الموضوع: مشكلة مجننانى فى تريوس 2000

السلام عليكم ورحمة الله وبركاتة
عندى مشكله نفسي الاقي ليها حل عند حضراتكم
انا من حوالى شهر ككده لاقيت العربيه بترجرج جامد وخشنة خالص رحت بيها لمكانيكى معرفة فى صقر قريش قالى دى قواعد موتور وفتيس هما مش مظبوطين
المهم اشتريتله قواعد موتور وهو قالى انه لقى قاعدة الفتيس كويسه وبعدين ركب قواعد الموتور والعربيه صوت الرجرجة اللى فيها راح خالص لدرجة انى ساعات مابقاش عارف ان العربيه دايرة ولا مش دايره
يدوبك اسبوع ولقيت الرجرجة بدأت تزيد تانى بس بدرجة اقل بحس بيها اكتر على الاول والتانى وبتخف تدريجيا مع السرعات الاعلى التالث والرابع وتختفى فى الخامس كان مفيش حاجة خالص

المهم روحت بيها تانى للمكانيكى فى صقر قريش وهو اسمة صدام حسين على فكرة ركبها تانى معايا وقالى دى ممكن تكون قواعد الكرونه الامامية لانها كمان عاوزة تتغير
وبعدين خدتها ورحت لمكانيكى تانى قالى دى عاوزه قاعدة فتيس لان القاعدة اللى فيها ضعفت خالص
الاهم فكلى القاعدة وروحت دورت عليها كتير عند بتاع الجديد والاستيراد لقيتها جديده يابانى ب 700 جنيه
بس فى ميكانيكى قالى احنا ممكن نجيب حشو بتاع متسوبيشى لانسر للقاعده القديمه بخمسين جنيه ويتكبس فى القاعدة القديمة حيفى بالغرض
فمش عارف بصراحة اعمل ايه هل اشترى القاعده الجديده ب 700 جنيه
ولا اركب حشو فى القاعده القديمة فى حدود 100 جنيه
ولا ممكن ما تكونش دى المشكلة اساسا
ارجو الرد واكون شاكر ليكم

والله انا روحت الفحص المجانى ده وهم ناس محترمين اوى بس هما قالولى ان الفحص ده بيبقى على الزيوت والتيل والحاجات الرئيسيه وما ينفعش تقولة على حاجة معينة يتعملها صيانة بس هما للامانة قالولى انها عاوزه دسكات امامية وصيانة ال 80 الف