إسبرانزا 516 .... أسوأ سياره في مصر

**bassemali** · 13-12-2011 12:58 AM

متشكر جدا لكل اللي تفاعلوا معايا والموضوع مش موضوع صيني ولا الماني أنا ماأشتكتش من العربيه عشان صيني أنا بحكي عن عيوب صناعه عندي في عربيتي ولو كنت جيبت كورولا ولا باسات وطلع فيها مشاكل كنت هقول برضه .... العربيه ممتازه بس مشكلتها توكيلها مصيبه رايحه في داهيه دايسها قطر .... ومافيش حد بيشيك ع العربيه لما بتخرج من المصنع وعاملين زي موظفين الحكومه فوت علينا بكره ... العربيه أتظبطت وبقت زي الفل ماعدا صوت الحكه اللي ورا اللي رجع تاني ووديتها عند عفشجي شاطر قاللي أن في إحتكاك بسيط بين التيل والطنبوره هوا اللي عامل الصوت وكلمت مسؤول خدمة العملاء هناك وقولتله وقاللي لما تيجي مع صيانة ال 10000 هنظبطهالك .... بس صدقوني لو ماكنتش إتخانقت وقلبت الدنيا ماكانتش هتخلص التوكيل محتاج يتشد شويه .... لكن أنا ماليش أي تحفظ ع العربيه غير عيوب تقفيل كتير... والناس هناك معاهم إسبرانزا وعندهم بلاوي أكتر من اللي عندي .... لكن ده قدري وقدر الله وماشاء فعل ... كان نفسي أركب عربيه مصري وأنا فخور.... مش وأنا قرفان .... نصيب .

**osa92003** · 13-12-2011 12:09 PM

حضرتك العربيات اللى بتتجمع فى بلادها الاصليه مليانه مشاكل فما بالك باللى بتتجمع عندنا وده طبيعى فى عربيات متوسطه السعر بس الحق يقال ان اغلب المشاكل بتكون بسيطه وقابله للحل وهو ده المطلوب

**bassemali** · 14-12-2011 01:13 PM

الحمد لله وقدر الله وماشاء فعل

**bmya** · 14-12-2011 08:55 PM

انا خايف ارود عشان ناس متزعلش بس هي مع حمايا

**osa92003** · 19-12-2011 06:18 PM

المشاركة الأصلية كتبت بواسطة bassemali

ظهر أخيرا.... الطرمبه رجعت تهيس تاني .... المساعد الجديد اللي أتغير ورا رجع يعمل صوت تاني.... الحكه اللي كانت موجوده في العجل الخلفي رجعت تاني .... وأخيرا في حراره جايه من تحت التابلوه .
حد عايز يعلق ؟؟؟؟

والله انا مش عارف انت حاطط العربية فى دماعك اوى كده ليه؟؟؟؟؟هى الحاجات الى بتقولها دى مش مشاكل ابدا يتعمل ليها عنوان اسوا عربيه فى مصر

دة فيى مصايب فى موديلات كورى ويابانى وتصنيع بلادها ياريت تشوف البلاوى اللى حصلت للناس اللى اشترى باسات المانى واللى حصل فى الفتيس بتاعهم ياريت تغير العنوان احسن لينا وليك يعنى انت عايز صوت فى المساعد وح وحكه فى التيل تبفى اسوا عربيه باسلام

؟؟؟؟؟؟؟ل
والله انصح حضرتك بتعير مركز الحدمه وروح ابو رواش او انك تتطلع على مركز المتحده فى الطريق الدائرى وهيحلوا ليك المشكله اللى هيا مشكله من وجهه نظرك

