هو موتور فعلا...
فكرتيني بماما اللي مصممة ان الصرصار اسمه صرصور :d
عرض للطباعة
هو موتور فعلا...
فكرتيني بماما اللي مصممة ان الصرصار اسمه صرصور :d
علي فكرة ملهاش علاقة بنطقها الصحيح يادكتور احمد..الناس بتستغرب الكلمة الغير دارجة إيفن لو هي صحيحة...
المنياوية بتوع بني مزار اللى بياكلو الكلام ام بتنادي على ابنها الصغير اسمه محمد عشان يستحمى فابتقول " ياوا.. يامحا... تعا... استحا... الوميا.. حا..." الترجمة " يواد يامحمد تعالى استحمى الميه حميت " ده غير كلمة البلاكونا والمكاروونا وكن في بلد اسمها قطور في طنطا الناس هناك لازم كلمة " بجا " تكون في الجمله "" امبارح روحت "بجا" اشتريت جلبية جديدة " بجا" "" كأنها نقطة ومن اول السطر
الموضوع ده جرعة استفزاز مركزه :)
الكلمه اللي كانت بتعلق معايا "تمام" ، خصوصا أيام الكورسات وكده كنت بفصل بيها علشان اجمع افكاري .. كل شويه "تمام" ، بس مكانش حد بياخد باله الناس كانت بتبقي مهنجه خلقه انا اللي كنت بتغاظ مني
بمناسبة قطور عمري ما سمعت حد بيقول كده ، بس الطنطاويه بيقولو إحداشر بدل حداشر (11) ، بتضايقني جدا
والناس اللي بتاكل أخر حرف من الكلام شلل
"نمشي" بكسر النون وفتح الميم ، نيماششيي بدل نمشي .. مستفزه
واللمين بدل اليمين ..
ولا في الفلاحين "بت يا رااااشيه" يا نهار تيييت ، أسخم من عيلاء بمراحل
في حاجات كتير بس الحمد لله مش فاكر ..
وبالنسبه للموتور ، ولا موتور ولا ماطور .. اسمه المكنه
مش كلمة معينة الي معلقة معايا بس طريقة كلام
من فترة اشتلغت في كول سنتر فلساني خد علي طريقة مكالمة العميل حتي بعد ما سبت الشغل بكتير
اي حد لازم اقلة يا فندم و تحت امرك و فضل اقوله تمام
انا نفسي ابطل كلمة يا باشا
سلام يا باشا
ازيك يا باشا
ماشي يا باشا
سواااق سواق يعني
و بردو بحلف علي الفاضي و المليان
ونا نفسي ابطل كلمة يافندم..لانها لزمة ف كلامي فعلا...مش عارفة اي الاحترام دا..حاجة بايخة اوي
البتنشجان