ممكن مساعده في تسعير العربية الاكسنت دي

طبعا الشكر مقدما لكل من يقدم يد المساعده
هيه عربية عاوز اشتريها للمدام ومعروضه عليه
هيونداي اكسنت 1300 موديل 1999- فول اوبشن - مانيوال - زجاج عادي
رشه بره - فابريكة جوه - عاملة 250000كم
الرخصة باسم المالك وفيها سنة - وبقاله فتره راكنها - والكاوتش تقريبا عامل 10000كم

1- الراجل عارضها علي 35 -- فهل السعر مناسب؟؟
2- مين من مراكز لصيانة او التوكيل ممكن يكشف علي العربية في منطقة مدينه نصر او شبرا او مصر الجديدة
3- هل من الممكن نخلي الزجاج كهربا ومين احسن واحد يعمله ويتكلف كام تقريبا

والف شكر علي المساعده

هو تمانها مناسب جدا لو حالتها كويسه وربنا يوفقك للصالح.

اقتباس:

---

المشاركة الأصلية كتبت بواسطة drhegab

هو تمانها مناسب جدا لو حالتها كويسه وربنا يوفقك للصالح.

---

الف شكر للرد

اولا : السلام عليكم ورحمة الله وبركاته
هو السعر مش هقدر افيد حضرتك بصراحة لكن لو حضرتك عايز مركز صيانة ففى واحد فى شبرا هو مركز صيانة معتمد من غبور العنوان 2 ش محمد فريد بجوار مسجد محمد فريد شارع احمد حلمى هناك ان شاء الله يكشفوا على العربية بالكامل وهيقلولك كل حاجة بس غالبا هما مبيتمنوش العربية هما بيكشفوا عليها بس

اسف نسيت اكتب اسمه هو اسمه المهندسون العرب

هوا السعر مناسب تقريبا بس لازم تقيس كبس الموتور لان ممكن يكون داخل طقم شمبر او عمرة !

اقتباس:

---

المشاركة الأصلية كتبت بواسطة ahmedxman4

اسف نسيت اكتب اسمه هو اسمه المهندسون العرب

---

الف الف شكر

اقتباس:

---

المشاركة الأصلية كتبت بواسطة nice_bird

هوا السعر مناسب تقريبا بس لازم تقيس كبس الموتور لان ممكن يكون داخل طقم شمبر او عمرة !

---

بس لوهيه عاملة طقم شمبر او عمرة هتبان في كبس الموتور

اقتباس:

---

بس لوهيه عاملة طقم شمبر او عمرة هتبان في كبس الموتور

---

مش مهم انها تكون عاملة عمرة او شمبر قد ما المهم انها متكونش محتاجة حاجة فيهم لان اقل تكلفة للشمبر (1000ج) والعمرة اغلي طبعا

السعر مناسب وفرصة وموضوع الموتور مش مهم مفيش عربيه بتشتريها الا وبتصرف عليها المهم ان العربيه تكون اساسها سليم يعنى شاسيه وعضم وحوض وعفشه وبالتوفيق ان شاء الله
كمان ممكن تروح البنزينة اللى جنب السوق وهناك ممكن تكشف على المحرك والشاسيه وكمان فى بنزينة شل اول شارع الهرم بتعمل نفس الموضوع

السلام عليكم اخي الفاضل هي 35000 قريبة بس ممكن تتهز شوية صغيرة لانها عاملة 250000 كيلو وبعدين مافيش اكسنت 1300 فول اوبشن هي طالما الزجاج عادي تبقى العربية فاضية لان الاوبشن بتاعها ان الدريكسيون هاف بور واتنين زجاج كهربا المهم انها ينفع يتعملها زجاج كهربا بسهولة ان شاء الله وبالنسبة للكشف اهم حاجة الكشف لان هو ده اللي هيخلي سعر العربية كويس ومباااارك عليك باذن الله وعينيا في اي حاجة تحتاجها

انا رحت شفت العربية بس للاسف خالتها من بره حتي ماشجعتنيش اروح ارفعها محتاجة بعض السمكرة ودوكو وشكلها ماكنتش منصانه بس فيه عربية تانية دي مواصفتها احب برضه اخد رايكم فيها -- هيه من كونتاكت كار

1500 سى سى | 113500كم -- اكسيل موديل 1997وهوه حاطط صورتها وشكلها كويس
http://contactcars.com/images/icon1.gifhttp://contactcars.com/images/icon2.gifhttp://contactcars.com/images/icon3.gif
دوكو المصنع من الداخل بالكامل دوكو خارجى ممتاز تكييف سنتر 4 زجاج كهرباء اريال كهرباء كاسيت الفبريكة طارة متحركة فتح التنك والشنطة من الداخل سبويلر خلفى فرش المصنع 4 فرد كاوتش جدد بطارية جافة رخصة 10 شهور

وصاحبها طالب 37 بس انا شايف انه كثير واعتقد ان 34 او 35 يبقي كويس عليها

كما واحد جارنا صاحب معرض قالي علي عربية التو موديل 2007 مانيوال فول اوبشن ب 36 -- بس مش عارف هيه 1100 والا 800 سي سي

والف شكر علي المساعدة