سكودا فليشيا او فيفوريت تقيمك لبنزيمات من حيث البنزين و الزيت

**I.ABUBAKR** · 08-12-2011 10:38 PM

المشاركة الأصلية كتبت بواسطة mr_megahed

من الواضح ان كل واحد فينا جرب نوع زيت واحد ومغيروش بدليل ان كلنا اتفقنا ان الزيت من وجهة نظره كويس على العموم بس كويس ان العربية كمان على بنزين 80 ماشية انا عملت الموضوع ده بهدف ان كل واحد مننا يعرف ايه نوع الزيت اللى ممكن يشتغل على الموتور بتاعها وعلى العموم ربنا يبارك لكل واحد فى الفليشيا بتاعته

علي فكره مش كل واحد كاتب نوع زيت واحد مفضل بالنسبه له انه مجربش غيره
انا مثلا كاتب الزيت المفضل حتي الان فيسكو بس ده لا يمنع اني جربت موبيل xhp وشيل الاصفر قبل كده واحب اقولك ان شل احسن من موبيل بس فيسكو افضل من الاثنين
وانا حاليا بجرب ليكوي مولي بس لسه محكمتش عليه لاني ممشيتش بيه غير 800 كم فقط

**المنسي** · 09-12-2011 12:39 AM

المشاركة الأصلية كتبت بواسطة eacho22

علي فكره مش كل واحد كاتب نوع زيت واحد مفضل بالنسبه له انه مجربش غيره
انا مثلا كاتب الزيت المفضل حتي الان فيسكو بس ده لا يمنع اني جربت موبيل xhp وشيل الاصفر قبل كده واحب اقولك ان شل احسن من موبيل بس فيسكو افضل من الاثنين
وانا حاليا بجرب ليكوي مولي بس لسه محكمتش عليه لاني ممشيتش بيه غير 800 كم فقط

انا ملاحظ ان ناس كتير بدات تستخدم منتجات ليكوى مولى طيب هو الزيت بكام سعر وكام كيلو وهل هو تقيل يعنى مناسب لسخونة الموتور ولا بيحل بسرعة وكمان صوت الموتور عامل ايه معاه معلش انا لسه عايز اغير عندى الزيت بس الواحد بصراحة بيخاف ويقول اللى جربه

قصدى اللى يعرفه احسن من اللى ميعرفوش

**benmatar** · 11-12-2011 01:16 PM

رد شركة ليكوي مولي لترشيح زيت Super Leichtlauf 10W-40 كنوع مناسب لموتور فيليشيا 97 سعة 1300 ويستخدم لمسافة 10000كم بالنسبة للأجواء المصرية،،، وسعره 190ج.م

Dear Mr. Matar,
thank you very much for contacting us and your interest in our LIQUI MOLY products.
In Germany the manufacture request an oil range interval of a maximum of
15.000 KM / or 12 months with this oil quality. But we think in your
country a oil range interval of maximum 10.000 KM / 90months is the best
you can do because the fuel quality in your country is lower than in
Germany.
To reduce friction and wear it is ideal to add CERA TEC into the fresh oil.
We hope we could help you with our information. Should you have further
questions regarding our products we would be very pleased to get contacted
from you again.

Best Regards
i. A.
Steffen Niemietz
Anwendungstechniker
application engineer

**Maged_Samy** · 11-12-2011 01:48 PM

المشاركة الأصلية كتبت بواسطة windsofchange

جزيت خيرا علي الافادة بس زيت bp ماكس كوول ده لزوجته كام يعني 10w 40 ولا كام واكيد من اسمه انت حطه علشان السخونية وليحافظ علي الموتور وبيتجاب منين بالظبط من محطات الغاز صح

اعتذر عن الخطأ 20 لتر + 270 كم وليس 370
زيت فيسكو bp ماكس كول 20 w50 وهو زيت ممتاز جداً فى مستوى تطور sf فى بعض محطات الغاز مش كلها .

**Maged_Samy** · 11-12-2011 01:56 PM

المشاركة الأصلية كتبت بواسطة eacho22

ماشاء الله 20ليتر =370كم يعني الليتر بيعمل معاك 18.5 كم
ربنا يباركلك في فليشيتك بس يا ريت تقولنا انت ضابط موتور عربيتك عند مين
ويا ريت تقولنا كمان سعر الزيت اللي بتستخدمه وبتغير كل كام الف
وبمانسبه انك بتستخدم بنزين 80 انت ضابط الكهربه علي كام
وياريت ضبطه التكيهات كمان معلش هنتقل عليك شويه

1- 20 لتر 270 كم وليس 370
2- سعر الزيت 69 جنيه بعد ما غلى اربع مرات ( التغيير حسب موتور عربيتك ) .
3- انت بتظبت الكهرباء من الاسبراتير لغايه ما توصل لاحسن احساس بالسحب وكمان لما تبطل العربيه ميبقاش فيه تنتيش .

**ayman20100** · 11-12-2011 04:11 PM

المشاركة الأصلية كتبت بواسطة mr_megahed

فكرت وقلت اشوف الناس اصحاب الفليشيا بيحطو بنزين ايه والزيت كمان نوعه ايه ؟
1- بنزين كام
بنزين 80 كويس بس متعب في ظبط الكربيراتير كل فترة صغيرة
2- من بنزينة ايه
عادي اي بنزينة بس مصر للبترول في البحر الاعظم غالباً
3- التفويلة بتعمل كام كيلو
40 لتر يعملوا تقريبا من 300 لغاية 360 ك الفرق الكبير لاهتلاف طبيعة الطرق احياناً ما بين وسط البلد ووقوف ساعات طويلة وبين الدائري مسافات طويلة
4- نوع الزيت
جربت كتير اوي بس فيسكو حظه جيه معايا في بوظان الماتور وبصراحة مش ناوي عليه تاني وما ارتحتش لشل حالياُ موبيل وان شاء الله بفكر استمر عليه
5- زيت 5000 ولا 10000
تقريباُ 5000 في الغالب عمري ما قعد الزيت اكتر من 3000 كيلو
6- فلتر الزيت بتغيره كل قد ايه
مرة ومرة بس لو هغير نوع الزيت بغيره مع اول تغيير
7- احسن نوع زيت من وجهة نظرك
بصراحة اظن موبيل مضمون ومش هجرب زيوت تاني

**benmatar** · 12-12-2011 12:50 PM

ليكوي مولي عندهم زيت 20w50 وثمنه 115ج.م

**المنسي** · 12-12-2011 01:10 PM

الملاحظ ان التفويلة بتختلف من عربية لعربية طبعا وده راجع للبنزين 80 ولا 90 ولا 92 معرفش اذا كان ده صح فعليا ولا لا انا ان شاء الله اعمل تفويلة واشوفها هتعمل كام كيلو واقولكم انا زى ماقلت قبل كده انا بحط 92