قصه الجيتا
الحوار ده كان عرض و العربيه عامله 4555 و كله اتباع
اما بقي ام 4333 فدي كانت الكام عربيه اللي كانوا عارضينها في مارينا و الافنيوز و ال 360 و نزلوا اسعارهم عشان ركبلهم نمر و برضه كلهم اتباااعو هوا
و حسب كلام الراجل ده كان عرض تصفيه اخر السنه و الدفعه الجايه هتبقي بالسعر العادي
فابقي تابعي معاهم لعل و عسي

بعدين طلعت علي الفورد
و برضه مفيش فيستا
و الفوكس سعرها فوق ال 4500 علي ايه مش عارف
ده في شكل جديد نازل قريب يا .......
و عندهم عربيه اي كلام اسمها فيجو اخرها عربيه ديليفري هنا و بتلعب في ال 4000 و ده اسمه تخلف

للاسف ملحقتش اروح شيفوليه
بس الكروز انا شفتها قبل كده و مش متقبل فكره ان اللي في مصر فيها اوبشن اعلي من اللي هنا ام 1800 سي سي

الخلاصه
الكيا بصراحه هاااايله و فاقت توقعاتي و مش عارف سواقتها عامله ازاي و ممكن تجربيها لو تحبي لانها موجوده تست دريف و انا لو فقت هبقي اروح اجربها هي كمان
فلو مستعجله علي العربيه الجديده شايف تتوكلي علي الله و انت اولي بفرق السعر
و لو قدرتي تستني لشهر 3 يبقي السيتي بس انا متاكد بنسبه 90% هيغلوها
او برضه تستني الكروز لما يجيبوا الدفعه
و الراي الاخير ليكي طبعا