حد سمع كلمه بطاسطايه (بطاطسايه)
عرض للطباعة
حد سمع كلمه بطاسطايه (بطاطسايه)
طيب ايه رايكم في موستلك (موتوسيكل)
للأسف محمد ابني بيقولها كده وكل اما اقوله ياحيبي اسمها موتوسيكل يقولي موستلك عشان سمعها كده من العيال في البلد
بنتى 7 سنين مصممه اننا بنصوم فى شهر مرضان مش رمضان !
انا بقى وانا صغيرة كنت فاكرة ان طه حسين سيدنا محمد لان ناس كتير كانت بتقول ان طه اسم من اسماء الرسول صلى الله عليه وسلم
ده غير في الشخصيات المركزين عليها في المدرسة في ابتدائي كمان كمل عليا مسلسل طه حسين
في ناس بسمعها تقول الاتي وعلقت عليهم اكتر من مرة عشان اصحح لهم النطق
ارانب انارب
كلور كورور
ملوخية مروخية
كوشتينة كوتشينة
فنيلة فانلة
بالنسبة للاطفال اابني احمد كان بينطق اسم واحد قريبنا بطريقة غريبة بتضحكني انا وباباه
واجي قدام الناس وقدام قريبا اقولهم احمد بيقول عمي كذا ومستنية حد يضحك محدش عبرني بل بالعكس كلهم وشهم قلب
جه جوزي هزقني بعد كدة قالي الكلمة دي قليلة الادب ومعناها كذا
وانا والله لا كنت اعرفها ولا سمعتها ولا اعرف معناها وحسيت ان شكلي كان يكسف وقتها
موضوع كوميدي اوي وفكرني بجولاتي في مصر من شرقها لغربها - وبسبب بردو طبيعة عملي بقابل ناس ياما (كتير)
خد عندك بس بدون زعل او تعصب قبلي
الفيومي لما يقول موز بيقول عليه ماوز
او بنادم - بنادي
ملعبكة بدل ملزقة
الشرقاوي بيقول مش بعرف بدل مابعرفش
مش ليك دعوة بيه
نازلت بدل نزلت
دوكها بدل التاني
منطلون بدل بنطلون
لنضة بدل لمبة
كومبيوتر بدل كمبيوتر
الميرديانا بدل الميرديان
سوفر ماركو بدل سوبر ماركت
تلفون بدل تليفون
الواد عنده سوو خوو نية بدل سخونية
ابن عمي داير - مش ابن عمي لزم
لوما - لولا (لوما الملامة يا هوا لوما الملامة افرش جناحي علي الهوا زي اليمامة)
كعك - كحك (انا عارف ان كعك اصح بس التعود)
دندي - ديك
لو افتكرت حاجة تانية هقولكم
واحد صاحبي فيومي كان بيقول انت عامل كييييييييييف؟ يعني انت عامل ايه؟
انا اسمي عبدالرحمن وبتغاظ اوي لما حد يقولي يا عبرحمن
إحنا عاوزين ناس تدخل تقول ايه اللى بيستفزها من كلام اهل كايرو :d
انا اقولك عن اهل كايرو
قوطة - طاطم
بوك - كيس الفلوس
ليلة الدخلة او كتب كتاب ودخلة-ـــــــــــــ> ليلة الزفاف او كتب كتاب وفرح او زفاف