إياكم و الصينى تقليد المضروب أحسن منه
مبدئياً انا أسف على عدم مشاركتى من فترة بس الظروف بتحكم انا كويس انى بشوف عيالى اليومين دول الواحد شغال زى الطور فى ساقية و مش مكفى ، الحمد لله
المهم يا جماعة بدون آى مقدمات و انا بلف من اليوترن اللى قدام شارعنا عشان اروح العربية وقفت و حلفت ما تدور انا ترجمت دة علطول بانه طلمبة بنزين و دة اللى حصل بالفعل ، المهم جبت الميكانيكى و قاللى روح يا جميل على آى حد بتاع استيراد هات واحده المهم جبت واحده وركبتها طلعت لاموأخذة و غيرتها بواحدة تانى و برضه لامواخذه المهم انها تركب تبقى زى الفل و تعملها معاك تانى يوم و انت رايح الشغل المهك تعطلك و خلاص فلما زهقت اشتريت واحده صينى و من عند مين دى المفاجأة من عند حبيب قلب طنانى من جوة " عبد الله أوبل " لان العربية عملتها قصاد ورشته بالظبط المهم اشتريتها قلت جديدة احسن من المستعمل صينى اى نعم بس زيرو
و يا ريتنى ما مشيت ورا دماغى و دماغ ابن ....... هما يا دوب اسبوعين اثنين و الله ما كملت شهر حتى و عملتها معايا فى اشارة مشعل بشارع الهرم و كان عندى برد و جسمى كله مكسر من همى قلت والله لازوق العربية لوحدى و فعلاً زقيت العربية لوحدى لحد الكهريائى اللى جنب البيت عندى و على فكرة هو كويس جداً بس انا ارتحت مع كهربائى الأوبل اللى فى الطالبية بس ما كنش ينفع ازوق للطالبية المفيد الواد جابلى واحدة المانى استيراد و ركبها و الحمد لله
بس السؤال يا طنانى الله يباركلك ، السؤال ، انا هسأل أهوه
انا لما العربية عملتها كنت لسة مفول من أون زا رن الرماية و بعدها صفرت عداد الترب
و جيت عند ال100 ك و رحت مفول لاقيت العربية خدت 20 لتر بالتمام و الكمال و دة كده استهلاك 10000 سى سى ايه السبب ؟ انتهى السؤال ارجو الرد المفيد و القاطع من جميع الاخوة و الاخوات و آى حد ربنا انعم عليه بالفهم لان انا وصلت لمرحلة الجنان و مبقاش عندى مخ افكر بيه
