مكان رقم الموتور والشاسيه فين يا رجاله

**احمد المصرى** · 07-12-2011 01:21 PM

السلام عليكم

انا اسمع ان رقم الشاسيه مكتوب على الزجاج الامامى والواجب ان الواحد يشيله او يغطيه باى حاجه ممكن حد يقولى مكانهم فين علشان اخد بالى يا شباب لانى بصيت على الزجاج الامامى ومش شايف اى ارقم خالص العربيه خليجى على فكره يا شباب

**احمد المصرى** · 07-12-2011 04:23 PM

المشاركة الأصلية كتبت بواسطة tarek_rcc

رقم الشاسية او vin مكتوب أسفل الزجاج الامامى من ناحية السائق وانت مش ها تقدر تشيلة طبعا بس ممكن تحط علية ورقة من جوة من أمام الزجاج لتغطيها ( مقاسه كلة 10سم *3 سم تقريبا )

الف شكر يا باشا على الرد

يعنى الرقم مكتوب على الزجاج نفسه ولا وانا واقف خارج العربيه وبصيت من الزجاج الامانى ناحيه السائق هلاقيه مكتوب

**ابو ليلى** · 07-12-2011 05:01 PM

اتفضل يا باشا ..حتة ورقة وتحطها بين التابلوة والزجاج

**احمد المصرى** · 07-12-2011 06:06 PM

المشاركة الأصلية كتبت بواسطة abouleila

اتفضل يا باشا ..حتة ورقة وتحطها بين التابلوة والزجاج

اخبارك ايه يا كبير

فعلا المكان دا فى حاجه سوداء محطوطه عليه ومكنتش اعرف ان دا الرقم تقريبا صاحب العربيه ال قابلى هو ال حاطه بس لو لا قدر الله الزجاج لاى سبب انكسر هل الرقم دا بيكون موجود فى مكان تانى اصل اول مره اشوف عربيه الرقم بيكون مكتوب على الزجاج الطبيعى انه بيكون فى الموتور اقصد الكابوت عند الموتور يعنى

**احمد المصرى** · 07-12-2011 06:08 PM

تقريبا انا فهمت غلط والرقم مش على الزجاج دا فى التابلوه نفسوا

**ابو ليلى** · 07-12-2011 06:17 PM

الرقم ده لا هو بتاع الشاسيه ولا الموتور ده الرقم التعريفى للعربية
وكمان هتلقيه فى قايم باب السواق
رقم الشاسية بيكون موجود تحت الكرسى اللى جنب السائق
الموتور بيكون على الموتور .....اقرا كده

أهمية رقم الهوية للمركبة:
يستخدم رقم الهوية في حالات تسجيل السيارة, الضمان, منع السرقة, تغطية التأمين. كما يستخدم رقم الهوية لتغذية بعض أجهزة الفحص الإليكتروني للسيارة حيث يطلب الجهاز إدخال رقم أو حرف معين من الرموز الموجودة برقم الهوية, حيث أن هذا الرقم يبين صفة من صفات السيارة مطلوبة لإتمام الفحص. ويتكون رقم الهوية للسيارات الحديثة من 17 رمز, لكل رمز من 17 رمز له مضمونه الخاص به والغرض منه.
أصبح فهم رقم الهوية للسيارة من الأشياء الهامة لمشتري و بائع السيارة ، حيث أنه يزودهم بتاريخ السيارة من وقت تصنيعها إلى يوم شراءها عند المشتري الأخير، وهكذا أصبح قراءة وفهم رقم الهوية للسيارة من الأمور الهامة للعاملين والمهتمين بمجال السيارات.

**احمد المصرى** · 07-12-2011 10:47 PM

المشاركة الأصلية كتبت بواسطة abouleila

اتفضل يا باشا ..حتة ورقة وتحطها بين التابلوة والزجاج

السلام عليكم

انا لسه جاى من تحت حالا وبصيت على المكان ال فى الصوره الاولى ملقتش اى ارقام بس مش عارف هل هو متشال ولا مش موجود خالص اساسا بس مفيش اى ارقام وجبت ورقه وقلت احطها عليه برضوا كنوع من الامان لحت لما اخد رايكم بس لقيت انى مش هعرف احط اى ورقه لان المكان بين الطابلوه والمكان دا لا يسمح بمرور اى ورقه ولا اى حاجه اطلاقا مش عارف انا كدا ملعوب فى عربيتى ولا ايه المشكله بالظبط ورقم الشاسيه موجود تحت كرسى المجاور للسائق فعلا واول مره كنت ابص عليه

**ابو ليلى** · 07-12-2011 11:18 PM

مينفعش ياباشا تلاقى بس اللى شريها منه عملها بطريقة احترافية
طيب الرقم على قايم الباب
انا هنزلك فى البرد تانى

**احمد المصرى** · 08-12-2011 01:48 AM

المشاركة الأصلية كتبت بواسطة abouleila

مينفعش ياباشا تلاقى بس اللى شريها منه عملها بطريقة احترافية
طيب الرقم على قايم الباب
انا هنزلك فى البرد تانى

والله يا باشا لو الساعه بدرى شويه كنت نزلت بس ان شاء الله الصبح هشوف على القائم واقولك

بس انت مبتقول مينفعش يعنى ايه مينفعش يا باشا مش فاهم ارجو التوضيح هل تقصد انه مينفعش ميكنش فى رقم ولا مينفعش انى معرفش احط ورقه على الرقم دا بس انا جربت بنفسى انى احط ورقه لقيت انه استحاله علشان مفيش اى فاصل بينها وبين طابلوه السياره اطلاقا خالص خالص خالص فمش عارف انا احط ورقه على ايه مش عارف بصراحه

-

الموضوع: مكان رقم الموتور والشاسيه فين يا رجاله

LinkBack

أدوات الموضوع

عرض

مكان رقم الموتور والشاسيه فين يا رجاله - انشر الموضوع فى :

-

-

-

-

-

-

-

-

المواضيع المتشابهه

فين مكان رقم الموتور للابيزا 98 1300 cc

مكان رقم الموتور بالانوس

فين مكان الشنبر قى الموتور

هل لازم رقم الموتور والشاسيه يبقى زى بعض

بخصوص رقم الموتور والشاسيه لانوس 99

الكلمات الدلالية لهذا الموضوع

المفضلات

المفضلات

ضوابط المشاركة