راى الخبراء فى الموتوسكلات

**minicooper20** · 07-12-2011 04:03 AM

دلوقتى انا معيا اتنين رجاله شغالين واحد ساكن فى اربعين جسر السويس و واحد فى مسترد المهم ققرت اساعدهم و نجبلوهم مكنتين يروحو و يجو بيهم بدل زحمه المواصلات و القرفلانهم بيخلصو شغل 2 بليل
اجبلهم مكنتين منين ناس قلولى هات الفسبا الجديده الاتو دى بس مش عارف منين و بكام لانى هدفعلهم مقدم و هما هيكملوالقسط وربنا يكرم يعنى و يقدرنى و اسعادهم
عايز اجبلهم حاجه نضيفه و تستحمل و خصوصان ان هما ضخام و كده
اروح فين واجيب منين و ايه الاخرائات
ضرورى بالله عليكولان هما متبهدلين فى الموصلات و الدنيا معدتش امان

**MohssenRashed** · 07-12-2011 09:10 AM

بص ياباشا الفسبا حلوه اوي و انا جايب واحده و هي دلوقتي ب 6100 جنيه تقريبا في اسكندريه عندي (معرفش ايه نظام القاهرة).

ممكن حضرتك تسأل في قسم الدراجات الناريه و الرجاله هتفيدك اكتر

مختــلف أنواع الدراجات النارية - نايل موتورز - NileMotors.net

**minicooper20** · 08-12-2011 03:03 AM

اها طيب اجبها منين و هل فيه انواع تانى معلش تعبك معيا

**MohssenRashed** · 08-12-2011 08:53 AM

بص يازعيم:

انا جبت افسبا بتاعتي ب 5600 جنيه بس هيا دلوقتي بتقريبا 6100 جنيه 150 سي سي و صناعه تايواني (SYM) و استيراد حلاوه و دي المواصفات الفنيه بتاعتها:

و دي صورتها:

في نوع تاني اسمه D-LUX شكله مختلف معلش معنديش صوره , نفس مواصفات ال SYM برضو اوتو CVT بس في منه 150 سي سي و 250 سي سي.

**Elawany13** · 08-12-2011 09:43 AM

زمان كان عندى فيسبا إيطالى أصلية مستعملة
وبعدها ركب موتوسيكل إم زد ألمانى مستعملة
وبعدها موتوسيكل صينى حلاوة كان كسر الزيرو
بصراحة أفضلهم وأكثرهم راحه وكفاءة الموتوسيكل الصينى
أعطاله قليلة وكفائته عالية وماتوره أقوى وشكله اشيك
وفيه تكنولوجيا أعلى
مارش
قفل للجادون
انذار ضد السرقة
تشغيل الموتوسيكل من الريموت
بيشتغل ببنزين فقط وأقل تلويثا للبيئة بخلاف الموتوسيكلات القديمة كنت بحط بنزين على زيت
بيشم البنزين واستهلاكه تافه بخلاف الموتوسيكلات القديمة كانت بلاعه بنزين بالنسبة ليه
الموتوسيكلات بصفة عامة أعلى من الفيسبا
الفيسبا كانت بتتعرض لكثير من الخبطات من المطبات والبلاعات وكذا مرة الشكمان ادمر وتماما بسببها
ميزة الفيسبا الوحيده فى وجهة نظرى ان كان معاها استبن وكان سهل جدا فى تغييرة بخلاف الموتوسيكل
بس تغلبت على الموضوع ده ان معايا كاوتش تيوبلس فى الموتوسيكل الصينى وبسم الله ماشاء الله تحفه
بالنسبة للفيسبا الصينى الجديدة شكلها مش بيعجبنى وحاسس كإنها لعبة