متستعجلش بكرة هتصدق دة انا راكب لانوس موديل 2004 ماشيه 400 الف وعمرى ما اشتكيت منها ولا تيل بيصفر ولا مساعدين بتطقق ودى لانوس كورى
عرض للطباعة
ياباشا
انا لو كنت راكيب عربية استعمال وظهر فيها عيوب بتبقى حاجة مقرفة جدا مابالك بقى انى شاريها زيرو باكياسها يعنى المفروض تعمل 100 الف كم بدون ولا كلمة
وموضوع انها فيها كماليات وسعرها قليل مش مبرر لعيوب الصناعة انما هى سياسة شركة غير محترمة تجاة العميل
والله الموضوع دة اما بيحصل فى اوروبا فى اى نوع عربية على طول بتبلغ التوكيل وبيتحمل مصاريف الشحن وبيديك عربية تمشى بيها نفسك لحد مايكشف على العربية ولو طلع عيب استخدام بيتصلح تبع الضمان لان الضمان هنا 3 سنين اما لو عيب صناعة فترد فلوسك او تاخد عربية جديدة بدون شكاوى او اى شىء لانها سمعة شركة
على فكرة العربيات الصينى ممنوعة من دخول اوروبا ماعدا انواع معينة
يعنى العيب مش فى الصين:_Alshmokh08[1]:
ربنا يباركلك فيها
بس انا هقولك تجربتى مع اللانوس اللى تمنها معدى ال70000 جنية
انا ليه واحد صديق عزيز علية معاه لانوس موديل 2008 ولظروف سفرة للعمل فى دوله عربية فكر فى فكرة ان يعمل احلال ويقلب العربية تاكسى لظروف ان عليها اقساط بالاضافة ان العربية تجيب قسطها بدل ركنتها وبعدين لما يرجع يبيعها ويجيب غيرها وقصدنى انى اتابع العربية كامانة لحد ما يرجع
المهم العربية ساعة ما قلبت تاكسى كانت عاملة 58000 كيلو دلوقت بعد سنة وشهرين بقت عاملة 113000 وفى خلال السنة دى تم تغيير البطارية 3مرات نتيجة انفجار البطارية (انفجار)واقسم بالله 3مرات وده غير بلى العجل الامامى وبلية الدبرياج وده غير ديسك الفرامل الامامية اللى قربت اغيرها
واكيد انت لو رحت لميكانيكى دايو وسألت ايه العيوب الشائعة فى اللانوس هيقولك متخرجش عن الحاجات دى ومع ذلك العربية مش وحشة
بس عربية فقيرة جدا وامكانيتها محدودة جدا بالنسبة لسعرها المبالغ فية جدا
بس كل واحد بيحسبها طبقا لاحتياجاتة وفلوسة وذوقة
وسنة 98 اللى كان بيشترى اللانوس اكيد كان فية ناس زى حضرتك بيحبطوا اللى بيشتريها ويقول حد برضة يشترى كورى ؟
ياباشا الكلام اللى بتقوله ده فى المريخ مش هنا وياريت تدخل منتدى الفولكس باسات وتشوف العجب من اللى حصل للناس فى الفتيس والى الناس كانت بتصوت للشركه المنتجه اللى فى المانيا حضرتك مش الصين ولا حد سال فيهم واحل منتدى الهيونداى وشوف اللى حصل لزميلنا اللى اشترى هيونداى داستر 146 الف جنيه ورجع بالعربيه للمعرض بعد اسبوعين وباس ايديهم علشان يرجعوها ليهم وخسر 30 الف جنيه فى العربيه المعجزه من كوريا صدقنى الموضوع هو الهجوم فقط ومن غير حتى مانعرف عيوب الغربيات التانيه وانا مازلت نصر ان الاسبرنزا افضل الموجود بالسعر ده وايى عيوب اخرى لاتقارن بالفيرنا واللانوس والصنى
:36_6_3[1]:
السيارات الاسبيرانزا افضل سيارات فى فئتها السعرية ويعيبها التقفيل المصرى والخامات المستخدمة فيها لكن مسمعتش انها زعلت حد على الطريق وبالنسبة للى بيتكلم على فكرة انها صينى تبقى زباله انا بقوله ( ياريتها صينى كامله ) هنشوف تقفيل خيالى ينافس جميع دول العالم ومش هنلاقى الزن والتصفير والتخبيط والاعطال الى قارفه الناس ومخلياهم زهقانين منها مع كل التقدير ليهم لان حقهم وانا شخصيا لو ظهر فى سيارتى الm11 عيوب كدة هشتم فى الشركة وهدعى على اللى قفلوها والى مراعوش ربنا وهما شغالين فيها واللى حب يوفر ويجيب خامات رديئة مصرية ويلغى الخامات الاصلية علشان يكسب اكتر .. ولو الموضوع مابينا خد حيادية كامله وعدم هجوم عالصينى لمجرد انه صينى وفكرنا فى المشكله الام وهى التقفيل المصرى الى بيغربل العربية من كل حته هنحل كل مشاكلنا وهنعرف نحط ايدينا على الموضوع الرئيسى ونعالجه . وانا قريب هطرح الموضوع دة والكل يقول اية عيوب التقفيل الواضحة الى ظهرت عنده ومتضايق منها جدا وفى النهاية عايز اذكر موقف لصديق ليا لما قالى ... هات افيو رغم كل المصايب الى فيها كفايا ان الناس مش هتقول عليها ( اصلها صينى )
اوافق على الرأى القائل ان الاسبرنزا الافضل فى فئتها السعرية .. وان حطينا الاسبرنزا خاصة الام 11 بتاعتى واللانوس (باعتبار انى ركبت الاتنين) فبصراحة مفيش وجه مقارنة وبكل حيادية وربنا شاهد على كلامى ان اللانوس جنب الاسبرنزا كأنك راكب سورى يعنى حمارة عارجة!