-
صوت طقطقة
السلام عليكم
انا عندي مشكلة غريبة شوية . بيبقى فيه صوت طقطقة في ضهر العربية (بس مش عارف احدد الناحية اليمين و لا الشمال و لا الاتنين) لما بادوس فرامل . الصوت ده بيظهر بس لما بادوس فرامل على سرعات واطية نسبيا ( من 20 الى 40 ك\س) افيدوني ربنا يكرمكم
عربيتي سيات ابيزا 2001
-
منورين يا رجالة حد ينصحني بأي حاجة
-
اكشف على المساعدين حضرتك لو تمام روح اغسل العربيه من تحت وان شاء الله تبقا تمام
-
اكشف على تيل الفرامل والماسترين الخلفى والمساعدين
-
شكرا للايضاح بس سؤال هو لما ادوس فرامل و اسمع الطقطقة ممكن يكون سببه المساعدين ازاي ؟ هي الفرامل ليها علاقة بالمساعدين ؟ معلش اصلي انا مبتدئ في مفاهيم الميكانيكا
-
بص انت لما بتدوس فرامل العربية بتضغط على المساعدين الاماميين و تعلى من ورا (لامؤاخذة) :) .. بس انا كان عندي نفس المشكلة وطلعت بسبب المقص ... ممكن تكشف على العفشة يعني مقصات وجلب ومساعدين وكدة .. في الغالب هيكون في المقص الخلفي او المساعدين وان شاء الله خير.
-
ربنا يكرمكم إن شاء الله شكرا للمساعدة
-
انا كشفت على العفشة .. الراجل العفشجي قالي ان العفشة ممتازة و كل حاجة سليمة بعد ما فك الطنابير و كشف على التيل و المساعدين . و بعد ما خلص ربط الحاجات تاني و قالي شوف ميكانيكي يكشفلك عليها. و انا ماشي بيها لقيت الصوت راح لوحه :d الحمد لله و شكرا على مساعدتكم
Content Relevant URLs by
vBSEO 3.6.0 PL2