عايز اجيب سلاريو وخايف من التوكيل

**ahmed4000** · 07-12-2011 03:59 PM

السلام عليكم ياشباب
عايزين نجيب سلاريو حتبقى لاسرة صغيرة

بس انا مليش فى المكانميكا نهائيا ولا عمرى بروح لميكانيكى يعنى اى حاجة تبوظ بروح التوكيل

طبعا من واقع اللى قريته هنا فالتوكيل بتاع سوزوكى

يوميا بنعمل مشاوير حوالى 50 كيلو ومفيش شد ولا حرق ولا حاجة

فايه الوضع.اشوف البيكانتو؟ بس فارقة 10 الاف جنيه على الاقل

ومستخصر بصراحة فى البيكانتو الاسعار دى

**karimzoheir** · 08-12-2011 05:48 AM

جيبها و اتكل على الله العربية تقفيل برة و سعرها معقول ويابانى ----و التوكيل تمام الحمدلله فى الدقى و ربنا يوفئك

**Amr Axel** · 08-12-2011 10:23 AM

هو فعلا التوكيل هيخليك تشد في شعرك سواء في الاسعار او الخدمة المقدمة و المعاملة
السيلاريو عربية حلوة لأن هي هي الالتو لكن نازلة تحت اسم سيلاريو لكن اطمنك انها في الأصل التو و الألتو عربية مجربة من الجميع و بسم الله ما شاء الله اثبتت كفائتها هنا لكن للأسف التوكيل مش خادمها اوي

و ده موضوع عنها
http://www.nilemotors.net/Nile/230408-a.html

لو مش هتجيب السيلاريو عندي حلين احسن من بعض

الحل الأول انت بتكلم في بيكانتو لو مش هتجيب سيلاريو يبقي لو هتعلي عن السيلاريو خليك في حاجة من التلاتة رينو لوجان \ هيونداي فيرنا \ شفرولية لانوس و افضلهم من وجهة نظري الرينو لوجان و طبعا اي واحدة فيهم اوسع من السيلاريو او البيكانتو و قطع غيار متوافرة و كويسة و تقدر تسأل عن العربيات بنفسك في اقسامهم

اما الحل التاني انك تستني شوية لغاية ما تشوف العربية اللي هتنزلها هيونداي اللي بيقولوا هتنافس الالتو و هي اسمها ايون eon تقريبا و في نفس الوقت سعرها في نفس حدود الألتو و بيقولوا انها نزلت في الهند و سعرها هناك بما يعادل حاجة و تلاتين الف هنا في مصر لكن هنشوف هتتنزل بكام

دول الحلين الأفضل من وجهة نظري لو مش هتجيب سيلاريو

بالتوفيق ان شاء الله

**shalaboka** · 08-12-2011 11:26 AM

اخى الفاضل صدقنى بلاش تجيب عربيه مش منتشره السيلارو مش منتشره خالص ده هيفرق فى كل حاجه قطع غيار او لما تبيعها تانى انا نصيحتى ليك تجيب فيرنا اتوماتيك لو البيكانتو غاليه