الموضوع: محتااااارة جدا ومش عارفة انا عايزة ايه بالظبط .. ساعدوني الله يخليكم

بقالي شهرين عايزة اجيب عربية ومترددة جدا ومحتارة جدا جدا .. شوية اقول هنزلها مصر يعني لازم تكون 1600 وعائلية .. وساعات اقول لا مش هنزلها .. في الاخر قررت اني مش هنزلها .. الاختيارات دلوقتي قدامي بالترتيب من الارخص للاغلى وكله 2012 وكله ميديام لاين لاني مش بحب فاتحة السقف ولا بتفرق معايا الاوبشن العالية ..
كيا ريو هاتش باك الجديدة ودي طبعا 1400
رينو فلوينس 1600
هوندا سيتي 1500
شيفروليه كروز 1800

االفرق بين الريو والرينو ما يعادل 10000 جنيه
وبين الفلوينس والسيتي ما يعادل 6000 جنيه
وبين السيتي والكروز 4000 جنيه

يعني الفرق بين ارخص واحدة الريو واغلى واحدة الكروز 20 الف تقريبا
ولو زودت 20 كمان اجيب كيا سبورتاج بس اول لاين .. والزيادة دي صعبة شوية بس لو الفرق يستاهل هتصرف .. وكمان هتبقى 2000 سي سي لان هنا مفيش اقل من 2000 ..
اختار ايه بقى ؟ انا مايالة جدا للفلوينس بس خايفة جدا اجيب رينو في الكويت ملهاش سوق ومش منتشرة .. مع انها اكتر واحدة عجباني سعرا وموضوعا ..

انا عايزة عربية بنت ناس اهم حاجة عندي الثبات وقوة الصاج والفتيس الاتوماتيك يكون كويس وعمره طويل عشان البيجو بتاعتي عقدتني في الموضوع ده .. ومش هفكر ابيع قبل 5 سنين على الاقل ..

معلش بس والله احتارت جدا ودماغي وجعتني وعايزة استقر على حاجة كويسة بقى ..