بص ربينا يعنك ويكرمك بس نصيحه ابعد عنه
عرض للطباعة
بص ربينا يعنك ويكرمك بس نصيحه ابعد عنه
قدرالله وماشاء فعل انا قاري الموضوع من بدري يا سيد ربنا معاك...انا بالنسبة لي بشوف ذنبي في العربية اه والله ربنا يتوب علي الواحد ويعننا جميعا علي ذكره وشكره وحسن عبادته,عربيتي برضه مشاكل وكده وانا بقرأ موضوعك افتكرتها ومش عايز اتكلم برضه يعني غيض من فيض (مغير صدر امامي مرتين في حادثتين وعندي نصيحة بعد السنين دي الكلبسات اللي بيركب بها الاكصدام الامامي بتكسر وبتضيع وبتضيع برضه او بتتسرق قواعدها من الرفرف فبتاع الفيبر بيركب بمسامير حديد كبيرة او مسامير عموما ده بيخلي الاكصدام في خبطة مثلا سرعة 10 كيلو او اقل تخبط فاكسنت قديمة ياخد الصدر ويتكبس لجوه والاكصدام يتشرخ تاني او يتقطع بس مايقعش من العربية وده ليه ...لأنه متثبت بمسامير كبيره علي مااعتقد ده تفسيري بس كده يبقي الافضل تخلي بتاع الفبر يخلي الاكصدام متثبت بمساممير ضعيفة عشان الاكصدام يتقطع ويقع والصدر يبقي سليم ,عشان الصدر بتاع العربية يوم مابيتكبس صعب السمكري يرده زي ظبطه المصنع والصدر عندي دلوقتي الفانوسين راميين نور لتحت وماشي بالعالي بس حاليا رعاش مع اني رافع عدسات الفانوسين فوق عالآخر بس معرفش اشغل النور الواطي مش منور حاجة واستيراد جبته كان لقطه من الحرفيين ب250 وشكله زي ماسمعت مش استيراد ده جديد تيواني وبيتباع علي انه استيراد حد سمع الكلام ده قبل كده يارجالة؟ ابو250 ده قواعده لردياتير كبير زي عندي يعني مش قطع والحم وهو سعره الطبيعي من 450 واعتقد وصل 650 ل700 دلوقتي !!!!!!!!!! ) كفارة ان شاء الله يا بشمهندس ومتزعلش ربنا شايللك الاحسن ان شاء الله وكما قال الحبيب صلي الله عليه وسلم "عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط"
الحمد لله امبارح روحت ربطت العفشة لأنها كانت عاملة طقطقة جامدة جدا
نظفت البوابة وفلتر الهوا
والنهاردة غيرت زيت (جبت زيت شل الأصفر 5000 كم) ب120 جنيه
غيرت فلتر الزيت (توبران الماني ) ب40 جنيه
غيرت فلتر البنزين (شامبيون الماني) ب50 جنيه
غيرت البوجيهات (نوع كدة معتوه 3 شمعة ) ب60 جنيه
وجاري التجربة
بس لحد دلوقتي العربية فيها نتشة كدة والأر بي ام يعلي شوية ويوطي واحيانا بتبطل
الميكانيكي قالي انها عايزة القاعدة الأمامية والقاعدة الخلفية بتوع الموتور
بيعملوا كام جداد ولا اجيبهم استيراد ؟؟؟
والله المستعان
،
،
مبروك الصيانة الجديدة بس سؤال صغير فلتر الزيت اللي جبته طوله طويل ولا قصير؟ وانا عنديي قواعد الموتور القديم فاككهم فالبيت وكانت حالتهم كويسة جدااا علي ماافتكر مااشتكيتش منهم
ربنا يصبرك
والله يا اخى انا ما عارف اوقلك اية لكن اصبر على ما ابتلاك به الله لانه بجد ربنا فاكرك على طول وده دليل انه بيحبك وما عليك غير الصبر والاستغفار .
والحمد لله انك واقف على رجلك وفى الف داهية اى حاجة كله حديد وانت الى اشترتيه وربنا يكرمك وتجيب غيره احسن الف مره .