**sonytogy** · 20-12-2011 04:09 AM

الناس بتشتريها علشان اغراء الاوبشن

**stonecoldmido5** · 20-12-2011 02:45 PM

المشاركة الأصلية كتبت بواسطة osa92003

والله انا مش عارف انت حاطط العربية فى دماعك اوى كده ليه؟؟؟؟؟هى الحاجات الى بتقولها دى مش مشاكل ابدا يتعمل ليها عنوان اسوا عربيه فى مصر :u_thin1[1]::u_thin1[1]:دة فيى مصايب فى موديلات كورى ويابانى وتصنيع بلادها ياريت تشوف البلاوى اللى حصلت للناس اللى اشترى باسات المانى واللى حصل فى الفتيس بتاعهم ياريت تغير العنوان احسن لينا وليك يعنى انت عايز صوت فى المساعد وح وحكه فى التيل تبفى اسوا عربيه باسلام

؟؟؟؟؟؟؟ل
والله انصح حضرتك بتعير مركز الحدمه وروح ابو رواش او انك تتطلع على مركز المتحده فى الطريق الدائرى وهيحلوا ليك المشكله اللى هيا مشكله من وجهه نظرك

و الله حضرتك في كتير عندهم نفس المشاكل بس انا معتدش بشغل دماغي بالكلام ده لاني اتعودت عليه بس وضع طبيعي وحط نفسك مكانه اما حضرتك تفضي للعربية وكل يوم تصلح حاجة و يا ريتها بتتصلح و تنساها لأ بترجع العن من الاول , العربية ممكن تبقي ممتازة لو وصلت من الصين علي حالتها كاملة متكاملة مفيش ايد مصرية لمستها ,
و كنت عايز اسأل حضرتك علي مشكلة انا مش فاهمها بسمع صوت صفارة عالية شوية في السلانسية مع سخونية العربية كأني ماشي بأتوبيس نقل عام بس من غير ما ادوس علي الفرامل مع العلم اني مغير تيل من شهرين

**osa92003** · 20-12-2011 04:07 PM

مع سخونية العربية كأني ماشي بأتوبيس نقل عام
مشكله السخونه ان مواسير المياه السخنه اللى بتشغل التكيف السخن داخل التبلوه وبالتالى الاحساس بالسخونه بيكون زياده شويه والحل فى فصل دوره الميه السخنه من داخل التبلوه او عمل عازل حرارى ودى بيعملوها فى التوكيل ابو رواش قفل الهوايات بتاع التكييف اللى جايه من خارج العربيه ودى بتكون انك تشغل التكييف وتخلى اتجاه الهواة فقم من الهوايات العلويه مش السفليه وتخلى التكيف ياخد الهوا من الداخل وبعدين تقفل التكيف وتعمل off
بسمع صوت صفارة عالية شوية في السلانسية مع سخونية العربية كأني ماشي بأتوبيس نقل عام بس من غير ما ادوس علي الفرامل مع العلم اني مغير تيل من شهرين

[COLOR="blue"]هل الصفاره وانت ماشى بالعربيه ولا اثناء الوقوف بس عايز اقولك ان معظم التيل اللى موجود فى السوق وحش جدا ويستحسن انك تجيبه من حد معروف ويكون اصلى
[/COLOR]

**stonecoldmido5** · 20-12-2011 04:29 PM

[color="blue"]هل الصفاره وانت ماشى بالعربيه ولا اثناء الوقوف بس عايز اقولك ان معظم التيل اللى موجود فى السوق وحش جدا ويستحسن انك تجيبه من حد معروف ويكون اصلى
[/color][/quote]
اشكر حضرتك علي الاهتمام و الرد , انا اشتريته من التوكيل و الصفارة بتظهر و انا ماشي هادي جدا و بتختفي اما السرعة تزيد عن كم , و اكرر الشكر لحضرتك

-

الموضوع: إسبرانزا 516 .... أسوأ سياره في مصر

LinkBack

أدوات الموضوع

عرض

-

-

-

المواضيع المتشابهه

أسوأ يوم في حياتي في أسوأ توكيل في العالم... المقطم

أنا أستلمت إسبرانزا 516 2012

إسبرانزا e5 الجديدة بديلاً لa5

إسبرانزا الجديدة a113

عاوز رأيكم في إسبرانزا a113

الكلمات الدلالية لهذا الموضوع

المفضلات

المفضلات

ضوابط المشاركة