الموضوع: بصمت بالعشرة لزيت ليكوي مولي الجــبار

بسم الله الرحمن الرحيم

انا حطيت زيت ليكوي مولي عندي بس مبتحركش كتير عشان احكم عليه فعشان كده معملتش موضوع لحد الان

بس صديقي معاه بيجو 307 خليجي وفيها تربو او سبورت موود وندمت اني اخليه يحطو باللي عملو فيها بعدها

قيل ما ابدا في التقييم السريع للزيت تفاجات ان زيوت ليكوي مولي فيها مقللات احتكاك مادة تسمى الموليبدينيوم سلفيد كان الدكتور المناهري جزاه الله خير نبهني ليها
المادة دي بتستخدم في الميكانيكا على نطاق واسع في حاجة اسمها
constant velocity joint
طبعا ده موضوع كبير جدا المهم المادة دي تصنف من dry lubricant في الحالة البودر وهي شبه الجرافيت وعندها قدرة عالية جدا على تحمل الحرارة تصل لحرارة تفوق ال 1000c
ومش حكمل اكتر من كده عشان محدش يزهق

المهم صديقي قبل ما يحط الزيت لما كان بيشغل السبورت مود كنا بنسمع صوت عالي جدا ومزعج
ده غير طبعا العربية كانت خشنة جدا بحكم كان موديلها 2005 بس مش عاملة كيلواتت كتير
المهم بعد ما الزيت اتحط صاحبي جاي يدوس الدوسة الطبيعية للعربية العربية نطت جامد لان الدوسة مع الزيت ده بقت زيادةة على الطلعة لانو ما شاء الله حسن الاداء
صاحبي بيقولي انا حاسس ان الاداء وكان العربية ماشية على السبورت موود
وبعد اللي عملو على البحر في اسكندرية قلتلو ياريتني ما كنت جبتلك الزيت
الصوت هدي جدا جدا وبعد ما شغل السبورت مود محستش بفرق في الصوت حتى
سخونية الموتور هديت يعني العربية كانت بتطلع صهد بعد مشوار صغير دلوقتي بنحط ادينا على المكنة حاسين بس بسخونة المكنة لكن ادينا مش بتتلسع مكناش نقدرو نحطو ادينا على الكبوت حتى
وده في اعتقادي راجع للمادة اللي شرحتها

المهم الزيت ده صفقة رابحة باذن الله بس اهم حاجة اللي يحط الزيت ده ومعاه سيراتك يعرف انو حيقعد 1000 كيلو الاداء عادي لان طبعا السيراتك بيكون في مرحلة coating ودي بتاخد طاقة وضع بتاثر على اداء الزيت
وان شاء الله بعد ال 1000 حيشوف خير بس الصبر جمييل

شكرا ليكم