العفو يا فندم
العفو يا فندم
http://media.supercheapauto.com.au/s...ges/215333.jpg
http://3.bp.blogspot.com/-NaKOEFHKBw..._4a5268643.JPG
http://www.opieoils.co.uk/images/VAR...arge/90041.jpg
ايه الفرق بين الجركن الاحمر والاصفر والازرق يعني انا اللى فهمته ان كل جركن من التلاتة منه يعمل 5000 كيلو والاخر 10000 ولا ايه انا بغير زيت شل لعربيتي الجركن الاصفر بس بصراحة مش عارف مكتوب عليه ايه انا دورت على جوجل على ....l 20w50 طلعلى الجركن ازرق واصفر
السلام عليكم
الموضوع مش مجرد يعمل كام كيلو، موضوع اللزوجة مهم جدا جدا ألا وهو الرقم اللي بتشوفه مكتوب 20w50 مثلا أو أرقام تانية ودي أكواد قياسية عالمية بعد التجارب والاختبارات وملهاش دعوة ببقاء الزيت كام كيلو، المهم هو نوع الموتور وطبيعة الجو اللي حضرتك عايش فيه، إزاي يعني؟؟
يعني لو واحد فيليشياوي بس مش مصري سويدي يعني أو نرويجي وعندهم الدنيا تلج في تلج مستحيل يجيب زيت 20w50 وإنما يشتري زيت 0w30 أو 5w40 مثلا وده نوع مستحيل نستخدمه هنا، وأساسا مش هتلاقيه بيتياع.
من الآخر عشان مطولش رغم إني طولت، الزيت اللي تستخدمه للفيليشيا هو درجة 20w50 طول السنة، وممكن في الشتاء لو حبيت تستخدم 10w40 وده هو المفضل بصفة عامة في عربياتنا في مصرنا العزيزة بسسسسس اللي ربنا كارمه ومعاه حاجة كده موديل حديث مرسيدس أو بي إم مش هيحط 20w50 وإنما يحط 10w40 طول السنة أو 5w40 أفضل، وبصفة عامة جميع المحركات الحديثة وقليلة الاستخدام ولسة مشيقتش والكيلو قليل ممكن يستخدم الدرجات القليلة دي.
عشان أريحك ودي نصيحة أخوية من متخصص حضرتك تعتمد في موضوع تغيير الزيت على 3 نقاط رئيسية أولها لزوجة الزيت! إزاي؟ يعني كل فترة كدة أو سفرية طويلة تكشف على الزيت بإنك تاخد من مقاس الزيت نقطة على صباعك وتشوف لزوجته عاملة إيه؟؟ لو زي ما اشتريته أو أقرب يبقى تمام لو لقيت اللزوجة راحت وقربت على لزوجة المياه (مش يتزحلق الصباعين على بعض) تعرف إنك تغيره. تاني حاجة المستوى طبعا وإنك متلاقيش المستوى قليل عن الحد المسموح وتكمل عليه، وتالت شئ اللون لو عسل اسود هبابة تغيره فورا، لو غامق شوية أو حتى شويتين مش مشكلة لأنه بيغمق بعد ماتحطه وتمشي بيه 5 كيلو ومفيش مشكلة. أما موضوع الكيلو ده مستحيل تطبقه في مصر عشان عوامل مختلفة منها الزحام الشديد والموتور بيكون شغال والزيت بيتهري وعداد الكيلو واقف، ومنها التراب والأجواء الدخانية، ومنها الحالات الميكانيكية المتواضعة لعربياتنا العزيزة. أرجو أكون أفدتك
يعني برده استخدم مين فيهم 20w50 ولا 10w40 انا بغير كل مرة جركن شل الاصفر انا مش عارف الرقم اللى عليه كام
السلام عليكم
عن نفسي بستخدم 20W50 وده أنصح حضرتك بيه، وللعلم ممكن سيادتك تستخدم زيت ماركة ليكوي مولي liqui moly ودي ماركة ألماني مستوردة عندهم زيت ممتاز كافة الدرجات ومنها 20w50 ثمنه 120ج.م تقريبا واستخدامه مش أقل من 5000ك- 6000ك. ممكن حد يستغرب ويقول ماركة مش معروفة أقول مش كل مجهول يكون سئ وإنما دي عندي أفضل من موبيل وشل وتوتال... ليهم مركز توزيع في الدقي وواحد في مصر الجديدة.
وكيل بيع الدقي: 01093359994
وكيل بيع مصر الجديدة: 01001474100
بصراحة زيوت رائعة ومنتجات ممتازة واعمل زيارة لموقعهم على الانترنت.
السلام عليكم
حضرتك أنا مش شغال معاهم ولا يعرفوني بس كل مافي الأمر حبيت أنصح بحكم التجارب وخبرتي ككيميائي في المجال. وهم في شارع السبكي متفرع من شارع الدقي، واتصل بيه يشرحلك مكانه، وعندهم مكان فعلا. وبالنسبة للصورة ممكن تزور موقع الشركة الأم في ألمانيا. منتجاتهم مصنعة هناك بالكامل، يعني هتحط زيت مستورد وسيبك من الزيوت السيئة اللي حققت اسم وبس.
1- بنزين كام
92
2- من بنزينة ايه
اي بنزينة بس في الاغلب كالتكس عشان قريبة مني و انا خارج
3- التفويلة بتعمل كام كيلو
مش حاسب بالظبط بس 20لتر يعملو في 200 ممكن اكتر مش فاكر
4- نوع الزيت
انا غير 3 مرات من ساعت ماجبت العربية (حوالي 9 شهور) اومرة شل اصفر 5000 غيرته عند 3000 وكان تمام مفيش نقص ولا حاجة ونازل تقيل , تاني مرة غيرت عند واحد تاني بس شل برضه 5000 بس المرادي بقى ينقص بعد اول الف, فغيرت حليه كالتكس 2000 احمر تقيل وعمل حتى الان 1500 من غير نقص
5- زيت 5000 ولا 10000
حاليا 2000
6- فلتر الزيت بتغيره كل قد ايه
مره و مره
7- احسن نوع زيت من وجهة نظرك
شل اصفر 5000 كان كويس بس مش عارف ليه نقص معايه في تاني تغيرة الميكانيكي قالي ان الموتور عمره قديم 15 سنة لازم تحطله زيت تقيل وترميه بسرعة 2000,2500 بالكتير, المواتير الجديدة هي اللي تستخدم معاها الزيوت الخفيفة و تعض 5 و 10 الف كيلو
السلام عليكم
بالنسبة للفلتر حضرتك تشتريه وتروحلهم، أنا بشتري فلتر 15ج.م كل تغيير زيت. ولو رحت تشتري من ليكوي مولي الدقي أو مصر الجديدة هاتشتري زيت درجة 20w50 لمحركات البنزين، ولو تحب عندهم مادة اسمها سيراتك ceratec بصراحة تكنولوجيا عالية جدا وتمنها 120ج تقريبا وتضاف على الزيت... باختصار هتعمل حماية رائعة لجدار المحرك الداخلي والأجزاء الاحتكاكية بمادة سيراميكية، بجد مش هزار بيستخدمو تكنولوجيا النانو في كيماوياتهم والكلام ده أكيد. ممكن تستخدم الزيت بس وممكن تضيفها على الزيت وهيقولولك ازاي.